¶ 1 BEA naa ne behe mai kiate au, Foha oe tagata, tuu hake ki ho va‘e, bea teu lea kiate koe.

2 Bea i he ene folofola mai, nae hoko mai ae laumalie kiate au, o ne fokotuu au ki hoku va‘e, beau fanogo kiate ia nae lea kiate au.

3 Bea naa ne behe kiate au, Foha oe tagata oku ou fekau atu koe ki he fonua o Isileli, ki he buleaga agatuu, kuo agatuu kiate au: kuo fai agahala kiate au akinautolu moe nau gaahi tamai, io, o a‘u ki he aho ni.

4 He koe fānau mata fielahi mo loto fefeka akinautolu. Ko au ia oku ou fekau atu koe kiate kinautolu; bea te ke behe kiate kinautolu, Oku behe a Jihova koe Otua.

5 Bea ne ogo e nau loto ke fanogo, be koe nau tae loto ki ai, (he koe fale agatuu akinautolu,) ka te nau ilo nae ai ha balofita iate kinautolu.

¶ 6 Bea ko koe, e foha oe tagata, oua naa ke manavahe kiate kinautolu bea oua naa ke manavahe ki he e nau lea, ne ogo hoo i he akau talatala moe talatalaamoa, bea ke nofo hifo i he lotolotoga oe gaahi sikobio: oua naa ke manavahe ki he e nau lea, bea oua naa ke lilika i he e nau jio: ka koe mooni koe fale agatuu akinautolu.

7 Bea te ke lea aki ekoe a eku gaahi lea kiate kinautolu, be te nau loto ke fanogo ki ai, be te nau tae loto ki ai: he oku lahi aubito e nau agatuu.

8 Ka ko koe, e foha oe tagata, fanogo ki he mea oku ou lea aki kiate koe: Oua naa ke agatuu koe o hage koe fale agatuu na: fakamaga ho gutu bea ke kai aia teu foaki kiate koe.

¶ 9 Bea i he eku jio, vakai, nae fakaha mai kiate au ae nima; bea vakai nae i ai ae takaiga tohi;

10 Bea ne folofolahi ia i hoku ao; bea nae tohi ia i loto bea i tua: bea nae tohi i ai ae tagi, moe mamahi, bea moe malaia.