Mo Tagata e Faagaoioia

Faafetai mo lou naunau e auauna atu o se tagata e faagaoioia. I lenei matafaioi, o le a avea oe ma se vaega o se mea matagofie. O au taumafaiga o le a fesoasoani e taitai se vaega toalaiti o tagata ina ia faafoisia atili faalelagona a o latou ola i mataupu faavae o le talalelei ma aoao ni tomai aogā. E lē manaomia ona avea oe ma se tagata tomai faapitoa, ma e lē nafa oe ma mea e aumaia e isi; tau lava o le mulimuli i anomea ma faalagolago i musumusuga mai le Agaga ma le vaega.

O le faafoeina o lenei vaega e ese mai isi kosi o le ola tutoatasi. E ui e mafai ona faatino lenei kosi mo vaega o aofaiga eseese, ae ua faaalia i ni aafiaga o le toatele o le vaega e lelei mo lenei kosi o le 8 i le 10 tagata auai. O autu i lenei tusi lesona e maaleale, o lea e ono ootia ai nisi o tagata auai. Afai e tupu lenei mea, faamolemole ia malamalama i le mea e mafai ai. O le toatele o tagata auai o le vaega o le a vave ona tuuina atu le lagolago i isi.

Afai e faaaoga nei anomea i vaega a le autalavou, ua fautuaina ia lē itiiti ifo ma le 16 tausaga le matutua o tagata auai ma ia auai ni tagata matutua se toalua. Afai e i ai ni ou atugaluga e uiga i le saogalemu o se talavou ona o se mea na te faasoa maia i se fonotaga, faamolemole ia faailoa atu i le matua po o le tagata o loo vaaia.

O loo i lalo nisi o tulaga e te ono fetaiai ma nisi o tali talafeagai.

Tulaga	Tali Talafeagai
Tulaga O le fefaasoaai e alu i le āluga o le taimi atofaina.	Tali Talafeagai Filifili se tagata o le vaega e avea ma se tagata e vaaia le taimi. “Ou te talisapaia le tāua o lenei mea ia te oe, ae e tatau ona tatou agai pea i luma ina ia tumau ai i totonu o le taimi.”
Tulaga Ua faasoa mai e se tagata auai le tele naua pe ua faomālo foi i le talanoaga faavaega.	Tali Talafeagai “Faafetai tele mo le faasoa mai. E manaomia ona tatou tuuina atu ni avanoa mo isi e faasoa ai.”
Tulaga E faaaoga e se tagata auai faamatalaga o ata e faamatala ai se tulaga po o se luitau.	Tali Talafeagai “E foliga mai o se tulaga faigata lena. Ou te fia faamanatu atu ia te outou, ma i matou uma lava, e leai so tatou taimi po o se aoaoga e taulima ai lena faafitauli.”

Tali Atu i Tulaga Faigata

Afai e faaauau pea ona faateteleina lagona i le taimi o se fonotaga, mafaufau e fautua atu se malologa puupuu. Aveese mai lea tagata auai. E mafai ona e fesili atu i lena tagata auai, “O lelei oe? E foliga mai e te le o fiafia. E i ai se mea e mafai ona ou faia e fesoasoani atu ai?” E tatau i le tagata e faagaoioia ona siaki ina ia iloa o loo lelei uma tagata auai ae latou te lei tuua le fonotaga. Afai e faamatauina pe faamanualia e le tagata auai soo se tasi, fai atu i le tagata e alu ese, valaau i le vaega e faamalosia tulafono, ma logo vave ia taitai perisitua. Ia faamasani i Taiala mo le Puipuiga o le Saogalemu o Falelotu, lea o loo maua e ala atu i lou epikopo.

Faitau:

O lenei vaega e mo na o faamoemoega faaleaoaoga. E lē o se togafitiga faavaega po o se togafitiga faapolofesa mo faafitauli o le soifua maloloina faalemafaufau. Afai o loo e popole i le saogalemu o se tasi i le vaega, taumafai e aapa atu ia te ia e faamautinoa le saogalemu o lena tagata. Afai e lē mafai ona e faia, atonu e manaomia lou faafesootaia o au pulega i le lotoifale ina ia mautinoa ai o loo saogalemu lena tagata o lau vaega.

