Sigaba 37
Sembulo lesaniketwa Joseph Smith umPhrofethi naSidney Rigdon, edvute naseFayette, eNew York, ngeNgongoni 1830. Kulesi sembulo kuniketwa umyaleto wekucala lophatselene nekugcogcwa kulolu luhlelo lwekwengamela.
1–4, LabaNgcwele babitelwa kutsi babutsane e-Ohio.
1 Bukani, ngitsi kini akukafaneli kutsi niphindze nihumushe nite niye e-Ohio, loku kungenca yesitsa nangenca yenu.
2 Ngetulu kwaloko, ngitsi kini angeke niye nite nishumayela livangeli lami kuleto tincenye, niphindze nicinise libandla kuto tonkhe tindzawo lapho litfolakala khona, ikakhulukati eColesville; ngoba, bukani, bathandaza kimi ngelukholo lolukhulu.
3 Ngetulu kwaloko, umyaleto ngiwunika libandla, kutsi kufanele babutsane ndzawonye e-Ohio, kulungiselela sikhatsi lapho inceku yami Oliver Cowdery iyobuya ngaso kubo.
4 Buka, naku kuhlakanipha, futsi wonkhe umuntfu akatikhetsele ngite ngibuye. Kunjalo nje. Amen.