¶ 1 BEA nae hoko mai ae folofola a Jihova kiate au, o behe,

2 Foha oe tagata, fai atu ae lea fakabulibuli, bea ke lea aki ae fakatātā ki he fale o Isileli;

3 Bea ke lea, Oku behe e Jihova, koe Otua; Nae ha‘u ki Lebanoni ae fuu ikale lahi, nae kabakau lalahi mo loloa, bea fonu i he fulufulu bule igoigo kehekehe, bea naa ne heka ki he vaa sita nae taubotu ki oluga.

4 Naa ne feji‘i ae lito o hono gaahi vaa toki tubu, o ne ave ia ki he fonua faa fakatau; naa ne tuku ia i he lotolotoga oe kolo ae kau fakatau.

5 Naa ne ave foki ae tega mei he fonua o to ia i he botu kelekele moui; naa ne ai ia ki he vee vai lahi, o ne to ia o hage koe akau koe uilo.

6 Bea nae tubu ia o hoko koe vaine bukubuku ka nae holoholofa i lalo, bea haga hono gaahi vaa kiate ia, bea alu i lalo iate ia hono gaahi aka: koia nae hoko ai ia koe vaine, bea nae tubu hono gaahi vaa, bea tubu mai hono moto.

7 Nae i ai foki ae ikale lahi e taha, nae kabakau lalahi, bea lahi mo hono fulufulu: bea vakai nae mabee atu ae aka oe vaine ko eni kiate ia, bea tubu hono gaahi vaa o haga kiate ia, koeuhi ke ne fakaviviku ia mei he tafeaga vai i hono goueaga.

8 Nae to ia ki he kelekele lelei i he vee vai lahi, koeuhi kae tubu ai hono gaahi vaa, bea tubu mo hono fua, bea hoko ia koe vaine lelei.

9 Ka ke lea ekoe, Oku behe e Jihova koe Otua; He e tubu lelei ia? ikai e taaki hake eia hono aka, mo ne motumotuhi hono fua koeuhi ke mae ai ia? E mae kotoabe ae tubu o hono lau, ka e ikai ha fai fakamalohi ki ai, be toko lahi ha kakai ki hono taaki hake a hono gaahi aka.

10 Io, vakai, kuo to, ka te ne tubu? E ikai, e matuaki mae oka maili ki ai ae matagi hahake. E mae ia i he gaahi luo aia nae tubu hake ai.

11 Nae hoko foki ae folofola a Jihova kiate au, o behe,

12 Koeni, tala ki he fale agatuu, Oku ikai te mou ilo hono uhiga oe gaahi mea ni? Fakaha kiate kinautolu, Vakai kuo ha‘u ae tu‘i o Babilone ki Jelusalema bea kuo ne ave hono tu‘i, mo hono houeiki, mo ne tataki akinautolu ki Babilone mo ia;

13 Bea kuo ne ave ae hako oe tu‘i, bea kuo na fefuakavaaki mo ia; bea kuo ne ave foki mo kinautolu oku malohi i he fonua.

14 Koeuhi ke holoki ki lalo ae buleaga, bea ke oua naa hakeaki‘i ia iate ia be, ka koeuhi ke fokotuu ia i he fai a ene fuakava aana.

15 Ka nae agatuu ia kiate ia, koe mea i he ene ave ae kau talafekau ki Ijibite, koeuhi ke nau omi mei ai ae faga hose moe kakai toko lahi. E monuia ia? e hao ia aia oku fai ae mea behe? be te ne maumau ae fuakava bea hao?

16 Oku behe e Jihova koe Otua, o hage oku ou moui, i he botu oku nofo ai ae tu‘i koia aia nae fakanofo ia koe tu‘i, ka naa ne manuki‘i e na tuki, mo maumau‘i e na fuakava, io e mate ia i he lotolotoga o Babilone mo ia.

17 Bea e ikai kau mo ia i he tau a Felo mo ene kau tau malohi, be ha toko lahi, i he tanu buke moe laga kolo, ke tamate‘i ha toko lahi;

18 Koeuhi naa ne manuki ae tuki i he ene maumau‘i ae fuakava, kae vakai, naa na febukeaki nima, bea kuo ne fai ae gaahi mea ni, e ikai aubito te ne hao.

19 Koia oku behe ai e Jihova koe Otua; hage oku ou moui, ko eku tuki, aia kuo ne manuki ki ai, bea ko eku fuakava kuo ne maumau‘i, teu totogi ia kiate ia i hono tumuaki.

20 Bea teu lafo hoku kubega kiate ia, bea e moua ia i he eku tauhele, bea teu omi ia ki Babilone, bea te ma fai ai moia i he ene hia kuo ne fai kovi ai kiate au.

21 Bea koe kau hola kotoabe mei ai, mo hono matatau kotoabe, e teia aki ae heleta, bea ko hono toe e viligia atu ki he feituu matagi kotoabe: bea te mou ilo ko au, ko Jihova, kuo folofola ki ai.

¶ 22 Oku behe e Jihova koe Otua; teu too foki ae vaa oku taubotu ki oluga i he sita maoluga, bea teu to ia; teu feji‘i mei oluga, mei hono vaa toki tubu, ae vaa oku kei vaivai, bea e to ia i he mouga maoluga mo ogoogo:

23 Teu to ia i he mouga maoluga o Isileli: bea e tubu hono gaahi vaa, bea e fua ia, bea hoko koe sita lelei: bea e nofo i lalo i ai ae manu buna i he faahiga kehekehe kotoabe: e nofo akinautolu i he malumalu o hono gaahi vaa.

24 Bea e ilo e he akau kotoabe oe vao, ko au ko Jihova, kuou tulaki ki lalo ae akau maoluga, bea kuou fokotuu ki oluga ae akau maulalo, kuou fakamae ae akau nae mauiui, beau gaohi ke tubu lelei ae akau nae momoa; ko au, ko Jihova kuo folofola, bea ko au kuo fai ki ai.