Lesona 6
O Le Papatisoga o Iesu Keriso
Faamoemoega
Ina ia fesoasoani i tamaiti ia latou mananao e tausia a latou feagaiga o papatisoga.
Sauniuniga
-
Suesue ma le agaga tatalo le Mataio 3:13–17; Ioane 3:5; 2 Nifae 31:4–10, 17:21; Mosaea 18:8–17; ma le Mataupu Faavae ma Feagaiga 33:15. Ona suesue lea o le lesona ma iloilo pe faapefea ona e manao e aoao atu le tala faatusi paia (tagai “Saunia o Au Lesona,” i. 0 [vi], ma le ”Aoao Atu Mai Tusitusiga Paia,” i. 0 [vii]).
-
Tusi faitau faaopoopo: Ioane 1:29–34, Mataupu Faavae ma Feagaiga 20:37, ma le Mataupu o le Talalelei, mataupu e 20.
-
Filifili ia fesili e talanoaina ma gaoioiga e faamauoa mai ai lea o le a aafia ai tamaiti ma o le a sili ona fesoasoani ia i latou ia mauaina le faamoemoega o le lesona.
-
Mea e manaomia:
-
Se Tusi Paia po o se Feagaiga Fou mo tamaiti taitasi.
-
Se Tusi a Mamona.
-
Siata o le Mataupu Lona Fa o le Faatuatua (65004)
-
Ata 7-7, Ioane le Papatiso o Loo Papatisoina Iesu (Taga Ata o le Talalelei 208; 62133).
-
Faalautelega Fautuaina o le Lesona
Tofi se tamaitiiti e faia le tatalo amata.
Gaoioiga e Faatosina Mai Ai
Ia o mai ni tamaiti se toalua i luma o le vasega, ia faafesagai, ma uu lima i luga a’e o o la ulu e fai ai se avanoa e mafai ona savavali atu ai isi tamaiti i lalo. Faamatala o nei tamaiti o loo suitulaga i se faitotoa taua tele. Ta’u i tamaiti o lenei faitotoa o se ala lea e ulufale atu ai i le ala vaapiapi e tau atu i le ola e faavavau. Ia faitau e se tamaitiiti le 2 Nifae 31:17. Faamatala o se tasi o uluai laasaga i le ola e faavavau o le ui atu lea i le faitotoa (ia papatisoina). Ia savavali tamaiti e ui atu i le faitotoa o loo faia e tamaiti e toalua.
Tala Faatusi Paia
Faaali le ata o Ioane le Papatiso o loo papatisoina Iesu. Aoao atu le tala faatusi paia e pei ona maua i mau o loo lisiina i le vaega o “Sauniuniga”. (Mo auala fautuaina e aoao atu ai le tala faatusi paia, tagai i le “Aoao Atu Mai Tusitusiga Paia,” i. vii.)
Talanoaga ma Fesili e Faatatau I Ai
Suesue fesili ma mau o loo taua i lalo a o e saunia lau lesona. Faaaoga fesili e te lagona o le a sili ona fesoasoani ai i tamaiti ia malamalama i mau ma faaaoga ai mataupu faavae i o latou olaga. O le faitauina faatasi ma tamaiti o mau i le vasega o le a fesoasoani latou te mauaina ai malamalamaaga i tusitusiga paia.
Talanoaga ma Fesili e Faatatau I Ai
-
O ai na papatisoina Iesu? (Mataio 3:13.)
-
Aisea na tau le manao ai Ioane le Papatiso e papatisoina Iesu? (Mataio 3:14.)
-
Aisea na manao ai Iesu ina ia papatisoina o ia? (Mataio 3:15; 2 Nifae 31:7, 9.)
-
Aisea e ao ai ona papatisoina i tatou? (Ioane 3:5.) O le a le uiga o le faatofu? Aisea e tatau ona tatou matua o ifo lava i lalo o le vai pe a tatou papatiso? (3 Nifae 11:26–28.)
-
O le a le mea na tupu i le taimi tonu lava na faatoa uma ai ona papatiso Iesu? (Mataio 3:16–17.)
-
E faapefea ona tatou mauaina le meaalofa o le Agaga Paia? (MFF 33:15.)
-
O le a sou lagona ina ua papatisoina oe? O le a sou lagona ina ua faamauina oe ma tuuina atu le meaalofa o le Agaga Paia?
