¶ 1 NAE hoko mai foki ae folofola a Jihova kiate au, o behe,

2 Ko koe foki koe foha oe tagata, oku behe e Jihova koe Otua ki he fonua o Isileli; Koe gataaga, io, koe gataaga kuo hoko mai ki he feituu e fa oe fonua.

3 Koeni, kuo hoko ae gataaga kiate koe, bea teu tuku atu a hoku houhau kiate kimoutolu, bea teu fakamāu‘i koe o hage ko hoo gaahi faiaga, bea teu totogi kiate koe a hoo gaahi fakalielia.

4 Bea e ikai mamae a hoku fofoga, be teu manavaofa: ka teu totogi hoo gaahi hala kiate koe, bea e i loto iate koe hoo gaahi fakalielia: bea te mou ilo ko au ko Jihova.

5 Oku behe e Jihova koe Otua, Vakai kuo hoko ae kovi ki he kovi.

6 Kuo hoko ha gataaga, io, kuo hoko ae gataaga; oku ne lamaji aki koe, bea vakai kuo hoko ia.

7 Kuo hoko ae bogibogi kiate koe, akoe oku nofo i he fonua: kuo hoko hono kuoga, kuo ofi ae aho oe mamahi, bea oku ikai koe lea talia mai be ia mei he gaahi mouga.

8 Koeni, oku toetoe jii bea teu liligi atu hoku houhau kiate koe, bea fai ke oji eku houhau kiate koe: bea teu fakamāu‘i koe o fakatatau ki hoo gaahi hala, bea teu totogi koe i hoo gaahi fakalielia.

9 Bea e ikai mamae a hoku mata, be teu manavaofa; teu totogi koe o fakatatau ki ho gaahi aluaga, mo hoo gaahi fakalielia i loto iate koe; bea te mou ilo ko au ko Jihova oku ta.

10 Vakai ki he aho, vakai kuo hoko ia: kuo hokojia ae bogibogi; kuo moto ae vaa, kuo litolito ae fielahi.

11 Kuo tubu ae fakamalohi koe vaa oe fai kovi: e ikai ha toe iate kinautolu be koe nau toko lahi, be ha mea e taha anautolu: bea e ikai tegihia akinautolu.

12 Kuo hoko hono kuoga, kuo ofi ae aho: oua naa fiefia aia oku fakatau mai, be mamahi aia oku fakatau atu: he kuo nofo ae houhau ki hono kakai kotoabe.

13 Ne ogo ae moui aana oku fakatau e ikai foki mai ia ki he mea kuo fakatau: he koe kikite oku kau ki hono kakai kotoabe e ikai foki mai; bea e ikai toe taulaga ha taha i he kovi kuo ne fai i he ene moui.

14 Kuo nau ifi ae mea lea, io koe fai ke teuteu‘i: ka oku ikai ha niihi e alu ki he tau: he oku nofo hoku houhau ki hono kakai.

15 Oku i tuaa ae heleta, bea oku i lotoa ae mahaki fakaauha moe hoge: koia oku i he goue e mate i he heleta; bea koia oku i loto kolo e keina ia e he mahaki fakaauha bea moe hoge.

¶ 16 Ka ko kinautolu e hao iate kinautolu e hao be, bea te nau i he gaahi mouga o hage koe lube oku tagi, e taki taha tagi i he ene kovi.

17 E vaivai ae nima kotoabe, bea e tatau moe vai ae tui kotoabe.

18 Bea te nau ai foki ae tauagaa, bea e taomia akinautolu i he ilifia, bea e ma ho nau mata kotoabe, bea e tekefua ho nau ulu kotoabe.

19 Te nau laku ki he hala ae nau siliva, bea e hoko e nau koula ke tatau moe mea uli: e ikai faa fakahaofi aki akinautolu e nau siliva moe nau koula i he aho oe houhau o Jihova: e ikai fiemalie ai ho nau laumalie, be makona ai ho nau fatu: he koe tūkiaaga ia oe nau hia.

¶ 20 Koe matamatalelei o hono teuga, nae ai ia moe nāunāu lahi: ka naa nau gaohi mei ai e nau gaahi fakatātā fakalielia moe nau gaahi mea kovi: koia kuou tuku ia ke mamao iate kinautolu.

21 Bea teu tuku ia ki he nima oe kakai muli ke ma‘u fakakaihaa, bea ki he agakovi o mamani koe mea vete; bea te nau fakalielia‘i ia.

22 Bea teu tafoki hoku fofoga iate kinautolu, bea te nau fakalielia‘i a hoku botu tabu, koeuhi e hu ki ai ae kau kaihaa o fakakovi‘i ia.

¶ 23 Gaohi ha maea ukamea: he oku fonu ae fonua i he toto oe agahala, bea bito moe kolo i he fakamalohi.

24 Koia ia teu omi ai ae fugani kovi mei he hiteni, bea te nau ma‘u ho nau gaahi fale: teu gaohi foki ke gata ae fakaeieiki oe kau malohi; bea e fakauli‘i a ho nau gaahi botu tabu.

25 Oku ha‘u ae fakaauha; bea te nau kumi ae melino, kae ikai ia.

26 E hoko ae kovi ki he kovi, moe ogoogo ki he ogoogo; te nau toki kumi ha kikite mei he balofita; ka e mole ae fono mei he taulaeiki moe fakakaukau mei he kau mātua.

27 E tagi mamahi ae tu‘i, bea e kofu aki e he houeiki ae malaia bea e bubutuu ae nima oe kakai i he fonua: teu fai kiate kinautolu ke tatau moe nau aga, bea teu fakamāu ke totonu kiate kinautolu; bea te nau ilo ko au ko Jihova.