¶ 1 KIKITE foki, e foha oe tagata, ki he gaahi mouga o Isileli, bea ke behe, E gaahi mouga o Isileli, fanogo ki he folofola a Jihova:

2 Oku behe e Jihova koe Otua; koeuhi kuo behe e he fili kiate koe, Ehe, ehe, naa moe gaahi botu maoluga talu mei mua kuo amautolu ia:

3 Koia ke ke kikite, mo ke behe, Oku behe e Jihova koe Otua; Koeuhi kuo nau fakalala koe, mo nau fogia hifo koe mei he botu kotoabe, kae ma‘u akimoutolu e he toega hiteni, bea oku lea aki akimoutolu e he gutu faa lau, bea manuki‘i e he kakai;

4 Koia, fanogo e gaahi mouga o Isileli ki he folofola a Jihova koe Otua; oku behe e Jihova koe Otua, ki he gaahi mouga, moe gaahi vaitafe, bea ki he gaahi telea, bea moe gaahi botu lala, moe gaahi kolo kuo jiaki, aia nae hoko koe mea vete moe manukiaga ki he toega hiteni, oku nofo takatakai mai;

5 Koia oku behe e Jihova koe Otua; Koe mooni koe mea i he kakaha o eku fuaa kuou lea ai ki he toega hiteni, bea mo Itomi kotoa, akinautolu kuo nau tuutuuni mo onautolu a hoku fonua i he fiefia a ho nau loto, moe loto fakafajifaji, ke liaki ia ke vetea.

6 Koia, ke ke kikite ai ki he fonua ko Isileli, bea ke behe ki he gaahi mouga, bea moe gaahi tafugofuga, moe gaahi vaitafe, bea ki he gaahi telea, Oku behe e Jihova koe Otua; Vakai, kuou lea i he eku fuaa mo eku tubutamaki, koeuhi kuo mou fua ae ma ae kau hiteni:

7 Koia oku behe ai e Jihova koe Otua, Kuou hiki hake hoku nima, koe mooni e fua be e nau ma e he hiteni, oku ofi kiate kimoutolu.

8 Ka ko kimoutolu, E gaahi mouga o Isileli, e fakatubu ke loloa ho mou gaahi vaa, bea e tuku a ho mou fua ki hoku kakai ko Isileli: he kuo ofi mai e nau ha‘u.

9 He, vakai, oku ou kau mo kimoutolu, bea teu foki mai kiate kimoutolu, bea e keli mo tūtū‘i akimoutolu:

10 Bea teu fakatokolahi hoo mou kakai tagata, ae fale kotoa o Isileli, io a hono katoa: bea e fakakakai ae gaahi kolo, bea e toe laga‘i hake ae gaahi botu lala.

11 Bea teu fakatokolahi ae kau tagata, bea moe faga manu iate kimoutolu: bea te nau tubu ke lahi mo faa fua: bea teu fakanofo akimoutolu o hage koia i mua, bea e lahi hake ae lelei teu fai kiate kimoutolu i hono muaki fai: bea te mou ilo ko Jihova au.

12 Io, teu tuku ae kakai ke eveeva iate koe, a hoku kakai ko Isileli; bea te nau ma‘u koe, bea te ke hoko ko ho nau tofia, bea e ikai te ke toe fakatokojii akinautolu.

13 Oku behe e Jihova koe Otua; Koeuhi oku nau behe kiate kimoutolu, Oku ke maumau‘i kakai, bea kuo ke fakatokojii ho buleaga;

14 Koia e ikai te ke toe maumau tagata, be toe fakatokojii ho buleaga, oku behe e Jihova koe Otua.

15 Bea e ikai teu tuku ke ogo‘i a hoo fakama‘i e he hiteni, be te ke toe fua ae manuki‘i ae kakai, bea e ikai te ke toe fakahiga ki lalo ho buleaga, oku behe e Jihova koe Otua.

¶ 16 Nae hoko foki ae folofola a Jihova kiate au, o behe.

17 Foha oe tagata, i he kei nofo ae fale o Isileli, i ho nau fonua onautolu, naa nau fakalielia‘i ia i he e nau aga anautolu be, moe gaahi mea naa nau fai: nae tatau kiate au e nau aga moe taemaa ha fefine kuo vahe‘i.

18 Koia naaku liligi atu ai hoku houhau kiate kinautolu, koeuhi koe toto naa nau liligi i he fuga fonua, bea koeuhi koe gaahi tamabua naa nau fakauli‘i aki ia:

19 Bea naaku fakahe‘i akinautolu ki he hiteni, bea nae fakamovetevete akinautolu ki he gaahi fonua: naaku fakamāu‘i akinautolu o fakatatau ki he e nau aga, bea tatau moe gaahi mea naa nau fai.

