Sigaba 2
Incenye letsetfwe emlandvweni waJoseph Smith lokhuluma ngemavi engilosi Moroni kuJoseph Smith umPhrofethi, ngesikhatsi asendlini yababe wemPhrofethi eManchester, eNew York, ngekuhlwa kwamhlaka 21 Inyoni 1823. Moroni bekawekugcina kulelilayini lelidze lebabhalimlandvo labenta umbhalo manje lesewuphambi kwemhlaba njengeNcwadzi yaMormon. (Catsanisa naMalakhi 4:5–6; netigaba 27:9; 110:13–16; na 128:18.)
1, Elija utawukwembula buphristi; 2–3, Tetsembiso tabobabe tihlanyelwe etinhlitiyweni tebantfwana.
1 Buka, ngitawukwembulela buPhristi, ngesandla sa-Elija umphrofethi, ngaphambi kwekufika kwelusuku lolukhulu nalolwesabekako lweNkhosi.
2 Uyawuhlanyela etinhlitiyweni tebantfwana tetsembiso letentiwa kubobabe, futsi tinhlitiyo tebantfwana tiyawuphendvukela kuboyise.
3 Uma bekungasinjalo, umhlaba wonkhe ungacitseka ube lite ekubuyeni kwakhe.