Jilinde Mwenyewe

a boy standing in front of road signs

Unapaswa kuwatendea watoto wote wa Baba wa Mbinguni kwa ukarimu na heshima. Pia unapaswa kutarajia wengine wakutendee vivyo hivyo. Mtu akijaribu kukudhuru kwa maneno au vitendo, si SAWA!

Ikiwa unahisi kuwa hauko salama …

1. Sema hapana.Huhitajiki kufanya chochote unachohisi kuwa si sahihi au kinachokukosesha amani. Ni SAWA kusema hapana.

2. Sikiliza hisia zako. Roho Mtakatifu anatupa maonyo tulivu ya kutusaidia kuwa salama. Ikiwa unahisi kuwa kuna tatizo, usishiriki na jaribu kuondoka ukiweza.

3. Usitunze siri za kuumiza. Kuna tofauti kati ya jambo la kushtukiza la furaha na siri ya kuumiza. Hupaswi kamwe kutunza siri ya kuumiza, hata ikiwa uliahidi.

4. Mwambie mtu mzima unayemwamini. Jambo baya likitendeka au ukihisi woga, mwambie mtu anayeweza kukusaidia moja kwa moja, kama vile mzazi, mwalimu, au kiongozi wa Kanisa.

Je, ni nani unayeweza kuzungumza naye ukiwa na tatizo? Andika orodha ya watu wa kuaminika hapa:

Kumbuka …

• Wewe unapendwa na ni wa muhimu!

• Si kosa lako mtu akifanya uamuzi wa kukuumiza.

• Hauko peke yako. Kuna watu ambao wanaweza kukusaidia.

• Baba wa Mbinguni na Yesu Kristo wanajua jinsi unavyohisi. Wanaweza kukusaidia.

Vielelezo na Jennifer Bricking