¶ 1 NAA ne toe behe mai kiate au, Foha oe tagata, kai aia oku ke ma‘u; kai ae takaiga tohi ni, bea alu o lea ki he fale o Isileli.

2 Koia naaku fakamaga hoku gutu, bea naa ne bule keu kai ae takaiga tohi na.

3 Bea naa ne behe kiate au, Foha oe tagata kai ki loto, bea fakafonu ho loto fatu aki ae takaiga tohi ni kuou foaki kiate koe. Koia naaku toki kai ia; bea nae melie ia i hoku gutu o hage koe honi.

¶ 4 Bea naa ne behe kiate au, Foha oe tagata, alu bea ke hoko atu ki he fale o Isileli, bea lea aki kiate kinautolu a eku gaahi lea.

5 He oku ikai fekau koe ki ha kakai oku le‘o kehe me lea ilogataa, ka koe fale o Isileli.

6 O ikai ki ha kakai toko lahi oku lea kehe mo lea ilogataa, aia oku ikai te ke ilo ki he e nau lea. Koe mooni ka neu fekau koe kiate kinautolu, behe kuo nau fanogo kiate koe.

7 Ka oku ikai fie fanogo e he fale o Isileli kiate koe: he naa mo au oku ikai te nau fanogo: he kuo fielahi mo loto fefeka ae fale kotoabe o Isileli.

8 Vakai, kuou fakamalohi ho mata oou ki ho nau mata, bea malohi mo ho foi la‘e ki ho nau foi la‘e.

9 Hage koe taiamoni oku fefeka lahi i he makaafi, kuou gaohi ke behe ho foi la‘e: oua e manavahe kiate kinautolu, bea oua e manavahe ki he e nau jio, ka koe fale agatuu mooni akinautolu.

10 Bea naa ne behe mai foki kiate au, Foha oe tagata, ke ke ma‘u ki ho loto a eku gaahi lea kotoabe oku ou lea aki kiate koe, bea fanogo mai ho teliga.

11 Bea ke alu, alu koe kiate kinautolu oku bobula, ki he fānau a hoo kakai, bea ke lea kiate kinautolu, bea tala ki ai, Oku behe e Jihova koe Otua; be te nau fanogo, be te nau tae kataki‘i.

12 Hili ia nae ave au e he laumalie bea naaku fanogo ki he le‘o mei hoku tua o hage koe uulu lahi, nae behe, Ke monuia ae nāunāu o Jihova i hono afioaga.

13 Bea  naaku fanogo foki ki he kabata ae kabakau oe gaahi mea moui, aia nae feuutaki, moe logoaa oe gaahi teka nae fehagai mo kinautolu, moe uulu oe mumuhu lahi.

14 Koia ne hiki au e he laumalie o ne ave au, bea naaku alu i he mamahi moe lili a hoku laumalie, ka nae malohi iate au ae nima o Jihova.

¶ 15 Koia naaku ha‘u ai kiate kinautolu oku bobula i Telabibi nae nofo ki he vaitafe ko Kiba, bea naaku nofo i ho nau nofoaga o tatali ofi ai iate kinautolu i he aho e fitu.

16 Bea i he ene hoko ki he fakaoji oe aho e fitu, nae hoko mai kiate au ae folofola a Jihova, o behe,

17 Foha oe tagata, kuou tuku koe koe leo ki he fale o Isileli: koia ke ke fanogo ki he lea mei hoku gutu, bea valoki‘i akinautolu meiate au.

18 O kau ka behe ki he agahala, Koe mooni te ke mate; ka oku ikai te ke valoki, be lea ke fakatafoki ae agahala mei hono hala kovi, kae hao ai ene moui; e mate mooni i he ene agahala ae agahala koia; ka ko hono toto teu eke ia kiate koe.

19 Ka koeni, kabau te ke valoki ae agahala, bea oku ikai tafoki ia mei he ene kovi, mo hono hala kovi, e mate ia i he ene agahala, ka kuo ke fakaataatā ho laumalie oou.

20 Mo eni, Oka liliu ha tagata maonioni mei he ene maonioni bea fai agahala, beau ai ha tūkiaaga i hono ao, e mate ia: e mate ia i he ene agahala bea e ikai manatu‘i ae maonioni aia naa ne fai, ka koe mea i hoo tae valoki kiate ia, teu eke mei ho nima a hono toto:

21 Ka koeuhi, kabau te ke valoki ae maonioni, ke oua naa fai hala ae maonioni, bea oku ikai ai te ne fai agahala, koe mooni te ne moui, koeuhi kuo takitala‘i; bea kuo ke fakaataatā foki ho laumalie.

¶ 22 Bea nae ai kiate au ae nima O Jihova i ai; o ne behe kiate au, Tuu, bea alu atu ki he toafa, bea teu lea ai kiate koe.

23 Koia naaku tuu hake, mo alu atu ki he toafa: bea vakai nae tuu i ai ae nāunāu o Jihova, o hage ko hono nāunāu naaku mamata ai i he botu vaitafe o Kiba: bea naaku tomabee ki hoku mata.

24 Bea nae toki hu ae laumalie kiate au o ne fokotuu au ki hoku va‘e, o ne folofola kiate au, o ne behe kiate au, Alu, bea tabuni koe i ho loto fale.

25 Ka ko koe, E foha oe tagata, vakai te nau ai kiate koe ae gaahi ha‘i, o nau ha‘i aki koe, bea e ikai te ke fou atu kitua iate kinautolu:

26 Bea teu gaohi ke biki ho elelo ki ho oaoi gutu, bea te ke noa, bea e ikai te ke hoko koe valoki kiate kinautolu: he koe fale agatuu akinautolu.

27 Ka i he eku lea kiate koe, teu faai ho gutu, bea te ke tala kiate kinautolu, Oku behe e Jihova koe Otua; Koia oku fanogo, tuku ke ne fanogo bea koia oku taofi tuku ke ne taofi he koe fale agatuu akinautolu.