“9: O Lo’u Faavae: Ia Tasi, Auauna Faatasi,” Mauaina o le Malosi i le Alii: Faafoisia Faalelagona (2020)
“9: O Lo’u Faavae: Ia Tasi, Auauna Faatasi,” Mauaina o le Malosi i le Alii: Faafoisia Faalelagona
O Lo’u Faavae: Ia Tasi, Galulue Faatasi—Taimi Atoa: 20 Minute
Mafaufau Loloto:
E faapefea e le tuuina atu o au lava i le auauna atu i isi ona faasaoina moni ai au?
Maimoa:
“In the Lord’s Way,” maua i le https://churchofjesuschrist.org/study/video/self-reliance-videos. (E lē maua le vitiō? Faitau le tusitusiga mo le “In the Lord’s Way.”)
I Le Ala a le Alii
Afai e lē mafai ona e matamata i le vitiō, faitau le tusiga lenei.
Peresitene Henry B. Eyring:
O mataupu faavae i le faavaega o le polokalama uelefea a le Ekalesia, e lē mo na o se taimi se tasi po o se nofoaga e tasi. E mo taimi uma ma nofoaga uma. …
… O le auala e faia ai e manino. O i latou ua faasolosolo ina tele [ni mea] e ao ona faamaualaloina i latou lava e fesoasoani ia i latou o manaomia le fesoasoani. O i latou ua matuā faatamaoaigaina e ao ona ositaulaga ofofua nisi o o latou tulaga mafanafana, o taimi, o tomai, ma punaoa e faamāmā ai le mafatia o i latou o manaomia le fesoasoani. Ma o le fesoasoani e tuuina atu i se auala e faateleina ai le mana o tagata e taliaina e tausia i latou lava ona tausia lea o isi. Afai e faia lenei mea, i le ala a le Alii, e mafai ona tupu se mea ofoofogia. E faamanuiaina uma le tagata e foai ma le tagata e taliaina.
(Na sii mai se lauga na tuuina atu e Peresitene Eyring i le faapaiaga o le Sugarhouse Utah Welfare Services Center, ia Iuni 2011, ChurchofJesusChrist.org)
Peresitene Dieter F. Uchtdorf:
Uso e ma tuafafine, ua tofu i tatou ma se tiutetauave tuuto ia nofouta i manaoga o isi ma auauna atu e pei ona sa faia e le Faaola— e aapa atu ai, faamanuia, ma sii a’e i latou e siomia i tatou.
E masani lava, o le tali i la tatou tatalo e lē oo mai a o tatou tootutuli, ae pe a o tatou savavali, e auauna atu i le Alii ma auauna atu ia i latou e siomia i tatou. O galuega lē manatu faapito o le auauna atu ma le faapaiaina e faamamaina ai o tatou agaga, aveese ai una mai o tatou mata faaleagaga, ma toina mai ai pupuni o le lagi. O le avea ma tali i le tatalo a se isi tagata, e masani ona maua ai le tali o a tatou lava tatalo.
(“Faatalitali i le Auala i Tamaseko,” Liahona, Me 2011, 76)
Talanoa:
E mafai faapefea e le auauna atu i isi ona tatalaina faamalama o le lagi i lou olaga?
Faitau:
O nisi e lagona e tatau ona latou maua mea o loo i ai i isi tagata, lea e mafua ai le ita. O isi e lagona lo latou agavaa i mea latou te lei mauaina. O nei papupuni e lua e noatia ai tagata mai le vaaia o se upumoni tāua: o mea uma e a le Atua ia. E mafai ona faatoilaloina le ita ma le agavaa e ala i le taulai atu i mea e manaomia e isi tagata.
Faitau:
O fuaitau o mau nei e fesootai ma le saunoaga a Peresitene Hinckley:
“Pe a outou auauna atu i o outou uso a tagata, ua nao lo outou auauna atu lava lea i lo outou Atua” (Mosaea 2:17).
“Ma o lenei, mo le … taofia pea o le faamagaloina o a outou agasala mai lea aso i lea aso, … ou te manao ia outou faasoa atu a outou mea i e matitiva, ia taitasi le tagata ma faia e tusa ma mea ua ia te ia, e pei o le fafagaina o e ua fia aai, faaoofuina o e ua lē lavalava, asiasi atu i e mamaʼi ma auauna atu mo lo latou mapusaga, faaleagaga ma faaletino, e tusa ma o latou manaoga” (Mosaea 4:26).
“Pe a outou lotogatasi, e lē faatapulaaina lo outou mana. E mafai ona e ausia soo se mea e te manao e ausia” (Gordon B. Hinckley, “O Lou Luitau Sili, Tina,” Liahona, Ian. 2001, 101).
Faitau:
O faamatalaga nei mai i taitai o le Ekalesia:
“O le faamoemoega o le faalagolago o le tagata ia te ia lava i le faaletino ma le faaleagaga o le mauaina lea o i tatou lava i nofoaga maualuluga atu ina ia mafai ai ona tatou siitia isi o loo manaomia le fesoasoani” (Robert D. Hales, “O Le Manatuaina Pe o Ai i Tatou: O Le Faamanatuga, o le Malumalu, ma le Ositaulaga e Ala i le Auauna Atu,” Liahona, Me 2012, 36).
“Pe a tatou galulue faatasi soosoo tauau, … e mafai ona tatou ausia soo se mea. A tatou faia lea mea, tatou te aveesea vaivaiga o se tagata e toatasi o loo tu na o ia ma suitulaga i le malosi o le toatele e auauna faatasi” (Thomas S. Monson, “Church Leaders Speak Out on Gospel Values,” Ensign, May 1999, 118).
Tautino:
O le a ou galue i le fuafuaga sa ou faia e auauna atu ai i se tasi.