¶ 1 NAE toe hoko foki ae folofola a Jihova kiate au, o behe,

2 Foha oe tagata, ke ke lea ki he tu‘i o Taia, Oku behe e Jihova koe Otua; Koeuhi kuo hiki hake ho loto, bea kuo ke behe, koe otua au, oku ou nofo i he nofoaga oe Otua, i he loto tahi; ka koe tagata be akoe, ka oku ikai koe Otua, ne ogo hoo ai ho loto ke ke hage koe Otua:

3 Vakai, oku ke boto hake ia Taniela; oku ikai ha mea lilo te nau faa fufu meiate koe:

4 Koe mea i hoo boto mo hoo faa ilo, kuo ke ma‘u ekoe ae koloa lahi, bea kuo ke tanaki ae koula moe siliva, ki he tukuaga koloa:

5 Koe mea i he lahi o hoo boto, bea mo hoo faa fakatau, kuo ke fakalahi ai a hoo koloa, bea kuo hiki hake ho loto koeuhi ko hoo koloaia.

6 Koia oku behe e Jihova koe Otua; koeuhi kuo ke ai ho loto ke ke hage ko ha Otua;

7 Vakai, koia teu omi ai kiate koe ae kau muli, ae kau malohi mei he gaahi buleaga: bea te nau toho e nau heleta ki he toulekeleka o hoo boto, bea ta nau fakauli‘i hoo gigila.

8 Te nau fakahifo koe ki lalo ki he luo, bea te ke mate i he mateaga onautolu oku mate tamate‘a i loto tahi.

9 Ikai te ke behe be i he ao oia te ne tamate‘i koe, Koe Otua au? Ka koe tagata be koe, ka e ikai te ke Otua, i he nima oia te ne tamate‘i koe.

10 Te ke mate i he mateaga o ha taha taekamu, i he nima oe kau muli: he oku behe e Jihova koe Otua, ko au ia, kuo lea ki ai.

¶ 11 Nae hoko foki ae folofola a Jihova kiate au, o behe,

12 Foha oe tagata, ke ke tagilāulāu koeuhi koe tu‘i o Taia, bea ke behe ki ai, Oku behe e Jihova koe Otua; kuo ke gaohi ho fakatātā i he boto moe toulekeleka haohaoa.

13 Kuo ke i Iteni koe goue ae Otua; nae uufi aki koe ae maka koloa kotoabe, ae satiose, moe tobasi, moe taiamoni, moe belili, moe onikisi, moe jasiba, moe safaia, moe emalata, moe kabonika, bea moe koula: i he aho nae fanau‘i ai koe, nae teuteu ae teuga o hoo gaahi mea tatagi mo hoo gaahi mea ifi iate koe.

14 Oku ke hage koe koe Jelubi oku fakamalumalu mei oluga; kuou ai koe e au ke ke behe: naa ke i he mouga tabu oe Otua; kuo ke fealuaki i he lotolotoga oe gaahi maka afi.

15 Naa ke haohaoa i ho hala mei ho fanau‘i o a‘u ki he aho nae ilo ai iate koe ae agahala.

16 Koe mea i hono lahi o hoo fai fakatau kuo nau fakabito koe i he fakamalohi, bea kuo ke fai hala: koia ia teu liaki ai koe mei he mouga tabu oe Otua, o hage ko ha taha fakalielia: bea teu fakaauha koe, akoe koe jelubi oku lolofa mai, mei he lotolotoga oe gaahi maka afi.

17 Nae hiki ho loto koe mea i ho toulekeleka, bea kuo ke maumau‘i hoo boto koe mea i ho nāunāuia: teu li hifo koe ki he kelekele, teu fakatokilalo koe i he ao oe gaahi tu‘i, koeuhi ke nau mamata kiate koe.

18 Kuo ke fakalielia‘i ho gaahi fale tabu i he lahi o hoo fai hala, moe kovi a hoo fai fakatau; koia teu omi ae afi mei loto iate koe, bea te ne fakaaauha koe, teu liliu koe koe efuefu i he fuga o mamani i he ao onautolu kotoabe oku jiofia koe.

19 E ofo kiate koe akinautolu kotoabe i he kakai oku ilo‘i koe: te ke hoko koe mea fakailifia, bea e ikai te ke kei i ai o taegata.

¶ 20 Nae toe hoko foki ae folofola a Jihova kiate au, o behe,

21 Foha oe tagata, fakahaga ho mata ki Saitone, bea ke kikite ki ai,

22 Bea ke lea, Oku behe e Jihova koe Otua; Vakai, E Saitone, oku ou tuu au kiate koe; bea e fakaogoogolelei‘i au iate koe, bea te nau ilo ko au ko Jihova, o kau ka fai ae fakamāu kiate ia, bea ka fakamaonioni‘i au iate ia.

23 He teu fekau atu kiate ia ae mahaki fakaauha, bea e tafe ae toto i hono gaahi hala; bea e tautea aki ae heleta i hono lotolotoga, bea mei he botu kotoabe, akinautolu kuo lavea; bea te nau ilo ai ko Jihova au.

24 Bea e ikai kei i ai ha tolounua ki he fale o Isileli, be ha tala‘i akau fakamamahi iate kinautolu kotoabe oku nofo takatakai iate ia, akinautolu nae manuki kiate ia; bea te nau ilo au, ko au ko Jihova koe Otua.

25 Oku behe e Jihova koe Otua; o kau ka tanaki mai ae fale o Isileli, mei he kakai kuo nau movetevete atu ki ai, bea ka fakamaonioni‘i au i he ao oe hiteni, te nau toki nofo ki ho nau fonua, aia naaku foaki ki he eku tamaioeiki ko Jekobe.

26 Bea te nau nofo lelei be i ai, bea te nau laga fale, bea to goue vaine; io, te nau nofo fiemalie, o kau ka fai e au ae tautea kiate kinautolu oku manuki‘i akinautolu, akinautolu oku nofo takatakai i ai; bea te nau ilo au, ko Jihova ko ho nau Otua.