Ola Tutoatasi
Aoao

“4: Aoao,” Mauaina o le Malosi i le Alii: Faafoisia Faalelagona (2020)

“4: Aoao,” Mauaina o le Malosi i le Alii: Faafoisia Faalelagona

Aoao—Taimi Aofai: 60 Minute

1. O Le a le Atuatuvale ma le Popole?

Faitau:

O le atuatuvale ma le popole o ni vaega masani o le olaga. O nei upu e faamatala ai auala e tali atu ai le faiai ma le tino i soo se manaoga, e pei o se faafitauli i le galuega, o se suega i le aoga, po o se faaiuga tāua. O le telē masani o le atuatuvale ma le popole e mafai ona fesoasoani ia te oe e taulai atu ai, ausia au sini, ma puipuia ai lou tino. Mo se faataitaiga, afai e i ai sou popolega e uiga i lau galuega, atonu o le a e galue saunia ma taulai atu i au galuega.

O le atuatuvale ma le popole e fesoasoani e faatumauina ai lou ola, ae o le lagonaina soo o le atuatuvale ma le popole pe mo se taimi umi tele, e mafai ona mafua ai ni faafitauli ogaoga ma taitai atu ai i gasegase faalemafaufau. Afai o loo e feagai ma le tele naua o le atuatuvale ma le popole, atonu e te mai soo, tigā soo le ulu, lagona le ita, i ai ni suiga maoae i lau ai, pe oo foi i le leai o se taulaiga.

Atonu e amata ona e lagona le lofituina i lau galuega, pe atonu foi e te lē manao e te alu e faigaluega ona e te fefe i se mea leaga o le a tupu pe o le a lē lava lou lelei. O faailoga nei o loo e lagonaina le faanoanoa po o tulaga lē lelei o le atuatuvale ma le popole.

O le atuatuvale ma le popole e mafai ona aafia ai lou tomai e lagona le Agaga pe faafefiloi lou malamalama i uunaiga faaleagaga. Na saunoa mai Sister Reyna I. Aburto, “Afai tatou te faanoanoa pea ma afai e poloka e o tatou tiga lo tatou tomai e lagona ai le alofa o lo tatou Tama Faalelagi ma Lona Alo ma le faatosinaga a le Agaga Paia, atonu la o loo tatou mafatia mai le atuatuvale, popole, po o isi tulaga faalelagona” (“I Mala, i Manu, Iesu, Afio Mai!” Liahona, Nov. 2019, 58).

O loo taulai atu lenei mataupu i le aoaoina ina ia taulimaina lelei tulaga masani o le atuatuvale ma le popole. E mafai ona e aoao ia iloa le taimi ua tele nauā ai lou atuatuvale po o le popole ma saili le fesoasoani talafeagai.

Talanoa:

Na faapefea e le atuatuvale ma le popole ona fesoasoani pe faatiga foi ia te oe?

2. Malamalama i Tulaga o le Atuatuvale

Faitau:

E pei o fua i luga o fuamaila o le taavale lea e faamanatu atu ai ia te oe e faalemu, utu le penisini, pe siaki le afi, o faailoga o le atuatuvale o ni faailo ia e faamanatu atu ai ia te oe e faalemu, faatumu lau “tane” faaleagaga, ma tagai mo ni vaifofo fou. A o e galue e pulea lelei lou atuatuvale, e mafai ona fesoasoani le faavasegaina o le atuatuvale i ni tulaga eseese se fa. (Tagai i le siata i le gaoioiga lenei.)

Faitau:

O i latou e faigata ona taulimaina le olaga i lea aso ma lea aso, atonu e i ai se faafitauli faalesoifua maloloina. O se faalavelave faafuasei e ono mafua ai ona faafuasei ona e see atu i se tulaga o le atuatuvale lanumoli po o le lanumumu. E tatau i tagata ona sailia se fesoasoani faapolofesa i le taimi lava lena pe afai latou te lagona e lē mafai ona latou taulimaina pe o loo faaaogaina foi ni mea e lamatia ai. O i latou e i ai mafaufauga e pule i le ola e tatau ona o atu i le potu e sili ona lata ane mo faalavelave faafuasei i le falemai ma aapa atu i aiga, se uo, po o o latou epikopo po o isi taitai o le Ekalesia. Tagai suicide.ChurchofJesusChrist.org mo laina fesoasoani ma punaoa.

Soo se tasi i Amerika i Matu e mafai ona valaau i le National Suicide Prevention Line i le 1-800-273-8255.

3. Faaaoga le Manatunatu e Faaitiitia ai le Atuatuvale

Faitau:

O mamanu o le atuatuvale ma mafaufauga e lē sao e mafai ona pulea ma faafefiloi ai ou mafaufauga. E mafai ona fesēai solo lou mafaufau, pe e mafai foi ona e aluese ma taulai atu i soo se mea e ese mai le mea o loo tupu i ou autafa.

O le manatunatu o se tomai lea o le a fesoasoani ia te oe ia faateleina ai le faafoisia faalelagona. O le gauai atu lea i mea o loo tau atu e lou tino ia te oe iinei ma le taimi nei. E mafai ona fesoasoani e faaitiitia ai le atuatuvale ma le popole ma faateleina ai lou lagona o le soifua manuia ma le mautinoa. O le manatunatu e fesoasoani foi ia te oe e aloese ai mai le soona tali atu po o le lofituina i mea o loo tutupu i ou autafa.

Talanoa:

O le a se mea e fesoasoani ia te oe e taulai atu i ai, e tusa lava pe o e atuatuvale?

Mafaufau loloto:

I se fua o le 1 i le 10, o le a le atuatuvale o loo ou lagonaina i le taimi nei?

