¶ 1 BEA nae hoko i hono ono oe ta‘u, mo hono ono oe mahina, bea i hono nima oe aho i he mahina, naaku nofo i hoku fale, bea nae nofo i hoku ao ae kau mātua o Juta, ne hoko mai kiate au ae nima oe Otua ko Jihova.

2 Bea neu mamata, bea vakai, koe mea oku tatau moe afi: koe ha mai a hono kogaloto o fai ki lalo koe afi; bea mei hono kogaloto o fai ki oluga nae ha gigila, o hage koe lanu oe amiba.

3 Bea nae ai mai ae tatau o ha nima, o ne buke au i hoku louulu; bea hiki au e he laumalie ki he vahaa o mamani bea moe lagi, o ne omi au i he mea ha mai ae Otua ki Jelusalema, ki he mataba oe katuba ki loto aia oku haga ki he tokelau; ai nae i aia ae nofoaga oe fakatātā ki he fuaa, aia oku fakatubu ae fuaa.

4 Bea vakai, nae i ai ae nāunāu oe Otua o Isileli o tatau mo ene ha mai naaku mamata ai i he telea.

¶ 5 Bea ne toki behe kiate au, Foha oe tagata haga hake eni ho mata ki he botu fakatokelau. Koia naaku fakahaga hoku mata ki he botu tokelau, bea vakai, nae i ai ae fakatātā oe fuaa i hono botu fakatokelau oe mataba oe feilaulauaga, i hono huaga.

6 Naa ne behe foki kiate au, Foha oe tagata, Oku ke mamata ki he mea oku nau fai? io, ae gaahi fakalielia lahi oku fai i heni e he fale o Isileli, koeuhi keu alu mamao atu mei hoku botu tobu tabu? ka ke toe tagaki hake, bea te ke jio ki he gaahi fakalielia oku lahi hake.

¶ 7 Bea naa ne omi au ki he mataba oe lotoa; bea i he eku jio, vakai koe ava nae i he a.

8 Bea ne behe kiate au, Foha oe tagata, ke ke keli i he a: bea i he eku keli i he a, vakai koe mataba.

9 Bea naa ne behe kiate au, Hu atu mo mamata ki he gaahi kovi fakalielia oku nau fai i heni.

10 Koia naaku hu ki ai o mamata; bea vakai nae tohi takatakai ki he holiji fale ae fakatātā ki he aga oe mea totolo kotoabe, moe faga manu fakalielia, bea moe gaahi tamabua kotoabe oe fale o Isileli.

11 Bea tutuu i ho nau ao ae kau tagata e toko fitugofulu i he kau mātua oe fale o Isileli, bea i ho nau haohaoga nae tuu ai a Jesania koe foha o Safani, bea taki taha ae tagata ene aiaga afi i hono nima; bea nae alu hake ae ao matolu oe mea namu kakala.

12 Bea naa ne toki behe kiate au, Foha oe tagata, kuo ke mamata ki he mea oku fai e he kau mātua oe fale o Isileli, e he tagata taki taha kotoabe i he ana o ene mea fakatātā? he oku nau behe, Oku ikai mamata a Jihova kiate kitautolu; kuo jiaki e he Otua a mamani.

¶ 13 Naa ne behe foki kiate au, Toe tagaki hake koe, bea te ke mamata ki he e nau fai ae gaahi fakalielia oku lahi hake.

14 Bea nae toki ave au ki he mataba oe huaga ki he fale o Jihova aia nae tuu ki he tokelau: bea vakai, nae nofo ai ae kau fefine oku tagi koeuhi ko Temuse.

15 Bea naa ne behe kiate au, Kuo ke mamata aeni, e foha oe tagata? Toe tagaki hake bea te ke jio ki he gaahi fakalielia oku lahi hake i he mea ni.

¶ 16 Bea naa ne omi au ki he lotoa ki loto oe fale o Jihova, bea vakai, nae i he mataba oe fale lotu lahi o Jihova i he vahaa oe huaga moe feilaulauaga ae kau tagata e toko uofulu ma toko nima nae fulitua ki he fale lotu lahi o Jihova, kae haga ho nau mata ki he botu hahake; bea naa nau hu ki he laa ki he botu hahake.

¶ 17 Bea naa ne behe ai kiate au, Kuo ke mamata ki he mea ni, e foha oe tagata? koe mea maamaa koa ki he fale o Juta ke nau fai ae gaahi fakalielia oku nau fai i heni? he kuo nau fakafonu ae fonua i he fakamalohi, mo nau tafoki ke fakatubu eku houhau: bea vakai oku nau ai ae vaa ki ho nau ihu.

18 Koia foki teu gaue aki e au ae houhau lahi: e ikai mamae a hoku mata, bea e ikai teu manavaofa: bea ne ogo e nau tagi i hoku teliga i he le‘o lahi, e ikai teu fanogo kiate kinautolu.