¶ 1 NAE toe hoko foki ae folofola a Jihova kiate au, o behe,

2 Koeni, e foha oe tagata, ke ke fai ae tagilāulāu koeuhi ko Taia;

3 Bea ke behe ki Taia, Akoe oku tuu taubotu ki tahi, koe fai fakatau ki he kakai mei he gaahi motu lahi, oku behe e Jihova koe Otua; E Taia, akoe kuo ke behe ekoe, Ko au oku ou toulekeleka haohaoa.

4 Oku a‘u atu ho gataaga ki he loto tahi, bea kuo fakasanisani‘i koe ke haohaoa e hoo kau tufuga.

5 Kuo nau fa‘u ho gaahi vaka mei he gaahi akau koe fea mei Sina: kuo nau taaga mei he gaahi sita o Lebanoni ke gaohi ae gaahi fanā kiate koe.

6 Nae gaohi mei he oke o Besani hoo gaahi fohe tauaalo; nae gaohi hoo gaahi hekaaga aki ae lei nae omi mei he gaahi motu o Kitimi.

7 Naa ke fuka aki ae tubenu lelei nae tuitui fakasanisani mei Ijibite; koe tubenu bauhiuhi moe kulaahoaho mei he otu motu o Ilisa koia naa ke kofu aki koe.

8 Koe kakai o Saitone mo Avate ko hoo kau toutai akinautolu; bea ko hoo kakai boto iate koe, E Taia, koe kau fakahao vaka akinautolu.

9 Koe kakai mātua o Kebale mo hono kau boto koe tufuga fou vaka akinautolu: bea nae iate koe ae vaka mei he tahi kotoabe mo ho nau kakai, ko hoo kau fai fakatau akinautolu.

10 Ko hoo gaahi matatau koe kakai ia mei Beasia bea mo Soti bea mo Futi, ko hoo kau to‘a akinautolu; naa nau tautau iate koe ae ba bea moe tatā ki he tau; naa nau fakatubu ogoogolelei kiate koe.

11 Nae kau taha mo hoo kau tau i hoo gaahi a ae kakai o Avate; bea nae i ho gaahi fale leo maoluga ae kau Kamatini, naa nau tautau takatakai be e nau gaahi ba i he gaahi a; kuo nau fakahaohaoa ekinautolu ho toulekeleka.

12 Nae fakatau meiate koe e Tasisi, koe mea i he lahi o hoo koloa kehekehe: naa nau fakatau i hoo gaahi fakatauaga i he siliva, moe ukamea, moe tini, bea moe bulu.

13 Ko hoo kau fakatau a Javani, mo Tubale, bea mo Meseke, naa nau fakatau tagata, bea moe gaahi ibu balasa i hoo fakatauaga.

14 Nae fakatau ae hose moe kau heka hose, bea moe miuli, ekinautolu mei he fale o Tokalama.

15 Ko hoo kau fakatau ae kakai mei Tetani; nae fakatau mei ho nima ae gaahi motu lahi; naa nau omi mea ofa kiate koe, koe lei moe eboni.

16 Nae fakatau meiate koe a Silia, koeuhi nae lahi ae mea nae gaohi iate koe; naa nau fakatau aki ekinautolu ae maka koloa, moe kulaahoaho, moe tuitui fakasanisani, moe tubenu lelei, moe feo moe maka kikila.

17 Ko Juta, moe fonua o Isileli ko hoo kau fakatau akinautolu: naa nau fakatau aki ae uite, moe mula nanamu, moe hana, moe honi, moe lolo, bea moe bame.

18 Nae fakatau a Tamasikusi iate koe, koeuhi koe lahi ae mea nae gaohi iate koe, moe lahi aubito a hoo koloa; i he uaine o Helibone, bea moe fulufulu‘i sibi hinehina.

19 Nae fealuaki foki i ho gaahi fakatauaga a Tani, bea mo Javani: nae fakatau iate koe ae ukamea gigila, moe sinamoni, moe akau namu kakala.

20 Nae fakatau iate koe e Tetani ae gaahi kofu mahuiga ki he jaliote.

21 Nae fakatau iate koe e Alebea, moe gaahi eiki o Keta, ae faga lami, moe faga sibi tagata bea moe faga koji: koe nau mea fakatau anautolu ia.

22 Koe kau fakatau o Siba mo Laama, ko hoo kau fakatau akinautolu: naa nau fakatau iate koe ae gaahi akau namu kakala mahuiga, moe gaahi maka koloa, bea moe koula.

23 Ko hoo kau fakatau a Halani, mo Kane, mo Iteni, moe kakai fakatau mei Siba, mo Asilia, bea mo Kilimati.

24 Ko hoo kau fakatau akinautolu ni i he gaahi koloa kehekehe, i he tubenu bauhiuhi, moe tuitui fakasanisani, moe gaahi buha kofu lelei nae ha‘i aki ae afo, nae fau mei he sita, nae kau ki hoo mea fakatau.

25 Nae taaga aki koe e he gaahi folau mei Tasisi i ho botu fakatau: bea nae fakakoloa‘i koe, bea nae gaohi koe ke ke nāunāuia aubito i he gaahi botu tahi koia.

¶ 26 Kuo ave koe e hoo kau tauaalo ki he gaahi vai lahi: kuo maumau‘i koe i loto tahi e he matagi hahake.

27 Bea ko hoo koloa, mo ho fakatauaga, mo hoo mea fakatau, ko hoo kau toutai mo hoo kau fakahao vaka, moe kakai fou vaka, moe kau fakatau iate koe, mo hoo kau tau kotoabe oku iate koe, bea moe kakai kotoabe oku i ho lotolotoga, te nau galo ki loto tahi i he aho e fakaauha ai koe.

28 E galulu ae gaahi beau i he ba mai ae tagi a hoo kau fakahao vaka.

29 Bea e hifo mei ho nau vaka akinautolu oku tauaalo, moe kau toutai, moe kau fakahao vaka kotoabe i he tahi, bea te nau tuuuta ai;

30 Bea te nau hiki ho nau le‘o ke ogo atu kiate koe, bea te nau tagi mamahi, bea te nau li hake ae efu ki ho nau ulu, bea te nau oloolo‘i akinautolu i he efuefu:

31 Bea te nau fakatelefua aubito akinautolu koeuhi ko koe, mo nau ai ae tauagaa, bea te nau tagi koeuhi ko koe i he mamahi o ho nau loto, bea fai moe tagilāulāu fakamamahi.

32 Bea i he e nau mamahi, te nau fai ae tagilāulāu koeuhi ko koe, o nau tagi mamahi koeuhi ko koe o behe, Koe kolo fe oku hage ko Taia, kuo maumau‘i i he loto tahi?

33 Naa ke fakamahu ae kakai toko lahi i he gaahi mea nae fetuku meiate koe ki he gaahi botu tahi; naa ke fakakoloa ae gaahi tu‘i o mamani, i he lahi o koo koloa mo hoo mea fakatau.

34 I he aho koia e maumau‘i koe e he gaahi beau i he loloto oe gaahi vai, e higa ai mo koe a hoo koloa mo hoo kakai kotoabe.

35 E ofo iate koe ae kakai kotoabe i he gaahi otu motu, bea e manavahe lahi ho nau kau bule, te nau mata kehe i he e nau bubutuu.

36 E fakaiseisa ae kau fakatau koloaia i he kakai kiate koe: te ke hoko koe koe mea fakaulia; bea e ikai te ke toe i ai o taegata.