¶ 1 NAE hoko mai ae folofola a Jihova kiate au, i hono hogofulu oe ta‘u, mo hono hogofulu oe mahina, bea mo hono hogofulu ma ua oe aho, o behe,

2 Foha oe tagata, fakahaga ho mata kia Felo koe tu‘i o Ijibite, bea kikite kiate ia, bea mo Ijibite katoa.

3 Lea, bea ke behe, Oku behe e Jihova koe Otua: Vakai, oku ou tuu kiate koe, e Felo, tu‘i o Ijibite, akoe koe kalokataile oku tokoto i he lotolotoga o ho gaahi vaitafe, akoe kuo ke behe, Ko hoku vaitafe oku ooku be ia, bea kuou gaohi ia kiate au be.

4 Ka teu ai e au ae mātau i ho gutu, bea teu bule ki he ika kotoabe i ho gaahi vaitafe, ke nau bibiki ki ho uno, bea teu fuji hake koe mei he loto vaitafe, bea e bibiki ki ho uno ae ika kotoabe i ho gaahi vaitafe.

5 Bea teu tuku jiaki be koe ki he toafa, akoe moe ika kotoabe o ho gaahi vaitafe: te ke to atu ki he atā oe gaahi botu goue; bea e ikai toe fakamaobo koe be tanaki: kuou foaki koe koe mea kai ki he faga manu oe vao, bea moe faga manu buna oe lagi.

6 Bea e ilo e he kakai kotoabe o Ijibite ko au ko Jihova, koeuhi kuo nau tatau be moe vaa kaho ki he fale o Isileli.

7 I he e nau buke koe i ho nau nima naa ke mafeji, bea makohikohi ai ho nau nima kotoabe: bea i he e nau faaki kiate koe naa ke faji, bea fakahomohomo ai ho nau hokotaga hui kotoabe.

¶ 8 Koia oku behe ai e Jihova koe Otua; Vakai teu omi ae heleta kiate koe bea tuuji meiate koe ae tagata bea moe manu.

9 Bea e lala mo vaoa ae fonua o Ijibite; bea te nau ilo ko au ko Jihova; koeuhi kuo ne behe eia, Oku ooku ae vaitafe, bea kuou gaohi ia e au.

10 Vakai, koia ia oku ou tuu au kiate koe, bea mo ho gaahi vaitafe, bea teu gaohi ae fonua o Ijibite ke lala aubito mo vaoa mei Mikitoli mo Saiini o a‘u ki he gataaga o Itiobea.

11 E ikai alu atu ai ha va‘e o ha tagata, be alu atu i ai ha va‘e o ha manu, bea e ikai hano kakai i ai i he ta‘u e fagofulu.

12 Bea teu gaohi ke lala ae fonua o Ijibite i he lotolotoga oe gaahi fonua kuo lala, bea ko ene gaahi kolo i he gaahi kolo kuo lala i he ta‘u e fagofulu: bea teu fakamovete ae kakai Ijibite ki he gaahi buleaga, bea teu fakahe‘i akinautolu ki he gaahi fonua.

13 Ka koeni, Oku behe e Jihova koe Otua; I he hili ae ta‘u e fagofulu, teu tanaki ae kakai Ijibite mei he gaahi botu nae fakahe‘i ki ai akinautolu.

14 Bea teu toe liliu mai ae bobula o Ijibite, bea teu bule ke nau toe ha‘u ki he fonua ko Batalosi, ki he fonua o ho nau nofoaga; ka te nau i ai koe buleaga moulaloa.

15 E maulalo hifo ia i he gaahi buleaga; bea e ikai te ne toe hiki hake ia eia ke maoluga i he gaahi buleaga; he teu gaohi ke fakaaau ki mui akinautolu, koeuhi ke oua naa toe bule ia ki he gaahi buleaga.

16 Bea e ikai toe hoko ia koe falalaaga oe fale o Isileli, koeuhi ka nau ka jio ki ai te nau manatu‘i e nau hia: ka te nau ilo au, ko Jihova koe Otua.

¶ 17 Bea i he ene hoko ki hono uofulu ma fitu oe ta‘u, i hono uluaki mahina, i he uluaki aho oe mahina, nae hoko mai ae folofola a Jihova kiate au, o behe,

18 Foha oe tagata, nae bule e Nebukalesa koe tu‘i o Babilone ki he ene kau tau, ke nau fai ae gaue lahi ki Taia: nae tula ai ae ulu kotoabe, bea mafohi ai ae uma kotoabe: ka nae ikai haa ne totogi aana, be ko ene kau tau, koeuhi ko Taia, moe gaue lahi naa ne fai ki ai:

19 Koia oku behe ai e Jihova koe Otua: Vakai, teu foaki ae fonua ko Ijibite kia Nebukalesa koe tu‘i o Babilone; bea te ne ma‘u hono kakai, bea ma‘u hono koloa, bea veteki ia; bea koe totogi ia ki he ene kau tau.

20 Kuou foaki kiate ia ae fonua ko Ijibite, koeuhi koe gaue aia naa ne fai ki ai, he naa nau fai ia maaku, oku behe e Jihova koe Otua.

21 I he aho koia teu gaohi ke tubu ae moto oe nifo oe fale o Isileli, bea teu tuku ke faa matoo ai ho gutu iate kinautolu; bea te nau ilo ko Jihova au.