¶ 1 NAE toe hoko foki ae folofola a Jihova kiate au, i hono hiva oe ta‘u, i hono hogofulu oe mahina, mo hono hogofulu oe aho i he mahina, o behe,

2 Foha oe tagata, tohi ekoe ae higoa oe aho ko eni: he nae teuteu ae tu‘i o Babilone ki Jelusalema i he aho ko eni.

3 Bea ke lea aki ha fakatātā ki he fale agatuu, mo ke behe kiate kinautolu, Oku behe e Jihova koe Otua; Fokotuu ae kulo, fokotuu ia bea liligi ha vai ki ai:

4 Tanaki ae gaahi koga ki ai, ae koga lelei kotoabe, ae alaga mui moe alaga mua; fakafonu aki ia ae gaahi hui lelei.

5 Fili mai aia oku lelei hake i he faga manu, bea ai ae gaahi hui ki lalo i ai, bea ai ke lelei aubito, bea fakamoho ae hui i ai.

6 Koia oku behe e Jihova koe Otua; Malaia ki he kolo kuo bani toto, ae kulo koia, oku kei i ai ae uli, kuo heeki ke mavahe hono uli mei ai! Too taki taha mai ae koga mei ai, bea oua naa filifilimanako.

7 He oku i loto iate ia a hono toto; kuo ne ai ia ki he fuga maka; nae ikai te ne liligi ia ki he kelekele ke ufiufi ia aki ae efu:

8 Ka koeuhi ke tubu ae houhau mo fakahoko hono tautea; kuou tuku ai hono toto ki he fuga maka, koeuhi ke oua naa ufiufi ia.

9 Koia oku behe ai e Jihova koe Otua; Malaia ki he kolo bani toto! io teu fokotuu ke lahi ae fefie ki he afi

10 Ai be ae fefie, bea tafu ae afi, bea tutu ae kakano, bea ai ke fifiji lahi, bea tuku ke vela ae gaahi hui.

11 Bea toki ai maha be ia ki he efi, koeuhi ke vela ai hono balasa, io ke vela, bea koeuhi ke molu hono fakalielia i ai, bea ke oji mei ai ae uli oku tētē.

12 Kuo ne fakaogojia ia i he gaahi loi, bea nae ikai mahui meiate ia a hono uli: koe  mea uli i ai e to ki he afi.

13 Oku fakalielia hoo  mea uli: bea koeuhi kuou fakamaa koe kae ikai te ke maa, e ikai toe fakamaa koe, kae oua keu ai ke hoko a hoku houhau kiate koe.

14 Ko au ko Jihova kuou lea ki ai: e hoko be ia, bea teu fai ia e au; e ikai teu fakaholomui, bea e ikai teu mamae, be teu fakatomala; oku behe e Jihova koe Otua, te nau fakamāu‘i koe o fakatatau ki ho hala, bea tatau mo hoo gaue kuo ke fai.

¶ 15 Nae hoko foki ae folofola a Jihova kiate au, o behe,

16 Foha oe tagata, vakai, oku ou too atu aia oku holi ki ai ho mata, i he ta be taha: ka e ikai te ke mamahi be tagi, bea e ikai tafe hifo ho loimata.

17 Oua naa tagi, bea oua naa fai ha mamahi, koeuhi koe bekia; ai be ae tatā ki ho ulu, bea ai moe tobuva‘e ki ho va‘e, bea oua naa buke gutu, bea oua naa kai ae ma ae kau tagilāulāu.

18 Koia naaku lea ki he kakai i he bogibogi: bea i he ene hoko ki he efiafi nae bekia a hoku unoho; bea naaku fai i he bogibogi e taha o hage koia nae fekau mai.

¶ 19 Bea nae behe mai e he kakai kiate au, E ikai te ke fakaha mai hono uhiga oe gaahi mea ni kiate kimautolu, be koeha kuo ke fai behe ai?

20 Bea naaku tali aki eni kiate kinautolu, Nae hoko mai ae folofola a Jihova kiate au, o behe,

21 Lea ki he fale o Isileli, Oku behe e Jihova koe Otua; Vakai teu fakalielia‘i a hoku fale tabu, aia ko ho mou malohiaga, aia oku holi ki ai ho mata, bea mamae ki ai ho laumalie; bea ko ho gaahi foha mo ho gaahi ofefine kuo mou tuku e higa i he heleta.

22 Bea te mou fai o hage koia kuou fai: e ikai te mou bubuni gutu, be te mou kai i he ma ae kakai tagilaulau.

23 Bea e tatā be ho mou ulu, bea ai moe tobuva‘e ki ho mou va‘e: e ikai te mou mamahi be fai ae tagi; ka te mou fakaauaujino be, koeuhi ko hoo mou hia, bea femamahiaki be iateki moutolu.

24 Koia ko Isikieli koe fakailoga ia kiateki moutolu: te mou fai ekimoutolu o hage koia kotoabe kuo ne fai eia: bea ka hoko mai eni, te mou ilo ko au ko Jihova koe Otua.

¶ 25 Koeni foki, akoe foha oe tagata, i he aho koia teu too atu ai meiate kinautolu ho nau malohi, moe fiefia oe nau nāunāu, ae holi a ho nau mata, mo ia kuo tuku bau ho nau loto ki ai, a ho nau gaahi foha mo ho nau gaahi ofefine, ikai e behe,

26 Koia e hao i he aho koia e ha‘u kiate koe ke fakaogo ia ki ho teliga?

27 I he aho koia e matoo ho gutu kiate ia kuo hao, bea te ke lea, bea e ikai te ke kei noa: bea koe fakailoga koe kiateki nautolu; bea te nau ilo ko Jihova au.