1 Talineng yo, sikayo a Gentiles, tan deñgel yo so saray salita nen Jesu Cristo, say Anak na mabilay a Dios, a sikato so añgigangan ed siak a salitaen ko so nipaakar ed sikayo, tan, nia ingangan to ak a mansulat, a mankuan:

2 Puliktar kayo, amin a Gentiles, manlapu ed saray marelmeng a kagagawa yo; tan mambabawi kayo ed saray mauges a kagagawa yo, ed saray panagtila yo tan panagpalikdo, tan saray inkabalangkantis yo, tan saray maamot a karumsisan yo, tan dia ed saray panaglingkor yo ed talintao, tan saray panagpatey yo, tan say kasiliban na sacerdote yo, tan saray panagibeg yo, tan saray panagbusol yo, tan manlapu ed amin a karelmeñgan tan karumsisan yo, tan ondago kayo ed siak, tan mampabiniag kayo ed ñgaran ko, pian komon naawat yo so pamaandi na saray kasalanan yo, tan napano kayo na Espiritu Santo, pian sikayo komon so nibilang ed saray totook a sikara so wala ed kailalakan na Israel.