¶ 1 NAE toe hoko ae folofola a Jihova kiate au, o behe,

2 Foha oe tagata, fakailo ki Jelusalema a ene gaahi fakalielia,

3 Bea ke lea, Oku behe e Jihova koe Otua ki Jelusalema; Nae fanau‘i bea faele‘i koe i he fonua ko Kenani; ko hoo tamai koe  tagata Amoli, bea ko hoo fa‘e koe  fefine Heti.

4 Bea koeuhi ko ho faele‘i, i he aho nae fanau‘i ai koe nae ikai ta ho uho, bea nae ikai kaukau koe i ha vai, ke fakamolu koe; nae ikai gaohi aki koe ha masima, bea nae ikai aubito fakakofu koe.

5 Nae ikai ha mata ke ofa kiate koe ke fai ae gaahi mea ni kiate koe be manavaofa kiate koe; ka nae li atu koe ki he vao ataatā, ke fakalielia ho jino i he aho nae faele‘i ai koe.

¶ 6 Bea i he eku alu atu kiate koe beau mamata naa ke fakalielia i ho toto be oou, neu behe kiate koe, lolotoga hoo kei bani toto, Ke ke moui; io naa ke kei i ho toto oou, naaku behe ai kiate koe Ke ke moui.

7 Kuou gaohi koe ke ke tubu o hage koe fiji oe goue, bea kuo ke tubu bea hoko koe lahi, bea kuo ke ma‘u ae teuga ki he teuga; kuo hunuki ho huhu, bea kuo tubu ho fulufulu, ka naa ke telefua mo majiva.

8 Bea koeni, i he eku alu atu kiate koe, vakai, koe lolotoga ia a hoo ofa; bea naaku folahi atu kiate koe a hoku kofu mo fakakofu aki a hoo telefua; io, naaku fuakava kiate koe, bea naa ta fefuakavaaki mo koe, oku behe e Jihova koe Otua, bea naaku ma‘u koe maaku.

9 Beau toki kaukau koe aki ae vai, neu fufulu koe ke maa aubito mei he toto, bea naaku tākai koe aki ae lolo.

10 Naaku fakakofu aki koe ae tuitui fakasanisani, beau fakatobuva‘e aki koe ae kili‘i baja; beau fakavala aki koe ae tubenu lelei, bea naaku ufiufi koe aki ae silika.

11 Naaku ai foki kiate koe ae gaahi mea teuga, bea naaku ai ae vesa ki ho nima, moe kahoa ki ho kia.

12 Bea naaku ai ae maka mahuiga i ho foi la‘e, moe mama i ho teliga, moe bale lelei ki ho ulu.

13 Nae behe ae teuteu aki koe ae koula moe siliva; nae kofu aki koe ae tubenu lelei moe silika, moe tuitui fakasanisani; naa ke kai i he mahoaa lelei, moe honi, moe lolo: bea naa ke hoihoifua aubito bea naa ke tubu lelei o hoko koe buleaga.

14 Nae mafola atu ho ogoogolelei ki he hiteni koe mea i ho hoihoifua, he nae haohaoa ia, koe mea i he eku lelei aia naaku ai e au kiate koe, oku behe e Jihova koe Otua.

¶ 15 Ka naa ke falala koe ki ho hoihoifua, bea naa ke fai feauaki, koe mea i ho ogoogo, naa ke fai hoo feauaki kiate ia kotoabe nae aluage; nae aana be ia.

16 Bea naa ke too ho gaahi kofu bea ne ke teuteu aki ia ho gaahi botu maoluga i he mea bule kehekehe, bea naa ke fai feauaki i ai: bea e ikai toe hoko ha mea behe; e ikai aubito behe.

17 Bea kuo ke too ae gaahi teuga lelei o eku koula mo eku siliva, aia naaku foaki kiate koe, mo ke gaohi kiate koe ae gaahi fakatātā oe tagata, bea kuo ke fai agahala moia.

18 Kuo ke fakakofu aki akinautolu ho gaahi kofu fakasanisani: bea kuo ke tuku i ho nau ao a eku lolo moe mea namu kakala aaku.

19 Ko eku mea kai foki, aia naaku foaki kiate koe, ae mahoaa lelei, moe lolo moe honi, naaku fafaga aki koe, naa moia kuo ke tuku i ho nau ao, koe mea namu kakala. Oku behe e Jihova koe Otua, nae behe a hono fai.

20 Kuo ke too foki hoo gaahi tama mo hoo gaahi taahine aia kuo ke fanau‘i kiate au, bea kuo ke feilaulau aki akinautolu ke nau auha. Koe mea jii koa eni, a hoo feauaki?

21 Kae umaa a hoo tamatei‘ eku fānau, mo ke tuku akinautolu ke alu atu  i he afi maa nautolu?

22 Bea i hoo gaahi fakalielia kotoabe mo hoo feauaki kotoabe oku ikai te ke manatu ki he gaahi aho o hoo kei jii, aia naa ke telefua mo majiva ai, bea ke fakalielia i ho toto be oou.

