¶ 1 HILI ia naa ne toe omi au ki he mataba oe fale; bea vakai, nae tafe mai ae gaahi vai i he lalo mataba, ki he botu hahake: he nae haga atu ae mata fale ki hahake, bea nae tafe mai ae vai mei lalo, mei he botu toomatau oe fale i he botu fakatoga oe feilaulauaga.

2 Hili ia naa ne omi au ki he huaga oe mataba ki tokelau, mo ne taki fakatakamilo hake au ki he huaga ki tua, i he mataba oku tuu taubotu atu i he hala fakahahake; bea vakai, nae tafe ai ae vai ki hono botu toomatau.

3 Bea i he ene alu atu ae tagata, nae iate ia ae afo ke fua aki ki he botu fakahahake, naa ne fua koe kiubite e taha afe, bea naa ne tataki au i he loto vai; bea nae feouga hake ae vai moe tuga‘i va‘e.

4 Bea toe fua eia ha taha afe, mo ne tataki au i he loto vai; bea nae a‘u hake ae vai ki he tui. Bea ne toe fua moe taha afe, o ne tataki au i loto; bea a‘u hake ae vai ki he kogaloto.

5 Hili ia nae toe fua moe taha afe; ka kuo hoko ai ia koe vaitafe, nae ikai teu faa aa ai: he nae fakaaau hake ae vai, koe vai e fai ai ha kakau, koe vaitafe oku ikai hano aaaga.

¶ 6 Bea naa ne behe kiate au, Foha oe tagata, kuo ke mamata ki he mea ni? Koia ne ne omi au, mo ne fakafoki mai au, ki he tafaaki oe vaitafe.

7 Bea i he eku foki atu, vakai, nae lahi aubito ae akau oku tuu i he tafaaki vaitafe i hono kau vai fakatouoji.

8 Bea naa ne toki behe kiate au, Oku tafe atu ae vai ni ki he botu fonua ki hahake, bea oku alu hifo ki he toafa, mo alu atu ai be ki tahi: bea ka hoko atu ia ki he tahi e fakamoui ai hono gaahi vai.

9 Bea e hoko o behe, koe mea kotoabe oku moui, mo gau‘e i he botu kotoabe e a‘u atu ki ai ae vaitafe, e moui: bea e lahi aubito aubito ae ika, koeuhi koe tafe atu ki ai ae gaahi vai ni: he te nau lelei ai: bea e moui ae mea kotoabe i he botu kotoabe e alu atu ki ai ae vaitafe.

10 Bea e hoko o behe, e tuu ai ae kau toutai ika mei Eniketi, o a‘u ki Enekalemi; koe botu ia ke aau kubega ai; e i he faahiga kehekehe a hono ika, o hage koe ika oe moana lahi hono taefaalaua.

11 Kae iloga ae botu belebela i ai, moe gaahi botu oku ano vai e ikai fakamoui ia: e tuku ia ke kona ai be.

12 Bea e tubu hake ae akau oku mea kai aki i he vee vaitafe, i he tafaaki vai i hono kau vai fakatouoji, bea e ikai mae a hono lau, bea e ikai oji a hono fua: e tubu be hono fua foou, o fakatatau mo hono mahina, koeuhi oku alu atu mei he fale tabu a hono fakaviviku: bea e mea kai aki a hono fua, bea ko hono lau koe mea faitoo.

¶ 13 Oku behe e Jihova koe Otua; Ko eni a hono fakagata, aia te mou nofo ai ki he fonua, o fakatatau ki ho mou faahiga e hogofulu ma ua i Isileli: E ma‘u e Josefa ha vahe e ua.

14 Bea te mou ma‘u ia, o ma‘u tatau be: aia foki naaku hiki hake ai hoku nima, ke foaki ia ki hoo mou gaahi tamai: bea e to ae fonua ni kiate kimoutolu, ko ho mou tofia.

15 Bea ko hono gataaga eni oe fonua. I hono botu fakatokelau, e gata mei he Tahi Lahi, moe hala ki Hetiloni, i he aluaga oe kakai ki Sitati.

16 Ko Hamati, mo Belota, mo Sibalemi, aia oku i he vahaa o Tamasikusi, moe gataaga o Hamati: mo Hasahatikoni, aia oku i he gataaga o Haulani.

17 Bea ko hono gataaga mei tahi, ko Hasaenani, i he gataaga o Tamasikusi, mo hono botu tokelau, o fai atu ki he tokelau, bea moe gataaga o Hamati. Bea ko hono botu tokelau ia.

18 Bea e fuofua a hono botu hahake mei Haulani, bea mo Tamasikusi, bea mo Kiliati, bea mei he fonua o Isileli, i Joatani, mei hono gataaga o a‘u ki he tahi ki hahake. Bea ko hono botu fakahahake ia.

19 Bea e fua a hono botu ki toga, mei Tema, o a‘u ki he vai oe fakakikihi i Ketesi, koe vaitafe o a‘u ki he Tahi Lahi. Bea ko hono gataaga ia ki he feituu toga.

20 Bea ko hono botu ki luluga, koe Tahi Lahi mei hono gataaga, o a‘u ki he feouga ae tuu ha taha o haga ki Hamati. Ko hono gataaga ia ki luluga.

21 E behe a hoo mou vahevahe ae fonua ni, o fakatatau moe gaahi faahiga o Isileli.

¶ 22 Bea e hoko o behe, te mou talotalo ki hono vahevahe oe fonua, koeuhi ke mou ma‘u ia ko ho mou nofoaga, bea moe kau muli oku nofo iate kimoutolu: bea te nau tatau kiate kimoutolu, mo ha niihi kuo fanau‘i i he fonua i he fānau a Isileli; te nau ma‘u ha tofia iate kimoutolu, i he gaahi faahiga kotoabe o Isileli.

23 Bea e hoko ia o behe, koe faahiga koia oku nofo ai ha muli, te mou vahe kiate ia a hono tofia i ai, oku behe e Jihova koe Otua.