Lesona 4
O Iesu Keriso o le Alo o le Tama Faalelagi
Faamoemoega
Ina ia fesoasoani i tamaiti ia malamalama o Iesu Keriso o le Alo e Toatasi o le Atua i le tino.
Sauniuniga
-
Suesue ma le agaga tatalo le Mataio 1:18–25 ma le Luka 1:26–38, 2:1–20. Ona suesue lea o le lesona ma iloilo pe faapefea ona e manao e aoao atu le tala faatusi paia (tagai “Saunia o Au Lesona,” i.0 [ vi,] ma le ”Aoao Atu Mai Tusitusiga Paia,” i. 0 [vii] ).
-
Tusi faitau faaopoopo: Ioane 3:16–17, Alema 22:14, Mataupu Faavae ma Feagaiga 19:16–19, ma le Mataupu o le Talalelei, mataupu e 11..
-
Filifili ia fesili e talanoaina ma gaoioiga e faamauoa mai ai lea o le a aafia ai tamaiti ma o le a sili ona fesoasoani ia i latou ia mauaina le faamoemoega o le lesona.
-
Mea e manaomia:
-
Se Tusi Paia po o se Feagaiga Fou mo tamaiti taitasi.
-
Ata 7-1, Iesu o le Keriso (Taga Ata o le Talalelei 240; 62572) 7-3, O Le Soifua mai o Iesu (Taga Ata o le Talalelei 200; 62116); 7-4, O Le Faasilasilaina Atu o le Soifua mai o Keriso i Leoleo Mamoe (Taga Ata o le Talalelei; 62117); ma le 7-5, Aiga ma se Pepe (62307).
-
Faalautelega Fautuaina o le Lesona
Tofi se tamaitiiti e faia le tatalo amata
Gaoioiga e Faatosina Mai Ai
Faapipii i luga le ata 7-5, Aiga ma se Pepe. Fai lea o fesili nei i tamaiti:
Gaoioiga e Faatosina Mai Ai
-
O le a se lagona o nei matua ina ua la maua lenei pepe?
-
O fea na nofo ai le agaga o lenei pepe a o le’i fanau mai?
-
O ai lona tina faalelalolagi? O ai lona tama faalelalolagi? O ai le Tama o lona agaga?
Ia faamatala, e pei lava o lenei pepe, e tofu i tatou ma le tina ma le tama faalelalolagi ma o le Tama Faalelagi o le Tama foi o o tatou agaga.
Faapipii i luga le ata o Keriso.
Faapipii i luga le ata o Keriso.
-
O ai le tina o Iesu? O ai le Tama o Iesu?
Fesoasoani i tamaiti ia malamalama e ese lava Iesu mai lo tatou aua o le Tama Faalelagi o le tama o Iesu i la le tino. Ta’u i tamaiti o lenei lesona o le a aoao atili ai i latou e uiga i le soifua mai o Iesu.
Tala Faatusi Paia
Aoao atu le tala ia Maria ma Iosefa ma le fanau mai o Iesu mai mau o loo lisiina i le vaega o “Sauniuniga”, ma faaaoga ai ata i le mea e talafeagai. (Mo auala fautuaina e aoao atu ai tala faatusi paia, tagai i le “Aoao Atu Mai Tusitusiga Paia,” i. vii.) Fesoasoani i tamaiti ia malamalama o le Tama Faalelagi o le tino agaga o Iesu Keriso ma o le tama foi o lona tino faaletino.
Talanoaga ma Fesili e Faatatau I Ai
Suesue fesili ma mau o loo taua i lalo a o e saunia lau lesona. Faaaoga fesili e te lagona o le a sili ona fesoasoani ai i tamaiti ia malamalama i mau ma faaaoga ai mataupu faavae i o latou olaga. O le faitauina faatasi ma tamaiti o mau i le vasega o le a fesoasoani latou te mauaina ai malamalamaaga i tusitusiga paia.
Talanoaga ma Fesili e Faatatau I Ai
-
O le a le mea na ta’u atu e agelu a le Tama Faalelagi ia Maria ma Iosefa a o le’i fanau mai Iesu? (Mataio 1:19–23; Luka 1:30–33, 35.) Aisea?
