Ko e hā ʻOkú Ke Fakakaukau Ki Aí?

Naʻe toki hoko hoku tuongaʻané ko ha tīkoni pea ʻokú ne lava ʻo tufa ʻa e sākalamēnití he taimí ni. ʻOku ou fifili ai: ko e hā e kaunga ʻa e lakanga fakataulaʻeikí kiate au ko ha taʻahiné?

—Fifili ʻi Uēlesi

ʻAlā Siʻi Fifili,

Ko e lakanga fakataulaʻeikí ko e mālohi ia ʻo e ʻOtuá ke tāpuakiʻi mo tokoniʻi kotoa ʻEne fānau ʻi he māmaní. ʻOku kau ai mo koe! ʻE lava ʻa e fānau tangatá mo e kakai tangatá ʻo tokoniʻi e niʻihi kehé ʻaki ʻenau ngāue ʻi he ngaahi tuʻunga ʻo e lakanga fakataulaʻeikí hangē ko e tīkoni pe pīsope. Pea ʻoku foaki ki he fānau fefiné mo e kakai fefiné ʻa e mafai ʻo e lakanga fakataulaʻeikí ke ngāue ʻi he ngaahi uiuiʻi hangē ko e palesiteni fakakalasi ʻi he Finemuí pe faiako ʻi he Palaimelí.

ʻOku mahuʻinga tatau ʻa e kakai fefine mo tangata ʻi he palani ʻa e ʻOtuá. Tatau ai pē pe ko hai koe, ʻoku ʻi ai ha ngāue lahi ke ke fakahoko!

Ko e Kaumeʻá

Ko e ngaahi founga ʻeni te ke lava ʻo ngāue tokoni ai ʻi he Siasí. Ko e hā mo ha toe meʻa te ke lava ʻo fakakaukau ki ai?

• Kau ki he palesitenisī fakakalasi ʻi he Finemuí

• Hoko ko ha tokotaha fakamoʻoni ʻi ha papitaiso

• Tokoni ʻi he faiʻanga papitaiso ʻi he temipalé

• ʻAlu ʻo ngāue fakafaifekau taimi kakato

• Kau ki he palesitenisī fakakalasi ʻi he Finemuí pe Fineʻofá

• Ngāue ko ha tokotaha ngāue temipale

ʻOku ngāue ʻa e fānau fefine ko ʻení ʻi heʻenau palesitenisī fakakalasi ʻi he Finemuí. Te ke lava nai ʻo ʻiloʻi e ngaahi faikehekehe ʻe valu ʻi he ongo fakatātā ko ʻení?

Tā Fakatātā ʻa Dani Jones