¶ 1 KOIA, foha oe tagata, kikite kia Koki bea ke lea, Oku behe e Jihova koe Otua; Vakai oku ou tuu kiate koe, e Koki, akoe koe eiki lahi o Meseke bea mo Tubale:

2 Bea teu fakafoki koe ki mui, bea ko hono ono be oe vahe iate koe e tuku, bea teu bule ke ke ha‘u koe mei he gaahi botu tokelau, bea teu omi koe ki he gaahi mouga o Isileli:

3 Bea teu fakahomoki hoo kaufana mei ho nima toohema, bea teu fakagagana hoo gaahi gahau mei ho nima toomatau.

4 Te ke higa koe ki lalo i he gaahi mouga o Isileli, akoe, bea mo hoo gaahi matatau, moe kakai oku kau taha mo koe: teu foaki koe ke kai e he faga manu buna i he faahiga kekekehe oku fekai, bea moe faga manu oe vao.

5 Te ke to hifo koe i he ataatā oe fuga kelekele: he oku behe e Jihova koe Otua, ko au kuou lea ki ai.

6 Bea teu tuku atu ha afi ki Mekoki, bea ki he lotolotoga onautolu kotoabe oku nofo fakafiemalie i he gaahi motu; bea te nau ilo ko Jihova au.

7 E behe a eku ai ke iloa a hoku huafa maonioni i he lotolotoga o Isileli; bea e ikai teu tuku ke toe fakalielia‘i a hoku huafa maonioni: bea e ilo e he hiteni ko Jihova au koe Toko Taha Maonioni i Isileli.

¶ 8 Oku behe e Jihova koe Otua, Vakai kuo hokojia ia, bea kuo oji hono fai; koe aho eni aia naaku folofola ki ai.

9 Bea e alu atu akinautolu oku nofo i he gaahi kolo o Isileli, bea te nau tutu ke vela ae gaahi mahafu, ae ba moe fakaū, ae kaufana bea moe gahau, ae tao nonou, bea moe gaahi tao, bea te nau tutu ia i he afi i he ta‘u e fitu.

10 Koia ia e ikai fetuku ai ha fefie mei he vao, be fai ha taaga mei he vao lahi; he te ne tutu ae mahafu i he afi; bea te nau vete akinautolu nae vete akinautolu, mo kaihaa meiate kinautolu nae kaihaaji meiate kinautolu, oku behe e Jihova koe Otua.

¶ 11 Bea e hoko o behe i he aho koia, teu foaki kia Koki ae botu ogoogo, koe tanuaga i Isileli, koe telea ae kau fonoga oku alu ki he botu fakahahake mei he tahi: e kuku ai ae ihu oe kau fonoga: bea te nau tanu i ai a Koki mo ene kakai kotoabe: bea te nau ui ia koe telea o Hamoni Koki.

12 Bea koe mahina e fitu moe tanu akinautolu e he fale o Isileli, koeuhi ke nau fakamaa ai ae fonua.

13 Io, e kau kotoabe ae kakai kotoabe oe fonua i he tanu akinautolu; bea e hoko koe mea ogoogolelei lahi ae aho koia e fakaogolelei‘i au, oku behe e Jihova koe Otua.

14 Bea te nau vahe mai ha kau tagata ke gaue mau be mo alu atu i he fonua, ke nau kau taha moe kakai fonoga ke tanu akinautolu oku kei toe i he fuga oe fonua, kae fakamaa ia: te nau kumi behe oka hili ae mahina e fitu.

15 Bea ko kinautolu oku fonoga atu i he fonua, ka nau ka jio ki ha hui‘i tagata te nau fokotuu ha fakailoga i he botu koia, kae oua ke tanu ia i he telea o Hamoni Koki e he kau haatufuga.

16 Bea e ui foki ae kolo ko Hamoni. E behe e nau fakamaa ae fonua.

¶ 17 Bea ko koe foha oe tagata, oku behe e Jihova koe Otua; Lea ki he faahiga manu buna kotoabe, bea ki he manu kotoabe oe vao, o behe, Fakataha mai akimoutolu, bea ha‘u; fakataha mai akimoutolu mei he botu kotoabe ki he eku feilaulau, aia oku ou feilaulau aki ma amoutolu, io, ae feilaulau lahi i he gaahi mouga o Isileli, koeuhi ke mou kai kakano, mo inu ae toto.

18 Te mou kai ae kakano oe kakai ogoogo, mo inu ae toto oe houeiki o mamani, ae faga sibi tagata moe faga lami, moe faga koji, moe faga bulu, koe faga manu jino kotoabe mei Besani.

19 Bea te mou kai gako kae oua ke mou fiu, bea te mou inu ae toto kae oua ke mou kona, i he feilaulau koia kuou feilaulau aki ma amoutolu.

20 E behe a hoo mou makona mei he eku keinagaaga i he faga hose, moe jaliote, fakataha moe kau tagata ogoogo, moe kau to‘a kotoabe oe tau, oku behe e Jihova koe Otua.

¶ 21 Bea teu tuku a hoku nāunāu i he lotolotoga oe hiteni, bea e mamata ae hiteni kotoabe ki he tautea kuou fai, bea moe hilifaki a hoku nima kiate kinautolu.

22 Koia e ilo ai e he fale o Isileli, ko au Jihova ko ho nau Otua, mei he aho koia o fai ki mui.

23 Bea e ilo e he hiteni koe mea i he agahala, nae alu ai ae fale o Isileli ki he bobula: koeuhi naa nau fai hala kiate au, koia naaku fufu ai hoku mata meiate kinautolu, beau tuku akinautolu ki he nima o ho nau gaahi fili: koia ne nau higa ai kotoabe i he heleta.

24 Kuou fai kiate kinautolu, beau fufu hoku mata meiate kinautolu, o fakatatau ki he e nau fakalielia, bea hage koe nau gaahi agahala.

¶ 25 Koia oku behe ai e Jihova koe Otua; Koeni, teu toe omi mei he bobula a Jekobe, bea teu aloofa ki he fale kotoa o Isileli, bea teu fuaa, koeuhi ko hoku huafa maonioni;

26 Oka hili e nau fua e nau ma, moe nau mea kovi kotoabe, aia kuo nau fai kovi ai kiate au, lolotoga e nau nofo fiemalie i ho nau fonua, bea ikai ha taha ke nau manavahe ki ai.

27 O kau ka omi akinautolu mei he kakai, mo tanaki mai akinautolu mei he fonua oe fili, bea ka fakaogoogolelei‘i au iate kinautolu i he ao oe gaahi buleaga lahi;

28 Te nau toki ilo ko au Jihova, ko ho nau Otua, naaku tuku akinautolu ke nau alu bobula ki he hiteni: ka kuou tanaki akinautolu ki ho nau fonua onautolu, bea oku ikai kei tuku i ai ha nau toko taha.

29 Bea e ikai teu toe fufu hoku mata meiate kinautolu: he oku behe e Jihova koe Otua, kuou liligi hoku laumalie ki he fale o Isileli.