1 Rinrichakuychis hawarunakuna, uyariychistaq kawsaq Yayaq Churin Jesucristoq rimayninta; kaytataq Pay kamachimuwarqan qankunamanta rimarinaypaq; khayna qelqanaypaqmi Pay kamachiwan:

2 Llapan hawarunakuna millay ñanniykichismanta kutiriychis; yuyayniykichisman kutiriychis millay ruwayniykichiskunamanta, llullakuyniykichiskunamanta, yukanaykichiskunamanta, map’akuyniykichiskunamanta, pakallapi millay-millanaykichiskunamanta, waka much’anaykichiskunamanta, runa-wañuchinaykichiskunamanta, millay-kurak kayniykichiskunamanta, munapakuyniykichiskunamanta, churanakuyniykichiskunamanta, llapan millay ruwayniykichiskunamanta, millay-millanaykichiskunamantawan; noqamantaq hamuychis, sutiypitaq unuchakuychis huchaykichiskuna panpachayta chaskinaykichispaq; Qollanan Nunawan hunt’a kanaykichispaq, Israelpa wasinmanta kaq llaqtaywan yupasqa kanaykichispaq, nispa.