Siʻi Ngaahi Mātuʻa,
Tatau ai pē ho taʻu motuʻá, tuʻunga tangata pe fefiné, matakalí, pe fuoloa ho kau mai ki he Siasí, ko e lakanga fakataulaʻeikí maʻau! Mahalo ʻe ʻi ai ha ngaahi fehuʻi hoʻo fānaú fekauʻaki mo e founga ʻoku ngāue ai e lakanga fakataulaʻeikí ʻi he Siasí pea ʻi heʻenau moʻuí. Talanoa kiate kinautolu fekauʻaki mo e founga kuó ne tāpuekina ai koe mo hoʻo fāmilí. Tokoni ke nau ʻiloʻi e founga ʻoku tāpuekina ai foki mo kinautolú. Akoʻi kiate kinautolu e founga ʻe lava ke nau maʻu ai e mālohi ʻo e lakanga fakataulaʻeikí ʻi heʻenau moʻuí. Te ke lava ʻo fakaʻaongaʻi ʻa e ngaahi peesi ko ʻení ke kamata ai:
-
Ko ha pōpoaki mei he palōfitá mo ha ʻekitivitī fekauʻaki mo e lakanga fakataulaʻeikí (peesi 2–3)
-
Ko ha talanoa fekauʻaki mo e founga ʻe lava ke ʻomi ai ʻe he tāpuaki ʻo e lakanga fakataulaʻeikí ʻa e melinó mo e mālohí (peesi 26)
-
Ko ha peesi fekauʻaki mo e founga ʻoku tāpuekina ai ʻe he lakanga fakataulaʻeikí ʻa e houʻeiki fafine mo tangata (peesi 34)
Tuʻa ʻofa atu,
Ko e Kaumeʻá