Lesona 34

E Mafai Ona Ou Alofa Atu I Isi

Faamoemoega

Ia uunai tamaiti taitoatasi e faaali atu le alofa i isi e ala i upu ma galuega agalelei.

Sauniuniga

1. Ia aoao ma le agaga tatalo le Mataio 7:12; Mareko 10:13–16; Luka 10:30–37; ma le Ioane 13:34.

2. Toe faamanatu le tala mai le lesona 19 e uiga ia Iesu o lo o faamalolo le tagata tauaso (tagai i le Ioane 9:1–7).

3. Fai ni fatu i pepa (paper heart) mo tamaiti taitasi o le vasega. Tusi ai upu nei: “Ou te alofa ia te oe,” i fatu taitasi.

4. O Mea e faaaogaina:

   1. O se Tusi Paia.

   2. Ata 1-3, O Iesu Keriso (Taga o Ata o le Talalelei 240;62572); ata 1-43, O Iesu O lo o Faamalolo le Tauaso (Taga o Ata o le Talalelei 213;62145); ata 1-48, O Tamaiti o Lo o Taaalo i Poloka, ata 1-62, O Le Samaria Agalelei (Taga Ata o le Talalelei 218; 62156).

5. Ia faia sauniuniga e talafegai ai mo so o se Gaoioiga E Faamauoa Ai e te manao e faaaoga.

Gaoioiga E Aoao Ai

Tofi se tamaitiiti e faia le tatalo amata.

Gaoioiga e Faatosina Mai Ai:

Faaali le ata 1-48, O Tamaiti O Lo o Taaalo i Poloka.

Gaoioiga e Faatosina Mai Ai:

• O a mea a nei tamaiti o lo o fai?

• E te manatu o ni uo nei tamaiti?

• O a uiga e faaalia e le tasi uo i le isi?

Faamanatu i tamaiti o uo e agalelei atu le tasi i le isi. A tatou agalelei i isi, ua tatou faaali atu foi le alofa ia te i latou.

Pese

Usu pe fai faatasi ma tamaiti upu o le pese: “Fetalai Mai Iesu E Alofa Atu I Tagata Uma” (Tusi Pese a Tamaiti) ma faaaoga ai taga o lo o faatonu atu i lalo:

Fetalai mai o Iesu ia e alofa atu i tagata uma (faamafola i tua lima):

Ia agalelei foi ia te i latou uma (lue i luga ma lalo le ulu).

A tumu lou loto i le alofa (tuu lou lima i luga o le fatu),

O le a alolofa isi ia te oe (fusi oe lava ia).

Sa agalelei atu Iesu i isi e faaalia ai lona alofa

Faaali le ata 1-3, O Iesu Keriso, ma tau atu i tamaiti sa fetalai mai Iesu tatou te faia i isi tagata e pei ona tatou mananao i isi latou te faia mai ia te i tatou. Faaali atu le Tusi Paia ma faitau le Mataio 7:12 faagata mai le, ia faapea lava ona outou faia ia te i latou.

Faamalamalama o le uiga o lenei mau, e faapea, afai tatou te mananao e agalelei mai isi tagata ia te i tatou, e tatau ona tatou agalelei atu ia te i latou.

Tala

Faaali le ata 1-43, O Iesu O Lo o Faamalolo Le Tauaso. Faataga tamaiti e fesosoani atu ia te oe i le faamatalaina o le tala o lo o i le ata (tagai i le Ioane 9:1–7).

Tala

• Na faapefea ona agalelei Iesu i le tagata tauaso?

Tala

Faamatala le tala ia Iesu o lo o faamanuiaina tamaiti, o lo o maua i le Mareko 10:13–16.

Tala

• Na faapefea ona agalelei Iesu i tamaiti?

Faamamafa atu sa faaalu e Iesu lona soifua e fesoasoani ai i isi tagata. O lona agalelei atu, sa faaalia ai le alofa o Iesu i isi. Faamalamalama sa poloaiina i tatou e Iesu ina ia alofa le tasi i le isi. Faitau le Ioane 13:34 i tamaiti. Ia faifai soo e tamaiti le “alofa le tasi i le isi e pei ona ou alofa atu ia te outou”.

Pese

Usu faatasi ma tamaiti pe tauloto upu o le pese: “Ia Fealofani” Tusi Pese a Tamaiti).

Faapei ona ou alofa ia oe

Alofa atu i se tasi

Lenei tulafono fou

Alofa i so o se tagata

E iloa ai e isi

O ou soo outou

Pe a outou fealofani

O le tasi mo le isi

(Copyright © 19961, 1989 by Luacine C. Fox. Used with permission.)

