፬ ኖኅም ለእግዚአብሔር መሠውያውን ሠራ፥ ከንጹሕም እንስሳ ሁሉ ከንጹሐን ወፎችም ሁሉ ወሰደ፥ በመሠውያውም ላይ መሥዋዕትን አቀረበ፤ እናም ለጌታ ምስጋና አቀረበ፣ እና በልቡ ተደሰተ።

፭ እና ጌታም ለኖህ ተናገረ፣ እናም ባረከው። እናም ኖህ መልካሙን መዓዛ አሸተተ፣ እና በልቡ አለ፤

፮ ምድርን ዳግመኛ ስለ ሰው እንዳይረግምም፥ የሰው ልብ አሳብ ከታናሽነቱ ጀምሮ ክፉ ነውና፤ ምድር እስካለች ድረስ፣ ደግሞም ከዚህ ቀድሞ እንዳደረገው ሕያዋንን ሁሉ እንደ ገና እንዳይመታም በጸሎት የጌታን ስም እጠራለሁ፤

፲ ነገር ግን፣ እንደመብል የምሰጥህን ስጋዎች ሁሉ ደም በምድር ላይ ይፈሳል፣ ይህም የዚህን ህይወት ይወስዳል፣ እና ደሙን አትብላ።

፲፩ በእርግጥም፣ ለመብል፣ ህይወትህን ለማዳን ካልሆነ በስተቀር ደም አይፍሰስ፤ እና የእያንዳንዱን አራዊት ደም ከእጅህ እሻዋለሁ።

፲፪ እና የሰውን ደም የሚያፈስ ሁሉ፣ በሰው ደሙ ይፈስሳል፤ ሰው የሰውን ደም ማፍሰስ አይገባውምና።

፲፫ እያንዳንዱ የሰው ወንድም የሰውን ህይወት እንዲያድን ትእዛዝ እሰጣለሁ፣ ሰውን በመልኬ ፈጥሬአለሁና።

፲፬ እና ትእዛዝም እሰጣችኋለሁ፣ እናንተም ብዙ፥ ተባዙ፤ በምድር ላይ ተዋለዱ፥ እርቡባትም።

፲፭ እግዚአብሔርም ለኖኅና ለልጆቹ እንዲህ ብሎ ተናገረ፣ እኔም እነሆ፣ ከአባታችሁ ሔኖክ ጋር ከእናንተና በኋላ ስለሚመጣው ዘራችሁ በሚለከት ያደረኩትን ቃል ኪዳኔን እመሰርታለሁ።

፳፩ ቀስቲቱም በደመና ትሆናለች፤ እና ሰዎች ትእዛዛቴን ሁሉ ሲያከብሩ፣ ወደ እኔ የወሰድኳት የሔኖክ ከተማ ፅዮን እንደገና ወደ ምድር ስትመጣ፣ እኔ ለአባታችሁ ሔኖክ የገባሁትን የዘላለም ቃል ኪዳን ለማስታወስ አያታለሁ።

፳፪ እና ይህም የዘላለም ቃል ኪዳኔ ነው፣ ትውልዶችህ እውነትን ሲያቅፉ፣ እና ወደላይ ሲመለከቱ፣ ከእዚያም ፅዮን ወደታች ትመለከታለች፣ እና ሰማያት ሁሉ በደስታ ይነቃነቃሉ፣ እና መሬትም በደስታ ትንቀጠቀጣለች፤

፳፫ እና የበኩራት ቤተክርስቲያን አጠቃላይ ስብሰባ ከሰማይ ይወርዳሉ፣ እና ምድርን የራሳቸው ያደርጓታል፣ እና መጨረሻው እስከሚመጣ ድረስ ቦታ ይኖራቸዋል። እና ይህም፣ ከአባታችሁ ሄኖክ ጋር የገባሁት የዘላለም ቃል ኪዳኔ ነው።

፳፬ ቀስቲቱም በደመና ትሆናለች፤ እና በእናንተም በእኔና በምድር ላይ በሚኖር ሥጋ ባለው በሕያው ነፍስ ሁሉ መካከል የገባሁትን ቃል ኪዳኔን እመሰርታለሁ።

፳፭ እግዚአብሔርም ኖኅን አለው፣ በእኔና በአንተ መካከል የመሰረትኩት የቃል ኪዳን ምልክት ይህ ነው፤ ምክንያቱም ሥጋ ሁሉ በምድር ላይ ይገኛሉና።