¶ 1 BEA nae hoko mai kiate au ae folofola a Jihova, o behe,

2 Foha oe tagata, fakahagatonu ho mata ki he gaahi mouga o Isileli, bea kikite ki ai,

3 Mo behe, E gaahi mouga o Isileli, fanogo ki he folofola a Jihova koe Otua; Oku behe e Jihova koe Otua, ki he gaahi mouga moe gaahi tafugofuga moe gaahi vaitafe, bea ki he gaahi telea; Vakai ko au, io ko au, teu omi ae heleta kiate kimoutolu, bea teu fakaauha ho mou gaahi botu maoluga.

4 Bea e liaki hoo mou gaahi feilaulauaga, bea e maumau‘i ho mou gaahi tamabua: bea teu li hifo a hoo mou mate i he ao o ho mou gaahi tamabua.

5 Bea teu tuku ae agaaga ae fānau a Isileli ki he ao oe gaahi tamabua; bea teu tūtū‘i takatakai ho mou hui i he gaahi feilaulauaga.

6 Bea e fakalala ho mou gaahi kolo i ho mou botu nofoaga kotoabe, bea e gaogao ho mou gaahi botu fakaeieiki; koeuhi ke veteki hoo mou gaahi feilaulauaga mo liaki, bea maumau‘i mo fakaoji ho mou gaahi otua, bea hifi ki lalo ho mou gaahi tamabua, bea fakaauhamalie hoo mou gaahi gaue.

7 Bea e to hifo ae mate tamate‘a i loto iate koe, bea te mou ilo ko au ko Jihova.

¶ 8 Ka teu tuku ha toega, koeuhi ke ai haa mou niihi e hao mei he heleta i he gaahi buleaga, oka movetevete akimoutolu ki he gaahi fonua.

9 Bea ko kinautolu oku hao iate kimoutolu te nau manatu kiate au, i he gaahi buleaga aia e ave bobula ki ai akinautolu, o kau ka feji‘i ho nau loto agahala nae mamao iate au, mo ho nau mata nae jio holi be ki ho nau gaahi tamabua: bea te nau fehia aubito kiate kinautolu koeuhi koe gaahi kovi aia kuo nau fai i he e nau gaahi fakalielia.

10 Bea te nau ilo ko au ko Jihova, Nae ikai teu lea vaiga aki a eku behe teu fai ae kovi ni kiate kinautolu.

¶ 11 Oku behe e Jihova koe Otua; Ke baji ho nima bea malakaki ho va‘e, bea ke behe, Oiaue ae gaahi kovi fakalielia ae fale o Isileli! he te nau to i he heleta, moe hoge, moe mahaki fakaauha.

12 Koia oku nofo mamao e mate i he mahaki fakaauha; bea koia oku ofi e to i he heleta; bea koia oku toe i he nofo kolo e mate i he hoge: e behe eku fakahoko hoku houhau kiate kinautolu.

13 Bea te nau toki ilo, ta ko au ko Jihova, oka tuku ho nau kakai tamatea fakataha mo ho nau gaahi tamabua o takatakai i ho nau gaahi ejifeilaulau, i he botu maoluga kotoabe, bea i he tumuaki oe gaahi mouga, i he lolo akau moui kotoabe, bea i he lolo oke lau mauiui aia ne atu ai ae namu kakala ki ho nau gaahi tamabua.

14 E behe a eku mafao atu hoku nima kiate kinautolu, mo fakaauha ae fonua, io e lahi hake ae lala o ho nau gaahi nofoaga, i he toafa ko Tibilate; bea te nau ilo ai ko au ko Jihova.