Haʻu, ʻo Muimui ʻIate Au
Taimi Fiefia ʻi he Folofolá ma‘á e Fānau Īkí
ʻOku ʻalu fakataha ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.
Maʻá e Tokāteline mo e Ngaahi Fuakava 85–87: Hivaʻi leʻosiʻi ʻaupito ha himi pe hiva Palaimeli. Akoako tokanga ke fakafanongo pea mahino ʻa e foʻi hivá. Tokoniʻi hoʻo fānau īkí ke nau pehē, “Te u lava ʻo fakafanongo ki he Laumālie Māʻoniʻoní.”
Maʻá e Tokāteline mo e Ngaahi Fuakava 88: Tokoniʻi hoʻo fānau īkí ke nau pehē, “ʻOku finangalo ʻa e Tamai Hēvaní ke u ako.” Talanoa ki ha ngaahi meʻa lelei ʻoku tau ako he lotú mo e ʻapiakó. ʻAi hoʻo fānau īkí ke nau tā fakatātaaʻi ha meʻa kuo nau ako.
Maʻá e Tokāteline mo e Ngaahi Fuakava 89–92: ʻAi e kau mēmipa ʻo e fāmilí ke nau tā fakatātaaʻi ha ngaahi founga ke tauhi ʻaki honau sinó (hangē ko e kai e meʻakai moʻui leleí pe vaʻinga ʻi tuʻá). Tokoniʻi ho‘o fānau īkí ke nau pehē, “Te u lava ʻo tauhi hoku sinó.”
Maʻá e Tokāteline mo e Ngaahi Fuakava 93: Taufetongi ʻi hono taki e kau mēmipa ʻo e fāmilí ʻi ho falé pe ʻi ha feituʻu ