Lesona 45
O Le Toe-Tu Mai O Iesu Keriso (Eseta)
Faamoemoega
Ia fesoasoani ia malamalama tamaiti taitoatasi o Iesu Keriso sa toe tu mai.
Sauniuniga
-
Ia aoao ma le agaga tatalo le Luka 23:33–24;12, 36–40, 51. Tagai foi i le Mataupu Faavae o le Talalelei (31110), mataupu e 12.
-
O Mea e faaaogaina:
-
O se Tusi Paia.
-
Ata 1-3, O Iesu le Keriso (Taga o Ata o le Talalelei 240;62572); ata 1-16, O Le Soifua Mai O Iesu (Taga o Ata o le Talalelei 201;62495); ata 1-55; O Le Lauga i Luga o le Mauga (Taga o Ata o le Talalelei 212;;62166); ata 1-59, O Le Faasatauroina (Taga o Ata o le Talalelei 230;62505); ata 1-72, O Iesu O Lo o Tatalo i Ketesemane (Taga o Ata o le Talalelei 227;62175); ata 1-73, O Le Falelauasiga o Iesu (Taga o Ata o le Talalelei 231;62180); ata 1-74, O Iesu O Lo o Faaali Atu Ona Manu’a (Taga o Ata o le Talalelei 234;62503).
-
-
Ia faia sauniuniga talafeagai ai mo so o se Gaoioiga E Faamauoa Ai e te manao e faaaoga.
Gaoioiga e Aoao ai
Tofi se tamaitiiti e faia le tatalo amata.
Gaoioiga e Faatosina Mai Ai:
Fa’afaõ i luga o ou vae le ata 1-3, O Iesu le Keriso. Ta’u i tamaiti o le a e talanoa e uiga i se tagata taua tele. Fai i tamaiti e mate mai po o ai lenei tagata pe a maea ona e tuuina atu faamatalaga tau faaataata nei:
Gaoioiga e Faatosina Mai Ai:
-
E alofa tele lenei tagata i tagata uma.
-
E anoanoai tausaga ua mavae talu ona soifua o ia i lenei fogaeleele, ma faatulagaina ai lana ekalesia.
-
Sa aoao mai ia te i tatou le ala tatou te ola ma fiafia ai.
-
Sa ia faamanuiaina tagata ma sa ia tauina atu ia te i latou ina ia agalelei ma alolofa atu.
A mateia loa e tamaiti, (pe ua e ta’uina atu foi ia te i latou) o lena tagata o Iesu, ia faaali atu loa le ata.
E alofa Iesu ia te i tatou
Faamanatu i tamaiti o Iesu o le Alo o le Tama Faalelagi. Sa auina mai e le Tama Faalelagi Iesu i le fogaeleele mo se faamoemoega taua.
Tala
Faaali le ata 1-1-6, O Le Soifua Mai o Iesu. Faamatala otooto e uiga i le soifua mai o Iesu. Atonu e te manao e fesoasoani atu tamaiti i le faamatalaina o le tala. Faamanatu ia te i latou o Iesu o se pepe faapitoa.
Faaali le ata 1-55, O Le Lauga I Luga O Le Mauga. Faamatala, ina ua tuputupu ae Iesu, sa ia faatulagaina lana ekalesia ma sa ia aoao atu i tagata le ala e ola ai ma ia alofa le tasi i le tasi.
Pese
Faatutu i luga tamaiti ma usu pe tauloto upu o le pese “Fetalai Mai Iesu E Alofa Atu I Tagata Uma” (Tusi Pese a Tamaiti), ma faia taga o lo o faatonuina i lalo:
Fetalai mai o Iesu (faamafola i luma lima);
Ia e alofa atu (lue le ulu i luga ma lalo).
E alofagia ai oe (tuu le lima i luga o le fatu),
E tagata uma (fusi oe lava).
Faaali le ata 1-72, O Iesu O Lo o Tatalo i Ketesemane.
Pese
-
O le a le mea a Iesu o lo o fai i lenei ata?
Faamatala a o le i maliu Iesu, sa alu o ia e tatalo i se nofoaga sa ta’ua o le Togalaau o Ketesemane. O iina sa matua mafatia ai Iesu ona o a tatou agasala, ina ia mafai ona tatou salamo ma faamagalo mea sese tatou te faia. E na o Iesu lava le tagata sa i ai le mana e fai ai lenei mea mo i tatou. Sa ia faia aua e alofa tele o ia ia te i tatou.
Sa toe tu mai Iesu
Faamatala e toatele tagata sa ola i le taimi sa soifua ai Iesu i le fogaeleele sa alolofa ia te ia. Ae peitai, sa i ai ni tagata sa le fiafia ia Iesu. Sa latou le talitonu o ia o se Alo o le Tama Faalelagi.
