¶ 1 KOENI foki nae hiki hake au e he laumalie o ne omi au ki he mataba fakahahake oe fale o Jihova aia oku haga ki he feituu hahake: bea vakai, nae i he huaga oe mataba ae kau tagata e toko uofulu ma toko nima; bea naaku mamata oku i ai a Jesania koe foha o Asuli mo Beletaia koe foha o Benaia koe houeiki oe kakai.

2 Bea ne toki behe kiate au, Foha oe tagata koe kau tagata ena oku fakatubu ae kovi, o nau fakakaukau kovi i he kolo ni:

3 O nau behe, Oku ikai ofi ha mea: ka tau laga fale akitautolu: koe kulo ae kolo ni ka koe kakano akitautolu.

¶ 4 Koia ke ke kikite kiate kinautolu, kikite, e foha oe tagata.

5 Bea nae hoko mai kiate au ae Laumalie o Jihova o ne behe kiate au, Lea, oku behe e Jihova; Koeni, kuo mou lea behe e fale o Isileli: he oku ou ilo kotoabe ae gaahi mea oku hu mai ki ho mou loto.

6 Kuo mou fakatokolahi hoo mou mate tamate‘i i he kolo ni bea kuo mou fakafonu aki ae mate tamate‘a a hono gaahi hala.

7 Koia oku behe a Jihova koe Otua; Ko hoo mou mate aia kuo mou fokotuu i loto i ai, koe kakano akinautolu, bea koe kolo ni koe kulo ia: ka teu omi ki tua akimoutolu mei ai.

8 Kuo mou manavahe ki he heleta; bea teu omi ae heleta kiate kimoutolu, oku behe e Jihova koe Otua.

9 Bea teu omi ki tua akimoutolu mei he lotolotoga oia, mo tukuage akimoutolu ki he nima oe kau muli, bea teu fai ae fakamalaia kiate kimoutolu.

10 Bea e tulaki hifo akimoutolu i he heleta; teu fakamāu akimoutolu i he gataaga o Isileli; bea te mou ilo ko au ko Jihova.

11 E ikai hoko eni ko hoo mou kulo, bea e ikai hoko akimoutolu koe kakano i loto i ai; ka teu fakamāu akimoutolu i he gataaga o Isileli:

12 Bea te mou ilo ko Jihova au: he kuo ikai te mou aeva i he eku fekau, be fai ki he eku fakamāu, ka kuo mou fai ki he aga ae hiteni oku nofo takai iate kimoutolu.

¶ 13 Bea nae hoko o behe, i he eku kikite, nae mate a Beletaia koe foha o Benaia. Bea naaku to hifo ai ki hoku mata o tagi i he le‘o lahi, o behe, Oiaue e Jihova koe Otua! te ke fakaoji ke oji aubito ae toega o Isileli?

¶ 14 Nae toe hoko foki ae folofola a Jihova kiate au, o behe,

15 Foha oe tagata, ko ho kaiga, io, ho kaiga oou, ae kau tagata o ho faahiga, bea moe fale katoa kotoa a Isileli, ko kinautolu ia kuo behe ki ai ae kakai o Jelusalema, Alu ke mamao akimoutolu mei a Jihova: he ko kimoutolu kuo foaki ki ai ae fonua ni koe tofia.

16 Koia ke ke lea, Oku behe e Jihova koe Otua; ne ogo eku liaki ke mamao akinautolu ki he hiteni, bea ne ogo eku fakahe akinautolu ki he gaahi fonua, ka teu hage koe jii hufaga kiate kinautolu i he gaahi fonua aia te nau hoko ki ai.

17 Koia ke ke behe, oku behe e Jihova koe Otua; Teu tanaki mooni akimoutolu mei he kakai bea fakataha mai kimoutolu mei he gaahi fonua aia kuo fakahe‘i akimoutolu ki ai, bea teu foaki kiate kimoutolu ae fonua o Isileli.

18 Bea te nau hoko mai ki heni, bea te nau fetuku mei heni a hono gaahi mea kovi mo hono gaahi fakalielia.

19 Bea teu foaki kiate kinautolu ae loto be taha, bea teu ai ha laumalie foou kiate kimoutolu; bea teu too atu ae loto maka mei ho nau kakano, bea teu foaki ae loto kakanoia kiate kinautolu:

20 Koeuhi ke nau faa eveeva ai i he eku gaahi fekau, bea tauhi a eku tuutuuni mo fai ki ai: bea e hoko ko hoku kakai akinautolu, bea ko ho nau Otua au.

21 Ka koeuhi ko kinautolu oku muimui ho nau loto ki he loto oe nau gaahi mea fākalilia moe nau fakalielia, teu totogi e nau aga ki ho nau tumuaki, oku behe e Jihova koe Otua.

¶ 22 Bea hili ia nae hiki ki oluga e he jelubimi a ho nau kabakau bea moe gaahi teka nae ofi ai; bea nae feagai hifo mei oluga iate kinautolu ae nāunāu oe Otua o Isileli.

23 Bea nae mahui ae nāunāu o Jihova mei he loto kolo, bea tuu mei he mouga aia oku i he botu hahake oe kolo.

¶ 24 Bea hili ia nae too hake au e he laumalie, bea omi au e he Laumalie oe Otua i he mea ha mai ki Kalitia kiate kinautolu oe bobula. Bea nae behe ae mahui iate au ae mea ha mai aia naaku mamata ki ai.

25 Bea naaku toki fakamatala kiate kinautolu oe bobula ae gaahi mea kotoabe aia nae fakaha e Jihova kiate au.