Sigaba 22
Sembulo lesaniketwa ngaJoseph Smith umPhrofethi, eManchester, eNew York, mhlaka 16 kuMabasa 1830. Lesembulo lesi saniketwa liBandla ngenca yalabanye labebabhajatisiwe ngaphambilini labebafisa kutihlanganisa nelibandla ngaphandle kwekutsi baphindze babhajatiswe.
1, Umbhabhatiso usivumelwano lesisha nesaphakadze; 2–4, Umbhabhatiso lowentiwa ngeligunya lelifanele uyadzingeka.
1 Bukani, ngitsi kini tonkhe tivumelwano letindzala ngente kutsi tiyekelwe kuloku; futsi lesi sivumelwano lesisha nesaphakadze, ngisho loko bekukhona kwasekucaleni.
2 Ngaloko-ke, noma umuntfu angabhajatiswa emahlandla langaba likhulu, akumsiti ngalutfo, ngoba angeke ningene ngelisango lelincane ngemtsetfo waMosi, noma nangemisebenti yenu lefile.
3 Ngoba kungenca yemisebenti yenu lefile leyente kutsi ngente lesi sivumelwano sekugcina nekutsi lelibandla lakhelwe mine, ngisho njengasetikhatsini tasemadvulo.
4 Ngaloko-ke, ngenani ngalelisango, njengoba ngiyaletile, futsi ningetami kweluleka Nkulunkulu wenu. Amen.