23 Bea nae hoko o behe, i he ene hili kotoabe a hoo fai kovi, (Malaia, malaia kiate koe! Oku behe e Jihova koe Otua;)

24 Kuo ke laga moou ae fale feauaki mo ke gaohi kiate koe ae botu maoluga i he hala kotoabe.

25 Kuo ke laga ho fale feauaki i he tefito hala kotoabe bea kuo ke gaohi ho hoihoifua koe fehianekina, mo ke fakaava ho va‘e kiate ia kotoabe nae aluage mo ke fakalahi be ki hoo feauaki.

26 Kuo ke fai agahala foki mo ho kauga nofoaga, koe kakai Ijibite oku jino lalahi: bea kuo ke fakalahi ki hoo feauaki, koe fakatubu ita kiate au.

27 Koia, vakai, kuou mafao atu hoku nima kiate koe, beau fakajiijii hoo mea kai, mo tukuage koe ki he faiteliha anautolu oku fehia kiate koe, ae gaahi ofefine oe kau Filisitia, he oku nau ma i hoo faiaga fakalielia.

28 Kuo ke fai agahala foki moe kakai Asilia, he nae ikai te ke faa fiu; io, kuo ke fai agahala mo kinautolu, ka nae ikai te ke tobono ai.

29 Kuo ke fakalahi foki a hoo feauaki i he fonua ko Kenani o a‘u ki Kalitia; ka naa moia nae ikai te ke fiu ai.

30 Oiaue! ae vaivai ho loto, Oku behe e Jihova koe Otua, he kuo ke fai eni kotoabe, koe gaue ae fefine faa feauak mo fakamofutofuta;

31 Bea koe mea i hoo laga ha fale feauaki i he tefito hala kotoabe, bea gaohi ho botu maoluga i he hala kotoabe, bea oku ikai te ke tatau moe fefine feauaki koe mea i hoo fehia ki he totogi;

32 Kae hage koe unoho oku tonotagata oku ma‘u ae kakai kehe koe fetogi a hono unoho!

33 Oku foaki totogi ki he kau fefine feauaki kotoabe; ka ko koe kuo ke foaki mea ofa ki ho kau mamana kotoabe, bea ke totogi kiate kinautolu, ke nau ha‘u kiate koe mei he botu kotoabe ki hoo feauaki.

34 Bea oku ke fai kehe koe i hoo fai agahala moe fefine kehe, koeuhi oku ikai muimui ha niihi kiate koe ke fai ae agahala; bea koe mea i hoo fai ekoe ae totogi, ka oku ikai ha totogi e fai kiate koe, koia oku ke kehe ai.

¶ 35 Koia, e fefine feauaki, fanogo ki he folofola a Jihova.

36 Oku behe e Jihova koe Otua; koeuhi nae liligi atu hoo fakalielia, bea fakaha hoo telefua, i hoo fai agahala mo ho kau mamana, moe gaahi tamabua o hoo fakalielia, bea moe toto o hoo fānau aia naa ke tuku kiate kinautolu:

37 Vakai, koia foki teu tanaki ai ho kau mamana kotoabe, akinautolu kuo ke fakafiefia ai koe, mo kinautolu kotoabe kuo ke ofa ki ai, fakataha mo kinautolu kotoabe kuo ke fehia ki ai; io, teu tanaki fakataha akinautolu kiate koe, bea teu fakaha hoo telefua kiate kinautolu koeuhi ke nau mamata ki hoo telefua kotoabe.

38 Bea teu fakamāu‘i koe, o tatau moe fakamāu ki he kau fefine oku maumau ae fakamau unoho mo liligi ae toto: bea teu fakainu aki koe ae toto i he eku houhau mo eku fuaa.

39 Bea teu tukuage koe foki ki ho nau nima, bea te nau holoki hifo ho fale ogoogo, o maumau‘i ki lalo ho gaahi botu maoluga: bea te nau haehae foki meiate koe ho gaahi kofu, mo nau ave hoo gaahi mea teuga, bea te nau fakatelefua‘i mo fakamajiva‘i koe.

40 Bea te nau omi moe niihi kiate koe, bea te nau lijigi koe aki ae maka, bea tui aki koe e nau heleta ke aji.

41 Bea te nau tūgia ho gaahi fale, mo nau fai ae tautea kiate koe i he ao oe kau fefine toko lahi: teu gaohi koe ke ke tuku hoo feauaki, bea e ikai aubito te ke toe fai ha totogi.

42 Koia ia e lolou ai a hoku houhau kiate koe, bea e hiki hoku fuaa meiate koe, bea teu fiemalie, bea e ikai teu toe ita.

43 Koeuhi oku ikai te ke manatu‘i ae gaahi aho o hoo kei jii, ka kuo ke fakamatalili‘i au i he gaahi mea ni kotoabe, koia, vakai, teu fakahoko ki ho tumuaki hono nunua o hoo faiaga, oku behe e Jihova koe Otua: bea e ikai te ke fakalahi aki hoo gaahi fakalielia kotoabe a hoo fai ae fakalielia ko eni.

