¶ 1 BEA nae hoko mai ae folofola a Jihova, o behe,

2 Foha oe tagata, kikite ki he kau kikite o Isileli oku kikite, bea ke behe ekoe kiate kinautolu oku kikite mei ho nau loto onautolu be, Mou fanogo akimoutolu ki he folofola a Jihova.

3 Oku behe e Jihova koe Otua; Malaia ki he kau kikite vale, aia kuo muimui ki ho nau laumalie onautolu be, ka oku ikai ke mamata ki ha mea!

4 E Isileli oku tatau hoo kau kikite moe faga fokisi i he toafa.

5 Oku ikai te mou alu hake ki he gaahi ava, be gaohi ae a ki he fale o Isileli, koeuhi ke tuu mau ai i he tau i he aho o Jihova.

6 Kuo nau mamata ki he vaiga moe kikite loi, i he e nau behe, Oku behe e Jihova: ka nae ikai fekau akinautolu e Jihova: bea kuo nau fakaamanaki ae niihi ki he fakamooni oe nau lea.

7 Ikai kuo mou mamata ki he mea ha mai oku vaiga, bea ikai kuo mou lea aki ae kikite loi i hoo mou behe, Oku behe e Jihova; kae oji oku ikai teu lea au?

8 Koia oku behe e Jihova koe Otua; Koeuhi kuo mou lea aki ae vaiga, mo mamata ki he loi, koia, vakai, ko au ia e fai mo kimoutolu, oku behe e Jihova koe Otua.

9 Bea e to hoku nima ki he kau kikite oku mamata ki he vaiga, mo nau kikite loi: e ikai te nau kau i he fakataha o hoku kakai, bea e ikai tohi akinautolu i he tohi oe fale o Isileli; bea e ikai te nau hu ki he fonua o Isileli; he te mou ilo ko au, ko Jihova, koe Otua.

10 Koeuhi, io, koeuhi kuo nau kākā‘i a hoku kakai, i he e nau behe, Fiemalie; ka oku ikai ha fiemalie; bea nae laga hake e he toko taha ae a, bea vakai nae laku ki ai ae lahe taebibiki e he niihi kehe.

11 Tala kiate kinautolu oku laku ki ai ae lahe taebibiki, e higa ia: e ai ae uha lahi; bea e to hifo akimoutolu, ae gaahi maka lahi oe uha fefeka; bea e hae ia e he matagi malohi.

12 Vakai oka higa ae a, ikai e behe ai kiate kimoutolu, Kofaia ae laku lahe aia naa mou fai?

13 Koia oku behe e Jihova koe Otua; io, ko au teu hae ia aki ae matagi malohi i he eku houhau lahi: bea koe mea i he eku ita e i ai ae uha lahi, bea moe uha maka ke fakaojioji ia i he eku houhau lahi.

14 E behe a eku maumau‘i ki lalo ae a aia kuo mou laku ai ae lahe taebibiki, bea e holoki hifo ia ki he kelekele; io, naa mo hono tuuga e ha ia, bea e higa ia, bea e fakaauha akimoutolu i loto i ai: bea te mou ilo ko Jihova au.

15 E behe a eku fakahoko eku houhau ki he a, mo kinautolu kuo laku ki ai ae lahe taebibiki, bea teu behe kiate kimoutolu, Kuo ikai ae a, be ko kinautolu naa nau laku ki ai;

16 Ae kau kikite o Isileli, oku kikite ki Jelusalema, bea oku mamata ki he mea ha mai oe fakamelino kiate ia, ka oku ikai ha melino; oku behe e Jihova koe Otua.

¶ 17 Koeni foki, akoe, foha oe tagata, fakahagatonu ho mata ki he gaahi ofefine o hoo kakai, akinautolu oku kikite mei ho nau loto onautolu; bea ke kikite koe kiate kinautolu.

18 Bea ke lea, Oku behe e Jihova koe Otua; Malaia ki he kau fefine oku tuitui ae faakiaga ki he nima kotoabe, mo gaohi ae bulou ki he ulu kehekehe ke tuli ae gaahi laumalie! Te mou tuli koa ae laumalie o hoku kakai, bea te mou fakamoui ae laumalie oku ha‘u kiate kimoutolu?

19 Bea te mou fakalielia‘i au i hoku kakai, koeuhi ko ha falukuga oe baale mo ha koga ma, ke tamate ae laumalie oku ikai totonu ke mate, bea ke fakamoui ae laumalie oku ikai totonu ke moui, i hoo mou loi ki hoku kakai oku fanogo ki he loi?

20 Koia oku behe ai e Jihova koe Otua; Vakai oku ou fehia ki ho mou faakiaga aia oku mou tauhele aki ae gaahi laumalie; bea teu hae ia mei ho mou nima mo tukuage ae gaahi laumalie, io, ae gaahi laumalie oku mou tuli ke tauhele‘i.

21 Teu haehae foki a ho mou bulou mo fakamoui a hoku kakai mei ho mou nima, bea e ikai te nau kei i ho mou nima ke tauhele‘i; bea te mou ilo ko Jihova au.

22 Koeuhi kuo mou fakamamahi‘i ae loto oe maonioni aki ae gaahi loi, aia nae ikai teu fakamamahi; mo fakamalohi ae nima oe agahala ke oua naa foki ia mei hono hala kovi, i hoo mou tala moui ki ai:

23 Koia e ikai te mou toe mamata ki he vaiga, be fai ae kikite: he teu fakamoui a hoku kakai mei ho mou nima: bea te mou ilo ko Jihova au.