Sāvali mai le Au Peresitene Sili

Uso e ma Tuafafine Pele:

Ua folafola mai e le Alii, ‟O lo’u faamoemoe o le faia lea o mea mo la’u au paia” [Mataupu Faavae ma Feagaiga 104:15). O lenei faaaliga o se folafolaga mai le Alii o le a Ia saunia ni faamanuiaga faaletino ma tatala faitotoa o le ola tutoatasi, o le mafai lea e i tatou ona saunia mea manaomia o le olaga mo i tatou lava ma tagata o o tatou aiga.

Ua saunia lenei tusi o galuega e fesoasoani i tagata o le Ekalesia ia aoao ai ma faatino mataupu faavae o le faatuatua, aoga, galue malosi, ma le faalagolago i le Alii. O le taliaina ma ola ai i nei mataupu faavae o le a mafai ai ona e maua le malosi na folafola mai e le Alii.

Matou te valaaulia oe ina ia suesue ma le filiga ma faaaoga nei mataupu faavae ma aoao atu i tagata o lou aiga. Ma o lou faia o lea mea, o le a faamanuiaina ai lou olaga. O le a e iloa ona galue i lou auala e agai atu ai i le faateleina o lou ola tutoatasi. O le a faamanuiaina oe i se faamoemoe sili atu, filemu, ma le alualu i luma.

Faamolemole ia e mautinoa o oe o se atalii po o se afafine o lo tatou Tama oi le Lagi. E alofa o Ia ia te oe ma o le a lē tuulafoaia lava oe. Na te silafia oe ma ua sauni e tuuina atu ia te oe faamanuiaga faaleagaga ma faaletino o le ola tutoatasi.

Ma le faamaoni lava,

O le Au Peresitene Sili