20 Bea i he e nau hoko atu ki he hiteni, aia naa nau alu ki ai, naa nau fakalielia‘i a hoku huafa tabu i he e nau beheage kiate kinautolu, Koe kakai ena a Jihova, bea kuo nau mahui mai mei hono fonua.

21 Ka naaku mamae au ki hoku huafa tabu aia ne fakalielia‘i e he fale o Isileli, i he lotolotoga oe hiteni aia naa nau alu ki ai.

22 Koia, lea ki he fale o Isileli, Oku behe e Jihova koe Otua; Oku ikai teu fai eni koeuhi ko kimoutolu, ka koeuhi ko hoku huafa tabu ooku, aia kuo mou fakalielia‘i i he lotolotoga oe hiteni, aia naa mou alu ki ai.

23 Bea teu fakamaonioni‘i a hoku huafa lahi, aia nae fakalielia‘i i he lotolotoga oe hiteni, aia kuo mou fakalielia‘i iate kinautolu; bea e ilo e he hiteni, ko Jihova au, oku behe e Jihova koe Otua, oka fakamaonioni‘i au ekimoutolu i ho nau ao.

24 He teu too akimoutolu mei he hiteni, bea tanaki akimoutolu mei he fonua kotoabe, mo omi akimoutolu ki ho mou fonua omoutolu.

25 Bea teu toki luluku aki akimoutolu ae vai maa, bea te mou maa: teu fakamaa akimoutolu mei hoo mou fakalielia kotoabe, bea mo ho mou gaahi tamabua.

26 Teu foaki foki ha loto foou kiate kimoutolu, bea teu ai kiate kimoutolu ha laumalie foou; teu too o ave ae loto maka mei ho mou kakano, bea teu foaki kiate kimoutolu ae loto kakanoia.

27 Bea teu tuku ki loto iate kimoutolu a hoku laumalie, bea teu fakaloto‘i akimoutolu ke aeva i he eku gaahi fekau, bea te mou tauhi aia oku ou tuutuuni, bea fai ki ai.

28 Bea te mou nofo i he fonua naaku foaki ki hoo mou gaahi tamai; bea te mou i ai ko hoku kakai, bea teu i ai au ko ho mou Otua.

29 Teu fakamoui foki akimoutolu mei hoo mou taemaa kotoabe: bea teu ui ki he koane, bea teu fakatubu ia ke lahi, bea e ikai tuku ha hoge kiate kimoutolu.

30 Bea teu fakatubu ke lahi ae fua i he akau, moe fua oe kelekele, koeuhi ke oua naa toe manuki aki hoo mou hogea e he kakai hiteni.

31 Bea te mou toki manatu ekimoutolu be ki hoo mou gaahi faiaga kovi, moe gaahi mea naa mou fai nae ikai lelei, bea te mou fehia mate kiate kimoutolu, i ho mou ao be omoutolu, koeuhi ko hoo mou hia, bea mo hoo mou gaahi fakalielia.

32 Ka mou ilo eni, oku behe e Jihova koe Otua, Oku ikai teu fai eni koeuhi ko kimoutolu: E fale o Isileli, mou ma, bea mou bubutuu koeuhi ko hoo mou gaahi faiaga.

33 Oku behe e Jihova koe Otua; I he aho koia teu fakamaa ai akimoutolu mei hoo mou gaahi agahala, teu bule foki ke mou nofo ki he gaahi kolo, bea e toe laga‘i hake ae gaahi botu lala.

34 Bea e toe goue‘i ae fonua ne lala, ne ogo nae tuku jiaki be ia i he ao onautolu kotoabe, nae aluage ai.

35 Bea te nau lea o behe, Koe fonua ni aia ne jiaki, kuo hage eni koe goue o Iteni; bea kuo a‘i bea kuo fakakakai ae gaahi kolo nae liaki mo maumau‘i.

36 Bea e toki ilo ai e he toega hiteni e nofo takatakai iate kimoutolu, ko au ia ko Jihova, oku toe laga ai ae gaahi botu ne maumau‘i, bea toe goue‘i aia nae liaki: ko au ko Jihova kuo lea ki ai, bea ko au teu fai ia.

37 Oku behe e Jihova koe Otua; Ka naa mo eni e kumi au e he fale o Isileli, keu fai ia ma anautolu; bea teu fakatokolahi‘i akinautolu o hage koe tubu ha faga sibi.

38 O hage koe faga sibi maonioni, ae faga sibi i Jelusalema i he gaahi katoaga maonioni i ai; e behe ae fakabito aki ae kakai ae gaahi kolo ne liaki: bea te nau ilo ko Jihova au.