¶ 44 Vakai, ko kinautolu kotoabe oku faa lea aki ae fakatātā te nau lea fakatātā kiate koe o behe, O hage koe fa‘e, oku behe be ene taahine.

45 Koe taahine koe a hoo fa‘e, aia oku fehia ki hono unoho mo ene fanāu; bea koe tehina koe o ho gaahi tokoua, akinautolu nae fehia ki ho nau unoho moe nau fānau: ko hoo fa‘e koe  fefine Heti, bea ko hoo tamai koe  tagata Amoli ia.

46 Bea ko ho taokete ko Samelia ia, aia mo ene fānau fefine, oku nofo i ho nima toohema: bea ko ho tehina, aia oku nofo i ho nima toomatau, ko Sotoma ia mo ene fānau fefine.

47 Ka nae ikai te ke eveeva koe i ho nau hala, be fai o hage koe nau gaahi fakalielia: kae hage nae jii aubito haa nautolu, ka kuo ke fai fakalielia lahi hake aubito koe iate kinautolu, i hoo aga kotoabe.

48 Oku behe e Jihova koe Otua, o hage oku ou moui, nae ikai fai e ho tehina ko Sotoma, aia, be ko ene fānau fefine, o tatau moia kuo ke fai ekoe, akoe, mo hoo kau taahine.

49 Vakai, koe fai hala eni a ho tehina ko Sotoma, koe fielahi, moe fagabeji, moe fakabikobiko lahi, nae iate ia mo ene fānau fefine, bea nae ikai tokoni eia ki he nima oe majiva moe baea.

50 Bea naa nau fielahi, mo nau fai fakalielia i hoku ao; koia naaku faiteliha be au o ave ai akinautolu.

51 Bea naa mo Samelia, oku ikai te ne fai hala eia ke tatau moe vaeua haau; he kuo ke fakatubu hoo gaahi fakalielia ke lahi hake iate kinautolu, bea kuo tonuhiaage iate koe, a ho gaahi tokoua, i hoo gaahi fakalielia, aia kuo ke fai ekoe.

52 Akoe foki, kuo ke fakaaga ki ho gaahi tokoua, fua be ekoe, a hoo ma aau, i hoo gaahi agahala kuo ke fai fakalielia lahi ai iate kinautolu: oku nau maonioni hake iate koe: io, ke ke bubutuu koe, bea ke fua hoo ma, koe mea i hoo fakatonuhia‘i ho gaahi tokoua.

53 O kau ka toe omi mei he bobula, ae kau bobula o Sotoma mo ene fānau fefine, moe bobula o Samelia mo ene fānau fefine aana, teu toki omi ae bobula i hoo kau bobula ki ho nau lotolotoga:

54 Koeuhi ke ke fua ekoe be a hoo ma, bea ke bubutuu i he mea kotoabe kuo ke fai, koeuhi ko hoo fakafiemalie‘i akinautolu.

55 Oka toe liliu mai a Sotoma mo ene fānau fefine ki he e nau nofo mua, bea liliu a Samelia mo ene fānau fefine ki he e nau muaki nofo, e toki liliu ai koe mo hoo fānau fefine ki hoo mou nofo mua amoutolu.

56 He nae ikai te ke meimei lea aki mei ho gutu, a ho taokete ko Samelia, i he aho o hoo fielahi,

57 I he heeki ai fakaha hoo agakovi, i he gaahi aho nae manuki‘i ai koe e he gaahi ofefine o Silia mo kinautolu oku nofo vaofi moia, ae gaahi ofefine oe kau Filisitia, aia oku manuki fano be kiate koe.

58 Kuo ke fua hoo holi kovi mo hoo gaahi fakalielia, oku behe e Jihova.

59 He oku behe e Jihova koe Otua; Teu fai kiate koe o hage koia kuo ke fai, akoe, kuo ke manuki ki he e ta tuki, mo ke maumau‘i ae fuakava.

60 Ka ne ogo ia teu manatu e au, a eku fuakava mo koe i he aho o hoo kei jii, bea teu fokotuu kiate koe ha fuakava e ikai gata.

61 Bea te ke toki manatu ki hoo faiaga kotoabe, bea te ke ma, oka ke ka ma‘u ho gaahi tokoua, a ho taokete mo ho gaahi tehina: bea teu foaki akinautolu kiate koe, ke ke ofefine aki, ka e ikai i hoo fuakava aau.

62 Bea teu fokotuu a eku fuakava mo koe, bea te ke ilo ko Jihova au.

63 Koeuhi ke ke manatu ai, mo ke bubutuu, bea e ikai aubito te ke toe mafaa ho gutu koeuhi ko hoo ma, o kau ka toe fiemalie kiate koe i he mea kotoabe kuo ke fai, oku behe e Jihova, koe Otua.