¶ 1 BEA nae hoko mai ae folofola a Jihova kiate au, o behe,

2 Foha oe tagata, kikite ki he kau tauhi o Isileli, kikite, bea ke behe kiate kinautolu, Oku behe e Jihova koe Otua, ki he gaahi tauhi; Malaia ki he kau tauhi o Isileli, oku nau fafaga be akinautolu! ikai oku totonu ke fafaga e he tauhi a ene faga sibi?

3 Oku kai ekimoutolu ae gako, bea oku mou kofu aki ae fulufulu‘i sibi, oku mou tamate‘i ia aia oku jino, ka oku ikai te mou fafaga ae faga sibi.

4 Nae ikai te mou fakamalohi ae vaivai, bea nae ikai te mou faitoo ki he mahaki, be te mou nonoo aia nae mafeji, be te mou toe kumi mai aia nae fakahe‘i, be te mou kumi aia nae mole, ka kuo mou bule malohi mo fai fakamamahi ki ai.

5 Bea nae fakahe‘i akinautolu, koeuhi i he ikai ha tauhi: bea naa nau hoko koe mea kai ki he faga manu fekai kotoabe oe vao, i he e nau movetevete.

6 Nae alu hehe be a eku faga sibi i he gaahi mouga kotoabe, bea i he gaahi botu maoluga kotoabe: io, nae fakahe‘i eku faga sibi ki he fuga o mamani kotoabe, bea nae ikai hakule be kumi ki ai ha taha.

¶ 7 Koia, E kau tauhi, fanogo ki he folofola a Jihova.

8 Oku behe e Jihova koe Otua, ko au oku ou moui, bea koe mooni, koeuhi kuo hoko a eku faga sibi koe fakamalohia, bea kuo hoko ia koe mea kai ki he faga manu kotoabe oe vao, koeuhi nae ikai ha tauhi, bea nae ikai kumi e he eku kau tauhi ki he eku faga sibi, bea nae kai be e he eku kau tauhi, ka nae ikai te nau fafaga a eku faga sibi;

9 Koia, akimoutolu ae kau tauhi, fanogo ki he folofola a Jihova;

10 Oku behe e Jihova koe Otua; Vakai, oku ou tuu au ki he kau tauhi: bea teu eke a eku faga sibi mei ho nau nima bea teu fekau ke tuku e nau fafaga ae faga sibi: bea e ikai toe kai e he kau tauhi iate kinautolu; he teu fakamoui eku faga sibi mei ho nau gutu, ke oua naa nau kei mea kai aki akinautolu.

¶ 11 He oku behe e Jihova koe Otua; Vakai ko au, io ko au, teu hakule a eku faga sibi, mo kumi ki ai.

12 O hage koe kumi e he tauhi a ene faga sibi, i he aho oku ne alu atu ai ki he faga sibi kuo movetevete; e behe a eku kumi mai a eku faga sibi, mo eku fakamoui akinautolu mei he botu kotoabe kuo nau he ki ai i he aho alotamaki mo fakaboubouli.

13 Bea teu omi akinautolu mei he kakai, mo tanaki akinautolu mei he gaahi fonua, bea e omi akinautolu ki ho nau fonua onautolu, bea e fafaga akinautolu i he gaahi mouga o Isileli i he vee vaitafe, bea moe gaahi botu kakai oe fonua.

14 Teu fafaga akinautolu i he botu lau mauiui, bea e i he gaahi mouga maoluga o Isileli a ho nau lotoa: te nau tokoto ai i he lotoa lelei, bea te nau kai i he botu lau mauiui i he gaahi mouga o Isileli.

15 Teu fafaga a eku faga sibi, bea teu fakatokoto akinautolu ki lalo, oku behe e Jihova koe Otua.

16 Teu kumi kiate ia nae mole, bea teu toe omi aia nae fakahe‘i atu, teu nonoo aia nae mafeji, bea teu fakamalohi aia nae vaivai: bea teu tamate‘i aia oku jino mo malohi; teu fafaga aki akinautolu ae tautea.

17 Bea koeuhi ko kimoutolu, a eku faga sibi, oku behe e Jihova koe Otua; Vakai teu fili vakavakai ki he manu moe manu, ki he faga sibi tagata, moe faga koji tagata.

18 Koe mea jii koa ia kiate kimoutolu ke mou kai ke oji ae botu lau mauiui, bea mou toe malaki hifo ai i ho mou lalo va‘e a hono toe oe botu oku fafaga ai kimoutolu? bea kuo mou inu mei he gaahi vai loloto, ka ko hono toe kuo mou fakauli‘i aki ho mou va‘e?

19 Bea ko eku faga sibi, oku kai ekinautolu mei he mea kuo mou malaki aki ho mou va‘e; bea oku nau inu mei he mea kuo fakauli‘i aki ho mou va‘e.

¶ 20 Koia oku behe e Jihova koe Otua kiate kinautolu; Vakai, ko au, io ko au, teu fili vakavakai ki he manu oku jino moe manu oku tutue.

21 Koeuhi kuo mou fetuotuai bea kuo mou feteketeke‘i ae kau vaivai aki ho mou nifo bea koia kuo nau he ai ke mamao;

22 Koia ia teu fakamoui ai eku faga sibi, bea e ikai toe tulia akinautolu; bea teu fili vakavakai ki he manu moe manu.

23 Bea teu fokotuu ha tauhi be taha kiate kinautolu, bea te ne fafaga kinautolu, io a eku tamaioeiki ko Tevita: koia ia te ne fafaga akinautolu, bea koia ia te ne tauhi kiate kinautolu.

24 Bea ko au Jihova, teu hoko ko ho nau Otua; bea ko eku tamaioeiki ko Tevita koe eiki iate kinautolu; ko au Jihova, kuou lea ki ai.

25 Bea te nau fai mo au ae fuakava ke melino, bea teu fakaoji ae faga manu fekai mei he fonua; bea te nau nofo lelei be i he toafa, bea nau mohe i he gaahi vao.

26 Bea teu gaohi akinautolu bea moe gaahi botu oku tuu takatakai i hoku mouga, koe monuiaga; bea teu fakato hifo ae uha i hono aho totonu; e ai ae uha lolo oe tabuaki.

27 Bea e tubu mei he akau oe goue a hono fua, bea e tuku mai e he kelekele a hono tubu, bea te nau malu be i ho nau fonua, mo nau ilo ko au ko Jihova, o kau ka motuhi ae nonoo o ho nau haamoga, mo fakamoui akinautolu mei he nima onautolu nae fakamalohia akinautolu.

28 Bea e ikai toe tulia akinautolu e he hiteni, bea e ikai toe keina akinautolu e he faga manu oe fonua; ka e malu be e nau nofo, bea e ikai ha taha te ne faa fakamana‘i akinautolu.

29 Bea teu fakatubu ma anautolu ae akau ke ogoogolelei, bea e ikai te nau toe mate fiekaia i he fonua, bea e ikai te nau toe fua ae ma oe hiteni o taegata.

30 E behe ae nau ilo ko au ko Jihova ko ho nau Otua, oku ou iate kinautolu; bea ko kinautolu, io ae fale o Isileli, ko hoku kakai akinautolu, oku behe e Jihova koe Otua.

31 Bea ko kimoutolu a eku faga sibi, ae faga sibi oku ou tauhi, koe kau tagata akimoutolu, bea ko ho mou Otua au, oku behe e Jihova koe Otua.