¶ 1 HILI ia naa ne omi au ki he lotoa ki tua, ki hono botu fakatokelau; bea naa ne omi au ki he botu fale aia nae haga mai ki he botu ataatā aia foki nae tuu ki mua i he fale i hono feituu fakatokelau.

2 Ko hono loloa i hono botu ki he mataba ki tokelau, koe kiubite e teau, bea ko hono laulahi, koe kiubite e nimagofulu.

3 Nae gaohi ke fehagaaki ae gaahi hala i he tua fale i he gaahi fata e tolu, o feagai atu moe kiubite e uofulu nae tuku koe lotoa ki loto, bea feuga mai moe botu nae faliki ke lotoa aki, ki tua.

4 Bea i he mata fale nae i ai ae hala, koe kiubite e hogofulu hono laulahi ki loto, moe hala oe kiubite e taha; bea nae haga hono gaahi mataba ki he tokelau.

5 Ka ko eni nae fakanounou ae gaahi botu fale ki oluga, koeuhi nae atāage a hono hala ki tua i oluga, i he hala oe fata ki lalo, mo ia nae hoko ai.

6 He nae fata tolu foki, ka nae ikai hano gaahi bou, o hage koe fakabou oe gaahi lotoa: koia nae abiabi ai ae fale oluga, i hono botu koia nae i lalo, mo ia nae hoko hake ai.

7 Bea nae i tua a hono a, o hagatonu ia ki he gaahi botu fale nae tuu ki he lotoa ki tua, i hono botu ki ao oe gaahi fale, bea ko hono loloa koe kiubite e nimagofulu.

8 He koe loloa oe gaahi botu fale aia nae i he lotoa ki tua koe kiubite e nimagofulu: bea, vakai, ko hono loloa ki hono botu ki ao oe fale tabu koe kiubite e teau.

9 Bea nae ai ae huaga i he botu oe gaahi botu fale ni, ki hono botu fakahahake i he aluaga o ha taha oku hu ki ai, mei he lotoa ki tua.

10 Nae gaohi ae gaahi botu fale i he matolu oe a oe lotoa, ki hono botu ki hahake, o hagatonu mai ki he botu nae ataatā, bea moe fale lahi.

11 Bea koe hala ki mua i ai nae mata tatau ia moe gaahi botu fale ki he botu tokelau, nae tatau hono loloa mo ia, bea tatau mo hono laulahi: bea ko hono gaahi katuba nae tatau be hono aga mo ia, bea tatau mo hono gaahi mataba.

12 Bea hage koe gaahi mataba oe gaahi botu fale aia nae haga ki he feituu toga, nae ai ae mataba i he tefito hala, io ae hala nae hagatonu atu ki he a, ki he botu hahake, oka hu atu ha taha ki ai.

¶ 13 Hili ia naa ne behe mai kiate au, koe gaahi botu fale ki he tokelau moe gaahi botu fale ki he feituu toga, aia oku hagatonu mai ki he botu ataatā, koe gaahi botu fale tabu ia, aia e kai ai e he kau taulaeiki oku unuunu mai kia Jihova, ae gaahi mea maonioni aubito: te nau hilifaki i ai ae gaahi mea maonioni aubito, moe feilaulau oe mea kai, moe feilaulau ki he agahala, moe feilaulau ki he fai hala; he oku maonioni ae botu.

14 Oka hu atu ki ai ae kau taulaeiki e ikai te nau toe alu atu mei he botu maonioni ki he lotoa ki tua, ka koe botu be koia naa nau gaue ai, e tuku i ai a ho nau gaahi kofu; he oku nau maonioni; bea te nau ai ae gaahi kofu kehe, oka nau ka alu o kau i ha gaahi mea ae kakai.

¶ 15 Bea hili ae fakaoji eia hono fuofua oe fale ki loto, naa ne omi au ki he mataba aia oku haga atu ki he botu hahake, bea naa ne fua takatakai ia.

16 Nae fua a hono botu fakahahake aki ae kaho nae fuofua aki, koe kaho e nimageau, a hono fua takatakai o oji.

17 Naa ne fua ae botu ki he tokelau koe kaho e nimageau i hono fua takatakai aki ae kaho.

18 Naa ne fua ae botu ki he feituu toga aki ae kaho, koe kaho e nimageau.

19 Naa ne foki atu ki he botu ki luluga bea ne fua aki ia ae kaho koe e nimageau.

20 Naa ne fua ia i hono botu e fa: nae takatakai aki ia ae a, koe kaho e nimageau hono loloa, moe nimageau a hono laulahi koeuhi ke fevahanaki ai ae botu tabu moe botu gofua.