¶ 1 KOIA foki ke ke fai ha tagilāulāu koeuhi koe gaahi houeiki o Isileli.

2 Bea ke behe, Koeha a hoo fa‘e? Koe laione fefine: naa ne tokoto hifo i he lotolotoga oe faga laione, naa ne tauhi‘i a hono uhiki i he lotolotoga oe faga laione mui.

3 Bea naa ne tauhi ae taha a hono uhiki: nae hoko ia koe laione mui, bea ne fakaaau ia ke boto i he bo a ene mea kai; naa ne kai tagata.

4 Nae fanogo foki ki ai ae gaahi buleaga: bea nae moua ia i he e nau luo, bea naa nau omi ia ki Ijibite kuo ha‘ijia ia aki ae ukamea.

5 Bea i he ene tatali o mamata kuo mole aia naa ne amanaki ki ai, naa ne hiki ki he taha kehe i hono uhiki mo ne gaohi ia koe laione mui.

6 Bea nae alu fano be ia i he lotolotoga oe faga laione mui, nae hoko ia koe laione mui, mo ne boto i he bo a ene mea kai, bea naa ne kai tagata.

7 Bea naa ne ilo ho nau gaahi fale fakaeieiki nae maumau, bea naa ne fakalala ho nau gaahi kolo; bea nae gaogao ae fonua mo hono fonu oia, koe mea i he uulu o ene tagi.

8 Bea ne toki tuu hake kiate ia ae gaahi buleaga mei he botu kotoabe oe gaahi vahe fonua, bea naa nau aau atu kiate ia a ho nau kubega: bea nae moua ia i he e nau luo.

9 Bea naa nau fakabobula‘i ia o ha‘i aki ae ukamea, bea omi ia ki he tu‘i o Babilone: naa nau ai ia ki he ana, ke oua naa toe ogo atu a hono le‘o ki he gaahi mouga o Isileli.

¶ 10 Oku tatau hoo fa‘e moe vaine i he goue vaine oku i he vee vai: nae fua gafuhifuhi ia, bea lahi hono vaa, koeuhi koe lahi oe vai.

11 Bea nae iate ia ae gaahi vaa malohi, koe tokotoko onautolu nae fai ae bule, bea nae fakamaoluga hake ia i he gaahi vaa matolutolu, bea nae ha mai ia, a ene maoluga bea moe lahi o hono gaahi vaa.

12 Ka nae taaki fuu hake ia i he malohi, nae li hifo ia ki he kelekele, bea nae fakamae hono fua e he matagi hahake: nae mafejifeji mo fakamae hono gaahi vaa malohi: bea ne keina ia e he afi.

13 Bea koeni, kuo to ia i he toafa i he kelekele momoa mo kakā.

14 Bea kuo alu atu ae afi mei he maga o hono gaahi vaa, aia kuo keina ai hono fua, koia oku ikai kei ai hono vaa malohi, ke hoko koe tokotoko ke bule aki. Ko eni ae mea ke tegihia, bea e hoko ia koe mea ke tagilāulāu ai.