Si‘i Kaungāmeʻa,
Ko ho sinó ko ha meʻaʻofa mei he Tamai Hēvaní. Naʻá Ne ʻomi ʻa e Lea ʻo e Potó ke akoʻi kitautolu ki he founga ke tauhi ai hotau sinó ke moʻui lelei mo mālohí.
ʻOku finangalo foki ʻa e Tamai Hēvaní ke tau tokangaʻi hotau ʻatamaí mo e laumālié. ʻOkú Ne finangalo ke tau fiefia mo moʻui lelei ʻi he tapa kotoa pē! Vakai ki he peesi 24 ke ako e founga ki hono tokangaʻi koé. Te ke lava foki ʻo lau ha talanoa ʻi he peesi 42.
Tokangaʻi lelei koe!
Ko e Kaumeʻá
Feituʻu ‘Okú Ma Lau Ai ʻa e Kaumeʻá
ʻOku lau ʻe Siani Hao, Sī Uī, mo Sī Ingi J., taʻu 10, 5, mo e 8, ʻa e Kaumeʻá ʻi he lea faka-Potukalí ʻi Penamipuko, Palāsila.
ʻOku ou Saiʻia he Sio ki he Temipalé
Naʻe ʻaʻahi ʻa Noa F., taʻu 8, ki he Temipale Pelesitoni ʻIngilaní.
Ngaahi Kaungāmeʻa Foʻou
Naʻá ku manavasiʻi he ʻikai ke ʻi ai haʻaku kaungāmeʻa foʻou ʻi heʻemau hiki ki Kōlea Tongá. ʻI heʻeku lau ʻa e Kaumeʻá, naʻá ku sio kia Meti ʻokú ne pukepuke ʻa e fuka Kōlea Tongá ʻi he ʻekitivitī “Kumi Ia!” (ʻEpeleli 2020). Naʻe pehē ʻe Meti, “Tatau ai pē pe ko fē feituʻu te ke ʻalu ki ai ʻi he māmaní, ʻoku tatau pē ʻa e Palaimelí.” Naʻá ku ongoʻi ne folofola mai ʻa e Tamai Hēvaní naʻe moʻoni ʻa Meti pea te u lava ʻo ʻalu ki he Palaimeli ʻi Kōlea Tongá pea maʻu ha ngaahi kaungāmeʻa!
ʻAlisi W., taʻu 10, Kiongikī-tū, Kōlea Tonga