Kusaidia Kama Yesu

Yesu Alishiriki na Wengine

Baada Yesu kufufuka, aliwaona wanafunzi wake wakivua samaki kwenye mashua. Hawakuwa wamekamata samaki yeyote. Yesu akawaambia watupe jarife upande mwingine wa mashua. Walivua samaki wengi sana hadi nyavu zao zikawa nzito sana! Kisha wanafunzi wakaandamana na Yesu kwenye nchi kavu. Walikaa Naye kando ya moto. Yesu alishiriki mkate na samaki pamoja nao. Alimwuliza Petro, “Je, unanipenda?” Kisha akasema “Lisha kondoo wangu.” Hiyo inamaanisha kwamba alimtaka Petro kushiriki injili pamoja na wengine. Tunaweza kuonyesha upendo kwa Yesu kwa kushiriki na wengine, kama Alivyofanya.

Unaweza kusoma hadithi hii katika Yohana 21:3–17.

Naweza Kushiriki

• Ni kitu gani unaweza kushiriki na mtu mwingine?

• Sali na uunde mpango wa kusaidia.

• Tekeleza mpango wako!

• Kata kadi hii ili ikukumbushe kuendelea kuwasaidia wengine kama alivyofanya Yesu.

Je, ni kwa jinsi gani wewe unajaribu kuwasaidia wengine kama Yesu alivyofanya? Andika na utuelezee.

Nilisaidia kutengeneza biskuti kwa ajili ya jirani zetu wageni. Mwanamke alizungumza Kiarabu tu, lakini alitualika ndani. Tulikaa pamoja na kufahamiana hata ingawa hatukuzungumza lugha moja. Alikuwa mkarimu sana, na ilinifanya nihisi vizuri ndani.

Grayson C., umri wa miaka 5, Abu Dhabi, Muungano wa Falme za Kiarabu

Kielelezo na Kamille Corry