-
Aisea na faaali ai agelu i leoleo mamoe? (Luka 2:9–14.) (Ina ia molimau atu ai i leoleo mamoe ua fanau mai le Atalii Pele e Toatasi o le Tama Faalelagi.)
-
O le a se mea na ta’u atu e leoleo mamoe i tagata? (Luka 2:15–20.)
-
Aisea ua faaigoa ai Iesu o le Atalii Pele e Toatasi o le Tama? (E na o Iesu lava le tagata ua fanau mai i la le tino, o lona tama faaletino o le Tama Faalelagi.) Ia faamatala, o le toalua o Maria o Iosefa, o le tagata lea na filifilia e fesoasoani e aoao ma tausia Iesu.
-
E eseese faapefea le sootaga a Iesu ma le Tama Faalelagi ma la tatou sootaga ma le Tama Faalelagi?
-
Aisea e taua ai le tatau ona i ai o se tina faaletino o Iesu? Fesoasoani i tamaiti ia malamalama, talu ai o Maria o se tagata soifua i la le tino, e faapena foi ona soifua i la le tino Iesu ma mafai ai ona maliu mo i tatou. Ia fesoasoani foi i tamaiti ia malamalama, talu ai o le Tama Faalelagi o le tama o le tino faaletino o Iesu, sa le tatau foi ona maliu Iesu (tagai Ioane 5:26; 10:17–18). Na ia filifili e puapuagatia mo a tatou agasala ma faatoilaloina ai le oti (tagai Alema 22:14; MFF 19:16–19).
Gaoioiga e Faamauoa Ai
E mafai ona e faaaogaina se tasi pe sili atu foi o nei gaoioiga i soo se taimi o le lesona pe faaaoga foi o se toe iloiloga, otootoga, po o se lu’i.
-
Fai i tama e manatu faalemafaufau pe faamata e faape’ī le faapei o Iosefa. Fai i teine e manatu faalemafaufau pe faamata e faape’ī le faapei o Maria. Fai i ai e faamatala ane ia te oe pe mata o a ni o latou mafaufauga ina ua asiasi ane le agelu ia i latou. Fesili i ai pe mata o a ni o latou lagona ina ua ta’u atu o le a avea i latou ma matua faalelalolagi o le Faaola.
-
Ia tofu le tamaitiiti ma le mau e sue o mau o loo ta’ua i lalo, lea o loo ta’ua ai Iesu o le Atalii Pele e Toatasi: Ioane 1:14, 3:16–18; 1 Ioane 4:9; Iakopo 4:5, 11; Alema 5:48; 12:33-34; Mataupu Faavae ma Feagaiga 29:42, 46; 93:11; ma le Mose 1:6 (Afai e sili atu ma le iva tamaiti i lau vasega, e mafai ona e tofia e taitoalua i le mau.) A maea lenei gaoioiga a tamaiti, ua tatau ona latou malamalama i le ulutala Atalii Pele e Toatasi o loo ta’u mai ai ia te i tatou o Iesu e na o le pau lea o le tagata i lenei lalolagi, o le atalii faaletino o le Tama Faalelagi.
-
Fai i tamaiti e faamatala atu ia te oe se mea latou te iloa e uiga ia Iesu, e taua ia i latou.
-
Toe faamanatu faatasi ma tamaiti le mataupu muamua o le faatuatua.
-
Ia usu e tamaiti pe faitau foi le “Na Ia Auina Mai Lona Alo” (Tusipese a Tamaiti, i.—).
Faaiuga
Molimau
Ia molimau atu ia Iesu Keriso, ia faamamafa o ia o le Atalii Pele e Toatasi o le Tama Faalelagi, po o le, na o ia le tagata ua fanau mai i le fogaeleele o lona tama faaletino o le Tama Faalelagi. Ia molimau atu o Iesu o lo tatou Faaola. Uunai tamaiti e suesue ma tatalo ina ia latou maua se molimau o Iesu Keriso o lo tatou Faaola.
Tusi Fautuaina e Faitau i le Fale
Ia fautuaina e suesue e tamaiti le Luka 1:26–38 i le fale e fai ma toe faamanatu o lenei lesona.
Tofi se tamaitiiti e faia le tatalo faaiu.