Tala
Faaali le ata 1-59, O Le Faasatauroina. Faamatala i ni upu faigofie le Faasatauroina, e pei ona faamatala mai i le Luka 23:33–46. Faamatala atu o tagata sa le fiafia ia Iesu sa latou matua agaleaga lava ia te ia. Sa tu’itu’i e fitafita lima ma vae o Iesu i fao ma faatautau o ia i luga o le satauro. Sa latou tuuina o ia i luga o le satauro seia iu lava ina maliu. (Ia faaaoga lau faautautaga i le faamatalaina o lenei tala ma le faiga o le gaoioiga e fai ai taga o lo o i lalo. Atonu e i ai nisi tamaiti e ilitata i le tulaga na faatigaina ai e tagata Iesu.)
Faamatala ina ua maliu Iesu, sa tuua e lona agaga lona tino ma alu atu i le lagi. Faamanatu i tamaiti e tofu lava i tatou ma le agaga. E le mafai ona vaaia o tatou agaga, ae peitai o agaga tatou te ola ai.
Faaali le ata 1-73, O Le Falelauasiga o Iesu. Faamatala o tagata sa alolofa ia Iesu, sa latou aveina lona tino ma aui lelei i le ie. Sa latou aveina le tino o Iesu i se tuugamau (se nofoaga e pei o se ana sa tanu ai tagata) ma latou faataoto faalelei ai lona tino iina (vaai le Luka 23:50–56).
Faaali le ata 1-74, O Iesu O Lo o Faaali Atu Ona Manu’a. Faamatala o le lona tolu o aso talu ona maliu o ia, sa toe soifua mai ai Iesu. Ua toe soifua mai o ia. Ina ua maliu Iesu, sa tuua lona tino e lona agaga. Ina ua toe soifua mai, sa toe foi mai lona agaga i lona tino. O Iesu o se uluai tagata lea na toe soifua mai.
Faamatala atu, e toatele tagata sa vaai ia Iesu ina ua toe soifua mai o ia (tagai i le Luka 24). Sa aoao atu e Iesu ana uo ma faaali atu ia te i latou lona tino toe tu (tagai i le Luka 24:36). Sa ia fai atu i ana uo e pa’i atu ia te ia ina ia latou iloa ai o lona tino toe tu e i ai aano ma ivi (tagai i le Luka 24:39–40). Ina ua mae’a ona ia aoao atu i tagata, sa toe afio Iesu e mau faatasi ma le Tama Faalelagi (tagai i le Luka 24:51).
Tala
-
Aisea na manao ai Iesu e pai atu tagata ia te ia? (Tagai i le Luka 24:35–40.)
-
O fea na afio i ai Iesu ina ua ia tuua tagata? (Tagai i le Luka 24:51.)
Faamatala o le aso na toe soifua mai ai Iesu o le ulua’i Eseta lena. Tatou te faailogaina le Eseta i tausaga taitasi e fesoasoani mai ai ina ia tatou manatuaina o Iesu sa toe soifua mai ai.
Gaoioiga
Faatutu i luga tamaiti ma outou fai faatasi taga o le fuaiupu o lo o i lalo:
Sa toe soifua mai Iesu
E tolu aso talu ona maliu o ia (tuu i luga tamai lima e tolu).
Sa iloga tulaga o fao i ona lima ma ona vae sa tu’ia (tusi i le alofilima ma vae)
Ma se manua i lona itu i le tao (tusi i le itu).
O i tatou uma sa afio mai Iesu ma aoao (faamafola i luma lima)
Ina ia latou ola faamaoni i le talalelei (ia piilima).
Talu ai ua toe soifua Iesu,
O le a faapea foi ona tatou toe tutu (lue i luga ma lalo le ulu).
O le a tatou toe tutu
Fesoasoani i tamaiti ia malamalama na toe soifua mai Iesu ina ua uma ona maliu. O lo o soifua nei Iesu i le lagi, ma o le a le toe maliu lava o ia. Faamatala ua mafai nei ona tatou toe tutu e pei o Iesu, talu ai o ia. O lona uiga o le a toe ola i tatou uma pe a mavae le oti.
-
Tou te iloaina se tagata ua oti?
Faamatala a feoti tagata, e ola lava o latou agaga. O le a i ai se aso latou te toe tutu ai, o lona uiga o le a toe faatasia o latou tino ma agaga e pei o Iesu. E mafai ona e faamatala i tamaiti atonu o le a tatou le toe tutu mai pe a mavae aso e tolu e pei o Iesu, ae peitai o le a tatou toe tutu uma lava i se aso.