E Mafai ona tatou agalelei atu i isi e faaalia ai lo tatou alofa

Tala

Faaali le ata 1-62, O Le Samaria Agalelei, ma faamatala le tala o le Samaria agalelei, o lo o maua i le Luka 10:30–37.

Tala

• O ai le tagata agalelei o lo o i le tala?

• O le a se mea na fai e le Samaria e fesoasoani ai i le tagata sa mafatia?

Fesoasoani i tamaiti e mafaufau i ni auala e mafai ai ona agalelei i isi. Ia fetufaai o latou manatu ma isi tamaiti o le vasega.

Faamalamalama o nisi taimi e faigata ona agalelei i se tasi talu ai e foliga e le fia faauo mai lena tagata pe ese lava foi o ia. Fesoasoani ia malamalama tamaiti e moomia e tagata uma le faia faalelei. E tusa lava pe le fia faauo mai tagata, pe ese foi i latou, (mo se faataitaiga, pe ese le lanu o o latou pau, pe le atoatoa foi o latou tino), e tatau lava ona tatou faia faalelei i latou.

Talanoa e uiga i le taua o le faaalia o le alofa ma le agalelei i o tatou aiga.

Tala

• E faapefea ona e faaali atu le alofa i lou tama? i lou tina? i ou uso ma tuafafine?

Faamamafa atu pe a tatou agalelei i o tatou aiga, e le na o o tatou aiga e fiafia, ae fiafia foi le Tama Faalelagi ma Iesu Keriso.

Faamalamalama atu o nisi o taimi, o pepe po o tamaiti laiti latou te avea pe faaleaga a tatou mea. Fesoasoani i fanau ia malamalama o tamaiti laiti e tele ina le malamalama i a latou gaoioiga. Tatou te manaomia le faia o i latou ma le alofa ae le o le ita ia i latou. Afai e i ai ni a tatou mea e ono gaui (pe taei) ia tatou taumafai e teu i latou ina ia le au i ai tamaiti.

Tala

• E faapefea ona tatou faaali le alofa i le Tama Faalelagi ma Iesu?

Faamamafa atu tatou te faaalia lo tatou alolofa i le Tama Faalelagi ma Iesu e ala i le tausia o poloaiga, faaaloalo i le lotu, fesoasoani ma le agalelei i o tatou tuaoi.

E mafai ona tatou faaali atu le alofa e ala i le tautala atu ma le agalelei

Gaoioiga

Faatonu tamaiti e mulimuli i faatonuga o lo o i lalo. A maea ona faia e tamaiti taga taitasi, ia e faafetai atu i ai mo le faia o le faatonuga.

Gaoioiga

1. Faamolemole tutu i luga.

2. Nonofo i lalo, faamolemole.

3. Faamolemole tutu i luga ma liliu faataamilo. Faamolemole nonofo i lalo. Toe tutu i luga faamolemole.

4. Tuu faasasao lima i luga ae o outou ulu, faamolemole.

5. Faamolemole nonofo filemu i lalo.

Gaoioiga

• O a upu faaaloalo, po o le agalelei, sa ou fai atu ai?

• O le a sou lagona pe a fai atu se isi “faamolemole” ma “faafetai” ia te oe?

Fesoasoani ia malamalama tamaiti a tatou mananao e talanoa faalelei mai isi tagata ia te i tatou, e tatau ona tatou talanoa faalelei atu ia te i latou.

Faamanatu i tamaiti isi fasi fuaitau faaaloalo e pei o le, “Ua ou sese” ma le “Tulou, faamolemole,” ma tulaga e tatau ona faaaoga ai. Fai atu fesili ia po o nisi foi vaogagana e talafeagai ma la outou aganuu.

Gaoioiga

• E faapefea ona e fesili atu ma le faaaloalo mo se ipu vai?

• O le a sau tala e fai pe a aumai e se tagata se meaalofa ia te oe?

• O le a se tala e mafai ona e faia pe a e faia se mea e faanoanoa ai se tasi tagata?

• O le a se tala e mafai ona e faia e tosina mai ai i se tulaga faaaloalo se tagata?

Faamatala e ui lava o nisi taimi e soona tautala saua mai ai nisi tagata ia te i tatou, e tatau lava ona tatou talanoa faalelei atu i ai.

Pese

Toe usu faatasi ma tamaiti le pese: “Fetalai Mai Iesu E Alofa Atu I Tagata Uma.”

