Lesona 22
E Tele Mea E Mafai Ona Ou Fai
Faamoemoega
Ia fesoasoani i tamaiti taitoatasi ia iloa, talu ai o i tatou o fanau a le Tama Faalelagi, e tele mea e mafai ona tatou faia.
Sauniuniga
-
Ia suesue ma le agaga tatalo le 1 Samuelu :17.
-
Ia faafesootai matua o tamaiti taitoatasi o lo o i ai i le vasega, ia iloa ai se mea e lelei lava ona fai e le tamaitiiti po o lo o aoao foi e fai.
-
Ia saunia ni fasipepa o lo o tusia ai ni faatonuga faigofie lava, e pei o le patipati o lima, faitau le tasi e oo i le tolu, savali faataamilo i le potu, oso, tusi se lio (i le laupapa po o se fasipepa), tu i le vae e tasi, piilima, po o le tusi atu foi o le lima i se mea e lanu moana. Ia saunia ia lava fasipepa ina ia tofu lava tamaiti uma i le vasega ma le fasipepa. Ia e iloa lelei ni tamaiti o i ai i le vasega e i ai ni mea e le mafai ona latou fai, ma ia mautinoa ua aofia ai ma mea e mafai e i latou ona fai.
-
Ia tusi igoa o tamaiti taitoatasi i fasipepa eseese.
-
O Mea e faaaogaina:
-
O se Tusi Paia
-
O se ofe fagota laiitiiti (pule oe pe fai; tagai i le lesona 11).
-
O se mea e tuu ai igoa i totonu (pule oe pe fai).
-
Ata 1-5, Aiga o lo o i ai se Pepe (62307); ata 1-10, Tatalo Faaleaiga (62275); ata 1-38, Tamaiti o lo o Taaalo i le Polo; ata 1-50, E Mafai Ona Fai O’u Lavalava; ata 1-51, O se Aiga o lo o Galulue Faatasi (62313); ata 1-52, Tavita o lo o Fasiotia Koliata (Taga o Ata o le Talalelei 112; 62073).
-
-
Ia fai sauniuniga e talafeagai ai mo so o se Gaoioiga e Faamauoa Ai e te manao e faaaoga.
Faaaliga i le Faiaoga: Ia mataalia i lagona o so o se tamaitiiti o i ai i lau vasega e i ai mea e faaletonu i o latou tino. Ia tulimatai atu i mea e mafai ona latou fai, ae le o mea e le mafai ona latou faia.
Gaoioiga E Aoao Ai
Tofi se tamaitiiti e faia le tatalo amata.
Gaoioiga E Faatosina Mai Ai:
Ia gaugau fasipepa o lo o i ai igoa o tamaiti ma ia tuu i totonu o se taga po o le fola foi o le fale. Tuu atu i se tamaitiiti e faaaoga le ofe fagota po o ona lima foi e toina ae ai se fasipepa e tasi. Fai atu i le tamaitiiti ua maea ona seiina lona igoa e alu ane e tu i ou tafatafa. Faamatala atu i le vasega se mea e mafai e lea tamaitiiti ona fai po o lo o aoao foi ina ia iloa ona fai. Ia faaauau pea ona faia lea gaoioiga ina ia maua uma e tamaiti le avanoa e filifilia ai se igoa ma ua e faamatalaina foi se mea e uiga i tamaiti uma lava. Ia momoli atu le faamalo i tamaiti mo mea uma e mafai ona latou faia ma mea foi o lo o aoao e fai.
E tele mea e mafai ona fai e o tatou tino.
Pese
Usu le pese: “O Au O Se Atalii O Le Atua” (Tusi Pese a Tamaiti,) faatasi ma tamaiti.
O a’u o se atalii o le Atua,
Ua na auina mai a’u nei.
Ia ou nofo ai i lenei lalolagi,
Ma matua agalelei.
Tago mai, savali mai, i o’u tafatafa,
Ina nei ou sese.
Aoao mai mea e ao ona fai,
Ia ou toe foi atu ai.
Pese
-
O ai le tama o lou agaga?
-
O ai na auina mai oe i lenei lalolagi ina ia maua se tino?
Ia toe faamanatu faatasi ma tamaiti, sa fuafuaina e le Tama Faalelagi ina ia tatou o mai i lenei lalolagi, ina ia maua ai o tatou tino. Ia faamatala atu, e finagalo o ia ia tatou aoao ia iloa ona fai mea e tele e o tatou tino, ma finagalo foi o ia e faaaoga o tatou tino i ala sao ina ia mafai ai ona avea i tatou faapei o ia.
Pese
-
O a gaoioiga e mafai ona e fai i ou lima?
-
O a gaoioiga e mafai ona e fai i ou vae?
-
O a gaoioiga e mafai ona e fai i lou gutu?
-
O a gaoioiga e mafai ona e fai i ou mata?
Faaali le ata 1-5, Aiga o lo o i ai Se Pepe.
Pese
-
O le a so outou manatu, o le a se mea e mafai e lenei pepe ona fai?
Ia tuu atu fesili o lo o i lalo po o isi foi fesili faapena, ina ia faaalia ai le aofai o mea ua mafai e tamaiti ona fai, talu mai le taimi a o avea i latou ma pepe.