-
O le a se mea na e folafola atu ina ua e papatiso? O le a le mea na folafola mai e le Tama Faalelagi ia i tatou? (Mosaea 18:8–13; MFF 20:37.)
Faamatala o nei folafolaga i lo tatou va ma le Tama Faalelagi, o feagaiga ia o le papatisoga. Pe a papatisoina i tatou, ua tatou osifeagaiga e:
Talanoaga ma Fesili e Faatatau I Ai
-
Avea ma tagata o le ekalesia a Iesu.
-
Fesoasoani i isi.
-
Tutu e avea ma molimau a le Tama Faalelagi i taimi uma i nofoaga uma.
-
Auauna atu i le Tama Faalelagi ma tausia ana poloaiga.
Afai tatou te tausia a tatou feagaiga, ua folafola mai e le Tama Faalelagi e:
Talanoaga ma Fesili e Faatatau I Ai
-
Faamagalo a tatou agasala.
-
Aumaia faamanuiaga e tele.
-
Aumaia le taitaiga i aso taitasi e ala i le Agaga Paia.
-
Aumaia le ola e faavavau. (Tagai i Mataupu o le Talalelei, mataupu 20.)
Talanoaga ma Fesili e Faatatau I Ai
-
Pe a tatou ui atu i le faitotoa o le papatisoga, o le a le mea lea ua tatou ulu atu i ai? (2 Nifae 31:17–18.) O le a se mea e tatau ona tatou faia pe a maea ona papatisoina ina ia maua ai le ola e faavavau ma mafai ai ona ola e faavavau ma le Tama Faalelagi? (2 Nifae 31:18–20.)
Mataupu o le Faatuatua
Faaali le siata o le Mataupu Lona Fa o le Faatuatua. Fesoasoani ia tauloto e tamaiti.
Gaoioiga e Faamauoa Ai
E mafai ona e faaaogaina se tasi pe sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.
-
Tusi fesili nei ma mau e uiga i le papatisoga i luga o le laupapa po o se fasipepa: Aisea tatou te papatiso ai? (MFF 49:13; 2 Nifae 31:18.) E faapefea ona tatou papatiso? (MFF 20:72–74.) O ai na te papatisoina i tatou? (MFF 20:73.) O afea tatou te papatiso ai? (MFF 68:27.) Sue mau e tamaiti ma talanoaina tali.
-
Tusi fasi fuaitau taitasi nei i se isi fasipepa:
-
Mo le faamagaloina o a tatou agasala
-
Ina ia avea ma tagata o le ekalesia
-
Ina ia mafai ona tatou mauaina le meaalofa o le Agaga Paia
-
Ina ia usiusitai
-
Ina ia uia le ala sa’o ma le vaapiapi
Ia toe ui atu tamaiti i le faitotoa na faaaoga i le amataga. A o ulu ese atu le tamaitiiti mai le faitotoa, ia tuu i ai se pepa se tasi. Faamatala o mafuaaga nei e tatau ai ona tatou papatiso. Talanoaina ma tamaiti ala e mafai ai ona tatou tausia a tatou feagaiga o papatisoga.
-
-
Faaaoga le ata o se tamaitiiti o loo papatisoina (62018) ma le ata o Ioane le Papatiso o loo papatisoina Iesu, ma faamatala lou papatisoga, pe fai foi i se tamaitiiti e faamatala lona papatisoga.
-
Fesoasoani ia tauloto e tamaiti le 2 Nifae 31:20.
-
Vaai ni tamaiti latou te usuina le “Papatisoga” (Tusipese a Tamaiti, i. 100), pe usu foi po o le faitau faatasi ma le vasega.
Faaiuga
Molimau
Molimau atu i le taua o le papatisoga ma o le papatisoga o le faitotoa lea i le ala sa’o ma le vaapiapi lea e tau atu i le ola e faavavau. Atonu e mananao foi nisi tamaiti e tuuina atu a latou molimau e uiga i o latou papatisoga.
Tusi Fautuaina e Faitau i le Fale
Ia fautuaina e suesue e tamaiti le Mataio 3:13–17 i le fale e fai ma toe faamanatu o lenei lesona.
Tofi se tamaitiiti e faia le tatalo faaiu.