Molimau

Faamalo atu i tamaiti i mea sa e iloa na latou faaalia ai uiga agalelei. Faamatala talu ai e alolofa le Tama Faalelagi ma Iesu i tagata uma, e fiafia lava i la’ua pe a silasila mai o tatou fealofani. Tuuina atu lau molimau e finagalo le Tama Faalelagi ma Iesu ia tatou fealofani. Tufa ia tofu le tamaitiiti ma le fatu pepa. Ta’u i tamaiti upu o lo o tusia i le fatu, ma faaali atu e te alofa ia te i latou.

O Gaoioiga E Faamauoa Ai

Filifili nisi o nei gaoioiga e faia i le taimi o le lesona.

1. Faitau faataitaiga o lo o i lalo (pe fai ni au lava gaoioiga), ae fai i tamaiti e uu i luga a latou fatu pepa pe afai o le gaoioiga o lo o faamatalaina e agalelei pe ta’u mai ai le alofa. Afai e le agalelei pe le alofa le gaoioiga, ona tuu lea o a latou fatu i luga o o latou vae.

   • Feauauai pe a taaalo.

   • Faasiasia ma tomumu.

   • Fesoasoani i se tamaitiiti mafatia.

   • Tago e po se isi na faaitaina oe.

   • Savali ma le faaaloalo i le falelotu.

   • Fai atu “faamolemole” ma “faafetai.”

   • Tatalaina o le faitotoa mo se tasi.

   • Pisapisao i le lotu.

   • Fesoasoani i le faamamaina o le u2026

   Faamanatu i tamaiti a tatou agalelei i isi, ua tatou faaali atu le alofa, ma ua fiafia foi le Tama Faalelagi ma Iesu ia te i tatou.

2. Mafaufau i nisi tulaga tali tutusa e maua ai e tamaiti le avanoa e agalelei ai ma faaali atu ai le alofa i isi. Ia tusia nei tulaga i ni fasipepa ona fai lea i tamaiti e filifili se fasipepa se tasi. Faitau tulaga taitasi ona fai lea i le tamaitiiti na filifiliina lea fasipepa e faamatala po o le a sana mea e fai i lea tulaga. Atonu e te manao e faaaoga faataitaiga ia o lo o i lalo:

   • O lo o oulua taaalo ma sau uo, ae tei ua sau se isi tamaitiiti i totonu o le potu. O le a se mea e tatau ona e faia?

   • O oe ma lou uso/tuafafine lua te mananao e taaalo i le mea taalo e tasi. O le a se mea e tatau ona e faia?

   • Ua ave e lou tuagane/uso laitiiti se mea e patino ia te oe. O le a se mea e tatau ona e faia?

3. I le faaaogaina o faataitaiga mai la outou uarota po o lo outou nuu, talanoa pe faapefea ona faaali atu le agalelei ma le alofa ia i latou e le atoatoa tino po o mafaufau. Fesoasoani i tamaiti e mafaufau i ni auala patino e mafai ai ona latou fesoasoani i se tagata e le atoa le malosi o le tino po o le mafaufau.

   • E faapefea ona tatou faaali atu le alofa i se tasi e le o mafai ona vaai?

   • E faapefea ona tatou faaali atu le alofa i se tasi e le o mafai ona lagona se mea?

   • E faapefea ona tatou faaali atu le alofa i se tasi e alu i le nofoa faataavalevale po o tootoo?

4. Fesoasoani i tamaiti ia malamalama e tusa lava pe ese se gagana e tautala ai isi tagata pe ese foi le lanu o o latou pau, o tatou uma lava o fanau a le Tama Faalelagi. E tatau ona tatou agalelei atu le tasi i le isi. E tatau ona tatou faia i isi tagata e pei ona tatou manana’o e fai mai mo i tatou. Faamalamalama atu e tofu lava tagata uma ma mea e eseese ai.

O Gaoioiga Faaopoopo Mo Tamaiti Laiti

1. Usu pe tauloto upu o le pese: “Tagata Agalelei E Ia Te Au” (Tusi Pese a Tamaiti).

2. Fesoasoani i tamaiti e fai le gaoioiga i le fuaiupu lea:

   O le ataata o se mea e vave ona sosolo atoa (toso si’ugutu ia foliga ataata),

   Ae a ou faanoanoa (toso si’ugutu ia foliga fa’a’u’u),

   Ou te taumafai ina ia ou ataata loa (toso si’ugutu ia foliga ataata),

   E le umi ae maua lou lagona fiafia (tuu uma lima e lua i luga o lou fatu)!

   (Adapted from Pat Graham, “Feeling Glad,” Friend, Mar. 1990, p.21.)