Ia faifai pea e tamaiti le upu toe tu ma ta’u lona uiga.
Faailoa atu le matagofie tele o le iloa o le a toe tutu tagata uma tatou te iloa ma alolofa i ai-o o tatou matua, tuagane, uso, matua o matua, ma uo. O le a tatou toe ola uma pe a mavae le oti. Ua mafai lenei mea ona o Iesu.
Molimau
Tuuina atu lau molimau e alofa Iesu ia te i tatou uma. Talu ai lona alofa tele mo i tatou, sa mafatia o ia ma maliu ma sa toe soifua ina ia mafai ona tatou toe tutu i se aso.
O Isi Gaoioiga e Faamauoa ai
Filifili nisi o nei gaoioiga e faaaoga i le taimi o le lesona.
-
Talanoa otooto ni nai mea na oo i ai i le Eseta ma tu e masani ai tamaiti. Faailoa atu o tu faalelalolagi o le Eseta o ni mea malie, ae peitai ia fesoasoani i tamaiti e tuu eseese manatu na mai le uiga moni o le Eseta.
-
Faaali atu se totini lima i tamaiti. Faatusatusa o tatou tino faalelalolagi i se lima o lo o i ai se totini lima. Faasino le ala o lo o faagaoioia ai e le lima (agaga) le tino (totini lima). Aveese le totini lima ma faamalamalama e pei lava lenei mea o le oti faaletino. Ua tuu eseese le tino ma le agaga, ma ua le mafai ona gaoioi le tino. Toe faamaulu le totini lima ma faamatala e pei lava lenei mea o le toe tu. O le taimi nei ua toe faatasia le agaga ma le tino. Faamanatu i tamaiti talu ai ua toe tu Iesu, o le a toe tutu uma lava tagata i se aso.
-
Fai ni kopi o pepa e tufatufa atu e faaulutala “ Iesu O La Tatou Uo Pele,” o lo o maua i le faaiuga o le lesona 6, ma fai i tamaiti e valivali.
-
Togi pe tuu atu foi se taga o fatu pi po o soo se mea galemulemu i se tamaitiiti ma fai i ai e tali mai se fesili se tasi o fesili o lo o i lalo (poo se isi fesili e tai tutusa) a o le i toe togiina atu pe faafoi atu le taga o fatu pi ia te oe. Faaauau pea seia tofu uma tamaiti ma le avanoa e tali atu ai se fesili.
-
Aisea tatou te faailogaina ai le Eseta?
-
O ai le tagata muamua lava na toe soifua mai?
-
O le a le uiga o le toe tu?
-
O fea na tuu ai le tino o Iesu ina ua maliu?
-
Ina ua toe soifua mai Iesu, e toatele ni tagata sa vaai ia Iesu?
-
Aisea na fai atu ai Iesu i tagata e pa’i atu i lona tino toe tu?
-
O ai isi o le a toe tutu talu ai ua toe soifua mai Iesu?
-
-
Fesoasoani i tamaiti e usu pe fai upu o le pese: “Pe Na Toe Soifua Moni Iesu?” (Tusi Pese a Tamaiti) po o le pese: “Ua Toe Tu Mai Iesu” (Tusi Pese a Tamaiti).
O Gaoioiga Faaopoopo mo Tamaiti Laiti
-
Fesoasoani i tamaiti e fai taga o le gaoioiga o lo o i lalo a o lo o e faia upu:
Ua toe tu Iesu!
O le nofoaga lenei sa taoto ai Iesu (tusi le lima);
Vaai, ua fuli ese le maa!
Punou i lalo; autilo i totonu (faano’uno’u ma faamalumalu mata i lima).
E le o iinei o ia (tu i luga)!
Ua toe tu Iesu! Ina fiafia ia (patipati lima)!
(Dana Eynon in Bible Story Finger Plays and Action Rhymes [Cincinnati, Ohio: Standard Publishing Co., 1964], p. 29.)
-
Faamatala atu na maliu Iesu ma sa toe tu i le taimi o le tautotogo. O le taimi o le tautotogo o se taimi o le ola fou. O laau ma fugalaau ua amata ona toe ola mai. E tele manu e fananau i le taimi o le tautotogo. Fai i tamaiti e tago le tagata ia e tusi se ata o se fugalaau po o se manu pepe. Faaali le ata 1-3, O Iesu le Keriso, ma faamatala talu ai ua toe soifua mai Iesu, o le a tatou toe ola uma pe a mavae le oti.
-
Usu pe tauloto upu o le pese “Iesu O La Tatou Uo Pele” (Tusi Pese a Tamaiti). Faamanatu i tamaiti tatou te faamanatuina le Eseta ina ia tatou manatua ai Iesu ma lona toe soifua mai.