¶ 1 OKU behe e Jihova koe Otua; E tabuni ae mataba oe lotoa ki loto aia oku haga ki hahake i he aho e ono oku gofua ai ae gaue; ka e fakaava ia i he aho tabu, bea e fakaava i he aho oe mahina foou.

2 Bea e hu atu ae tu‘i i he hala oe fale hala oe mataba ki tua, bea te ne tuu i he tefito bou oe mataba, bea e gaohi e he kau taulaeiki a ene feilaulau tutu, mo ene gaahi feilaulau fakafetai, bea te ne fai ene hu i he huaga oe mataba: bea te ne toki alu atu; ka e ikai tabuni ae mataba o a‘u ki he efiafi.

3 E behe foki moe kakai oe fonua te nau hu i he mataba i he huaga koia i he ao o Jihova, i he gaahi aho tabu, bea i he gaahi mahina foou.

4 Bea koe feilaulau tutu e atu e he tu‘i i he aho tabu, koe lami e ono tae ha nau ila, bea moe sibi tagata tae hano mele.

5 Bea koe feilaulau oe meakai koe efa e taha ki he sibi tagata e taha, bea koe feilaulau meakai ki he faga lami, e fakatatau ia ki he ene faa fai, bea koe hini e taha oe lolo ki he efa e taha.

6 Bea koe aho oe mahina foou e atu ai ae bulu mui tae hano mele, bea moe faga lami e ono, bea moe sibi tagata e taha: bea te nau tae ha nau mele.

7 Bea te ne teuteu ha feilaulau meakai, koe efa e taha ki he bulu e taha, moe efa e taha ki he sibi tagata e taha, bea koe mea ma ae faga lami o fakatatau mo ia oku faa fai e hono nima, bea koe hini e taha oe lolo, ki he efa e taha.

8 Bea ka hu atu ae tu‘i, te ne hu atu i he hala oe fale hala i he mataba, bea te ne toe alu atu ai be ki tua.

¶ 9 Ka i he ene ha‘u ae kakai oe fonua ki he ao o Jihova i he gaahi katoaga fakatobutabu, koia oku hu atu ke lotu i he huaga oe mataba ki he tokelau, e alu atu ia ki tua i he huaga oe mataba ki he feituu toga; bea koia oku hu atu i he huaga oe mataba ki toga e toe alu atu ia i he huaga oe mataba ki he tokelau: e ikai te ne toe foki atu i he huaga oe mataba koia naa ne hu mai mei ai, ka te ne alu atu i he mataba oku hagatonu mai ki ai.

10 Bea e hu atu ae tu‘i fakataha mo kinautolu oka nau ka hu ki ai; bea ka nau ka toe alu atu mei ai, e alu foki mo ia ki tua.

11 Bea i he gaahi katoaga moe gaahi fakataha fakatobutabu koe feilaulau oe meakai, koe efa e taha ki he bulu e taha, moe efa e taha ki he sibi tagata, bea koe mea ki he faga lami e fakatatau ia mo ia oku ne faa fai, bea koe hini e taha oe lolo, ki he efa e taha.

12 Bea ka fai e he tu‘i ke teuteu ofa be haa ne feilaulau tutu, be ha feilaulau fakafetai oku atu ataatā be kia Jihova, e fakaava kiate ia ae mataba, aia oku hagatonu ki he botu hahake, bea e teuteu a ene feilaulau tutu, bea mo ene feilaulau fakafetai, o hage koia ne fai i he aho tabu: bea te ne toki alu atu ki tua; bea ka alu atu ia ki tua, e tabuni ae mataba.

13 Te ke teuteu i he aho kotoabe ha feilaulau tutu kia Jihova, koe lami i hono uluaki ta‘u, mo tae hano mele; te ke teuteu ia i he bogibogi kotoabe kotoabe.

14 Bea e teuteu mo hono feilaulau meakai, i he bogibogi kotoabe, ko hono vahe e ono oe efa e taha, mo hono vahe e tolu oe hini e taha oe lolo, ke natu aki ae mahoaa lelei; koe feilaulau ia oe meakai, ke tuutuuni mo fai mau ai be kia Jihova.

15 E behe a hono teuteu ekinautolu ae lami, moe feilaulau oe meakai, bea moe lolo, i he bogibogi kotoabe, koe feilaulau tutu ia ke fai mau ai be.

¶ 16 Oku behe e Jihova koe Otua; kabau e atu ha mea e he tu‘i ki ha taha i hono gaahi foha, e ma‘u tuku fakaholo ia e hono gaahi foha; e onautolu ia tuku fakaholo.

17 Bea kabau te ne tuku ha mea ki ha taha i he ene kau tamaioeiki, e ma‘u eia ia o a‘u ki he ta‘u oe fakatauataina; ka hoko mai ia e toe ma‘u ia e he tu‘i; ka koe mea kuo ne tuku ki hono gaahi foha e anautolu mau ai be ia.

18 Bea e ikai fakamalohi‘i e he tu‘i ae tofia oe kakai, ke ne kabuji akinautolu mei ho nau tofia; ka te ne tuku ae tofia ki hono gaahi foha mei hono tofia be oona: koeuhi ke oua naa fakamovetevete ae kakai mei ho nau tofia taki taha.

¶ 19 Hili ia naa ne omi au ki he huaga oku tuu i he vee mataba, ki he gaahi botu fale tabu, nae oe kau taulaeiki, aia oku haga ki he botu tokelau: bea vakai, nae i ai ae botu, i hono botu e ua ki luluga.

20 Bea naa ne toki behe kiate au, Koe botu eni e haka ai e he kau taulaeiki, ae feilaulau oe fai hala, moe feilaulau i he agahala, bea e ta‘o ai ae feilaulau oe meakai; koeuhi ke oua naa nau ave ia ki tua, ki he lotoa ki tua, i he tabuaki‘i oe kakai.

21 Hili ia naa ne omi au ki tua, ki he lotoa ki tua, mo ne ave au keu alu ki hono tuliki e fa oe lotoa; bea vakai nae ai ae lotoa jii i hono tuliki kotoabe.

22 I hono tuliki e fa oe lotoa, nae ai ae lotoa jii, koe kiubite e fagofulu hono loloa, bea moe tolugofulu a hono laulahi: bea nae fuofua tatau ae tuliki e fa koia.

23 Bea nae tuu takatakai i ai ae gaahi botu fale ki loto, i hono botu e fa koia, bea nae gaohi takatakai i ai ae gaahi hakaaga mea ki lalo.

24 Bea ne toki behe mai kiate au, Koe gaahi botu ia anautolu oku haka mea, aia e haka ai e he kau tauhi oe fale ae feilaulau ae kakai.