Pese
-
E mafai ea e se pepe ona savali?
-
E mafai ea e se pepe ona tautala?
-
E mafai ea e se pepe ona fafaga ia lava?
-
E mafai ea e se pepe ona fai ona lava ofu?
-
E mafai ea e se pepe ona taina se fiti?
-
E mafai ea e se pepe ona usuina ni pese?
-
E mafai ea e se pepe ona tietie i se uila e tolu uili?
Ia faamatala atu, ua tuputupu ae tamaiti ma o le a latou iloa atili ona fai le tele o mea. Ia feauauai ona faaali ata 1-10, 1-38, 1-50, ma le 1-51. Tuu atu i se tamaitiiti e toatasi na te uuina se ata, ae tuu atu i isi tamaiti e faamatalaina le mea o tupu o lo o faaalia i le ata. A uma ona tali mai tamaiti, ia faamalo atu ia i latou i le iloa o mea e mafai e o tatou tino ona fai.
Gaoioiga
Tuu atu i tamaiti taitoatasi e filifilia se fasipepa o lo o tusia ai se faatonuga. Ia faitau leotele le faatonuga o lo o i ai ma tuu atu i le tamaitiiti e faatino le gaoioiga o lo o tau mai. Ia tofu maua e tamaiti uma le avanoa.
Gaoioiga
-
O a mea ua outou iloa nei ona fai?
-
O a mea tou te mananao e iloa ona fai pe a avea outou ma ni tagata matutua?
Tau atu i tamaiti, e te faafetai i le Tama Faalelagi ona ua mafai ona tatou maua ni tino, e tele mea e mafai ona latou fai.
E mafai e le Tama Faalelagi ona fesoasoani mai ia i tatou i le faia o le tele o mea.
Tau atu i tamaiti, o nisi taimi e talosagaina ai i tatou e faia mea e faigata.
-
O le a se mea sa outou taumafai e fai ae faigata?
-
O ai e mafai ona fesoasoani mai ia i tatou ia iloa ona fai nei mea? (Matua, uso ma tuafafine, faiaoga.)
Ia faamatala atu, e mafai foi e Iesu Keriso ona fesoasoani mai ia i tatou i taimi e faafeagai ai i tatou ma mea faigata.
Tala
Faaali le ata 1-52, Fasiotia e Tavita Koliata, ma faamatala atu le tala e uiga ia Tavita ma Koliata, e pei ona i ai i le 1 Samuelu 17. Faamatala atu, sa fesoasoani Iesu ia Tavita i le faia o lenei mea faigata.
Tala
-
O ai sa faafefeina le au tau a Isaraelu? (tagai i le 1 Samuelu 17:4–8.)
-
O ai sa faalagolago i ai Tavita e fesoasoani mai ia te ia? (tagai i le 1 Samuelu 1:37.)
Molimau
Faailoa atu lou agaga faafetai i le Tama Faalelagi mo o latou tino, atoa ma le tele o mea e mafai ona latou fai. Ia uunaia tamaiti e ole atu i le Tama Faalelagi e fesoasoani mai ia i latou ina ia faaaoga o latou tino e fai ai mea lelei.
O Isi Gaoioiga E Faamauoa Ai
Filifili nisi o nei gaoioiga e faaaoga i le taimi o le lesona.
-
Ia usuina faatasi ma tamaiti le pese: “Mea Malie E Fai” (Tusipese a Tamaiti,) ma fai gaoioiga ma taga e talafeagai ai. Tuu atu i tamaiti latou te fautuaina mai taga e fai pe a usuina isi fuaiupu faaopoopo.
-
Tufa atu i tamaiti pepa ma penivali ma ia tusia mea e mafai ona latou fai.Ia tusi upu nei i pepa a tamaiti taitoatasi, “E tele mea e mafai ona ou fai.”
-
Fesoasoani i tamaiti e filifili ni mea e mafai ona latou fai i le fale, e fesoasoani ai i se tasi, e pei o le setiina o le laulau, salu le otaota, po o le fafagaina o se fagafao. Tau atu ia i latou, e faailoa atu lea mea i o latou matua pe a uma le Peraimeri, ina ia mafai e o latou matua ona faamanatu atu ia i latou e faataunuu lea mea.
-
Ia faia e le aunoa nisi o gaoioiga e tatau ai o lo o i ai i lesona e 16 e oo atu i le 20.
Gaoioiga Faaopoopo Mo Tamaiti Laiti
-
Have the children stand and sing the following words to the tune of “Once There Was a Snowman” (Children’s Songbook, p. 249). Use crouching actions for the first verse and stretching actions for the second verse.
Once I was a baby, baby, baby,
Once I was a baby, small, small, small.
Now I’m growing bigger, bigger, bigger,
Now I’m growing bigger, tall, tall, tall!
Let the children talk about the things they have learned to do since they were babies.
-
Demonstrate an action such as hopping, clapping, or jumping, and ask the children to name what you are doing. Then have the children do the same action. Give each child a turn to demonstrate an action. Have the other children tell what the action is and then imitate it.