Talanoa:

Pe na fesoasoani le gaoioiga o le manatunatu e faaitiitia ai tulaga o lou atuatuvale?

Motugaafa:

E mafai ona e faia e oe lava ia le gaoioiga o le manatunatu i soo se taimi. Mafaufau e aoao atili e uiga i le manatunatu loloto ma isi auala e malolo ai e ala i le faaaogaina o punaoa o loo i le faaiuga o le mataupu lenei.

4. Mauaina o le Mana Faaleatua

Maimoa:

“Aapa Atu ia te Ia i le Faatuatua,” o loo maua i le https://churchofjesuschrist.org/study/video/self-reliance-videos [3:54].

3:57

Reach Up to Him in Faith

President Russell M. Nelson teaches that just as the woman who was healed by touching the robe of Jesus, we can receive strength and direction by reaching out to Him as well.

Faitau:

Na aoao mai Peresitene Dallin H. Oaks e uiga i le tomai o Keriso e faamalosia ai i tatou i soo se tulaga tatou te feagai ai: “O lea ua Ia silafia ai o tatou tauiviga, o o tatou lototiga, o o tatou faaosoosoga, ma o tatou mafatiaga, aua sa Ia naunau ia i latou uma o se vaega taua o Lana Togiola. Ma ona o lenei mea, ua Ia maua ai le mana o Lana Togiola e fesoasoani mai ai ia i tatou—e tuu mai ia i tatou le malosi e onosaia ai ia mea uma. …

“ … O le Togiola a le tatou Faaola ua sili atu nai lo le faamautinoaina mai ia i tatou o le tino ola pea, e ala i se toetu mo le lalolagi uma ma tuuina mai le avanoa mo i tatou ina ia faamamaina ai mai agasala e ala i le salamo ma le papatisoga. O Lana Togiola foi ua tatou maua ai le avanoa e valaau atu ai ia te Ia o lē ua oo i o tatou vaivaiga uma faaletino ina ia tuu mai ia i tatou le malosi e lavātia ai avega o le olaga faaletino. Na te silafia o tatou tiga, ma o i ai o Ia iina mo i tatou. E pei o le Samaria agalelei, a Ia mauaina i tatou o manunua i tafatafā ala, o le a Ia fusifusi i o tatou manua ma tausi i tatou (tagai i le Luka 10:34). O le mana faamalolo ma le malosiaga o le Togiola a Iesu Keriso e mo i tatou uma o e o le a ole atu” (“Faamalosia e ala i le Togiola a Iesu Keriso,” Liahona, Nov. 2015, 62, 64).

Talanoa:

E mafai faapefea e le manatuaina pea o le Faaola ona fesoasoani ia te oe e pulea lelei ai le atuatuvale ma le popole?

5. Faafiaatoatoa

Faitau:

O le faafiaatoatoa o le talitonuga lea afai tatou te lē atoatoa i mea uma, ua tatou toilalo ma e lē lava lo tatou lelei mo le Atua po o se isi lava tagata. Peitai, ua tatou iloa ua tuuina mai e le Alii ia i tatou vaivaiga e fesoasoani ai ia i tatou ia tumau i le lotomaualalo ma aoaogofie (tagai Eteru 12:27).

I le faaatoatoaina, na aoao mai Elder Jeffrey R. Holland:

Pau le tatou faamoemoega mo le atoatoa moni o le taliaina lea e avea ma se meaalofa mai le lagi—e lē mafai ona tatou ‘galulue’ i ai. O le mea lea, ua ofo mai ai ia i tatou e le alofa tunoa o Keriso e lē gata o le faaolataga mai le faanoanoa ma le agasala ma le oti ae o le faaolataga mai a tatou lava faitioga patino faifai pea. …

“Uso e ma tuafafine, o i tatou uma lava o loo saili atu i se olaga sili FaaKeriso nai lo le faamanuiaina masani i le olaga. … Afai tatou te tautino atu lena faamaoni ma taumafai ia faaleleia, e le o i tatou la o ni tagata pepelo; o tatou o tagata soifua. … Afai tatou te tutumau, ona i ai lea o se mea i le faavavau o le a faaumaina ma atoatoa ai lo tatou faaatoatoaina—o le uiga lea o le Feagaiga Fou o le atoatoa” (“Ia Atoatoa Ona Lelei o La Outou Amio— I Le Iuga,” Liahona, Nov. 2017, 41–42).

Faitau:

O mataupu faavae nei e fa mo le faateleina o le agaalofa o le tagata lava ia ma le faaitiitia o le faafiaatoatoa:

  1. Ia nofouta i le faafiaatoatoa i o tatou mafaufauga, lagona, ma faatinoga.

  2. Lui na mafaufauga, lagona, ma faatinoga.

  3. Ia talia a tatou mea sesē o se vaega o le olaga, ma aua le fefe e faia ni mea sesē.

  4. Atiae le agaalofa o le tagata lava ia; talia ma alofa ia te oe lava, e aofia ai ou lē atoatoa.

Maimoa:

“Perfectionism: Will I Ever Be Good Enough?” o loo maua i le https://churchofjesuschrist.org/study/video/self-reliance-videos [3:54].

4:36

Perfectionism: Will I Ever Be Good Enough?

Do you sometimes feel like you’re not good enough for God or anyone else? Chances are you’ve had a bout with perfectionism. Whether you know it or not, God’s Grace reaches everyone—including perfectionists.

Talanoa:

I le vitiō, na faapefea ona atili agaalofa Olivia ma luiina lona faafiaatoatoa?

Talanoa:

O le a se mea e mafai ona matou faia e faaleleia atili ai aafiaga a le matou vaega?

Faamatalaga