¶ 1 BEA ko koe, foha oe tagata, too kiate koe ha hele majila, too kiate koe ae tele ae tagata tele kava, bea ke tele aki ia ho ulu mo hoo halakava: bea ke toki too ae mea fakatatau ke fakamamafa mo vahevahe ae louulu.

2 Te ke tutu aki ae afi a hono vahe e taha i he lotolotoga oe kolo, oka kakato ae gaahi aho o hono kabui: bea te ke ave hono vahe e taha mo ke ta‘i ia aki ha hele: bea ke li hono vahe e taha ke viligia i he matagi; bea teu toho ha heleta mo tuli aki akinautolu i mui.

3 Bea te ke too foki ha tuoni louulu jii, o nonoo ia i he kaba o ho kofu.

4 Bea toe too ia, o li ki he loto afi, ke vela i he loto afi; he koia e hoko mei ai ae afi ki he fale kotoa o Isileli.

¶ 5 Oku behe mai e Jihova koe Otua; Ko eni a Jelusalema: kuou fokotuu ia i he lotolotoga oe gaahi buleaga moe gaahi fonua oku tuu takatakai i ai.

6 Bea kuo ne liliu mei he eku maonioni ke agahala lahi hake i he gaahi buleaga, bea mei he eku gaahi fekau, o lahi hake i he gaahi fonua oku tuu takatakai iate ia: he kuo nau liaki eku maonioni, mo eku gaahi fekau o ikai te nau aeva ai.

7 Koia oku behe ai e Jihova koe Otua, koeuhi kuo ke fakaaau o toko lahi hake i he gaahi buleaga oku takatakai iate koe, o ikai aeva i he eku gaahi fekau, be ma‘u eku maonioni, be fai ke hage maonioni ae gaahi buleaga oku takatakai iate koe;

8 Koia oku behe ai e Jihova koe Otua, Vakai, ko au, io ko au, oku tuu kiate koe, bea teu fai ae tautea kiate koe i he ao oe gaahi buleaga.

9 Bea teu fai iate koe aia oku heeki teu fai, be teu toe fai ki mui hano tatau, koeuhi ko hoo gaahi fakalielia.

10 Koia e kai ai e he gaahi tamai a ho nau gaahi foha i loto iate koe, bea kai e he gaahi foha e nau gaahi tamai: bea teu fai ae fakamalaia iate koe, bea koe toega iate koe teu viligia atu ki he feituu matagi kotoabe.

11 Koia oku behe e Jihova koe Otua, oku ou moui, bea koe mooni koe mea i hoo fakalielia aki hoku fale tabu a hoo gaahi mea fakalielia mo hoo gaahi gaue uli, koia teu fakaaau ai koe ki mui; bea e ikai mamae hoku mata, bea e ikai iate au ha manavaofa.

12 Koe vahe e taha iate koe e mate i he mahaki fakaauha, bea te nau auha hogea i loto iate koe; bea ko ho vahe e taha e to hifo takatakai iate koe i he heleta: bea ko hono vahe e taha teu viligia ki he feituu matagi kotoabe bea teu tuli aki akinautolu ae heleta.

13 E behe ae hoko a eku houhau, bea teu tuku a eku houhau ke nofo kiate kinautolu, bea teu fiemalie ai: bea te nau ilo ko au ko Jihova kuo lea aki eni i he eku fakamoomooni, o kau ka fakaoji eku tubutamaki kiate kinautolu.

14 Bea teu gaohi foki koe ke lala bea koe manukiaga oe gaahi buleaga oku takatakai iate koe, i he ao okinautolu kotoabe oku aluage iate koe.

15 Koia e hoko ai ia koe manukiaga moe taukaeaga, bea koe ako moe fakaofo ki he gaahi buleaga kotoabe oku takatakai iate koe, o kau ka fai ae fakamalaia iate koe i he tubutamaki moe houhau moe valoki kakaha. Ko au ko Jihova kuou lea aki eni.

16 O kau ka fakahoko kiate kinautolu ae gahau fakakona oe hoge, aia koe auhaaga, aia teu tuku atu ke fakaoji akimoutolu: bea teu fakalahi ae hoge kiate kimoutolu bea teu feji‘i ae tokotoko oe ma:

17 E behe eku fekau atu kiate kimoutolu ae hoge moe faga manu fekai, bea te nau fakatokojii akimoutolu; bea e alu atu iate koe ae mahaki fakaauha moe toto; bea teu fakato hifo kiate koe ae heleta, Ko au ko Jihova oku lea aki eni.