FAI

FAI AO LEI FAIA FONO TAITASI Siiina mai o vitiō (Tagai “Tusi Lesona ma Vitiō” i le srs.ChurchofJesusChrist.org.) Siaki po o ola masini vitiō. Iloilo faapuupuu le mataupu. Saunia oe lava faaleagaga. I LE TAIMI O FONOTAGA TAITASI Amata ma faaiu i le taimi sao. Ia amata ma faaiu fonotaga taitasi i se tatalo. Uunaia tagata uma e faasoa mai pe afai latou te mananao ai. Tofi se tagata e vaaia le taimi. Uunaia tagata uma e auai. Ia avea ma se tagata o se vaega. Fai, tausi, ma lipoti mai au tautinoga. Ia fiafia ma faailoga mea e faamanuiaina ai. Talitonu ma mulimuli i le tusi o galuega. PE A UMA FONOTAGA TAITASI Iloilo oe lava e faaaoga ai le “Iloiloga Faaletagata Lava Ia a le Tagata e Faagaoioia” (pe a maea le vaega lenei). Faafesootai ma uunaia tagata [o le vaega] i le āluga o le vaiaso. Faailoa atu i le tagata faapitoa o le ola tutoatasi o le siteki le alualu i luma o le vaega.

AUA LE FAIA
AUA LE FAIA AO LEI FAIA FONOTAGA TAITASI Saunia se lesona. I LE TAIMI O FONOTAGA TAITASI Aoao atu pe gaoioi e pei o se tagata tomai faapitoa. Ia tele lau talanoa nai lo o isi. Tali fesili uma. Ia avea ma totonugalemu o taulaiga. Nofo i le ulu o le laulau. Tu i luga e faagaoioi. Faapasi le vaega “Mafaufau Loloto.” Fai atu lou manatu pe a uma manatu faaalia taitasi. Sui pe faaleleia ia gaoioiga.

Iloiloga o le Tagata Lava Ia e Faagaoioia

A uma fonotaga taitasi a le vaega, iloilo faamatalaga o loo i lalo. O le a se lelei o loo e faia ai le [faagaoioiga o le vaega]?

O Faapefea Mai Au o se tagata e faagaoioia?	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 1. E tau fai tutusa le auai o tagata uma.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 2. Ou te tuu atu i tagata o le vaega e talia fesili nai lo lo’u taliina e au lava ia. E itiiti se taimi ou te tautala ai nai lo o isi tagata o le vaega.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 3. Ou te mulimuli i le tusi o galuega e pei ona tusia ai ma faamaea vaega ma gaoioiga uma.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 4. Ou te faafesootaia tagata o le vaega i le āluga o le vaiaso.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 5. Ou te faasoa atu lou fiafia ma le alofa mo tagata taitasi o vaega.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 6. Ou te nofo i totonu o le taimi fautuaina mo vaega taitasi ma gaoioiga.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 7. Ou te faaavanoaina le taimi mo le vaega o le “Mafaufau loloto” ina ia taitaiina ai e le Agaga Paia tagata o le vaega.	E Lei faia lava	O nisi taimi	Fai soo	Taimi uma
O Faapefea Mai Au o se tagata e faagaoioia? 8. Ou te fesoasoani ia mautinoa e mafai e tagata uma o le vaega ona lipoti mai i ana tautinoga.	E Lei faia lava	O nisi taimi	Fai soo	Taimi uma

O A Mai La’u Vaega?	E Lei faia lava	O nisi taimi	Fai soo	Taimi uma
O A Mai La’u Vaega? 1. E faamalosiau ma faaalia e tagata o le vaega le lagolago mo le tasi ma le isi.	E Lei faia lava	O nisi taimi	Fai soo	Taimi uma
O A Mai La’u Vaega? 2. E tausia e tagata o le vaega a latou tautinoga.	E Lei faia lava	O nisi taimi	Fai soo	Taimi uma
O A Mai La’u Vaega? 3. O loo ausia e tagata o le vaega ia taunuuga faaletino ma faaleagaga.	E Lei faia lava	O nisi taimi	Fai soo	Taimi uma
O A Mai La’u Vaega? 4. E faafesootai ma uunaia e lē aunoa e soa galulue le tasi ma le isi i le āluga o le vaiaso.	E Lei faia lava	O nisi taimi	Fai soo	Taimi uma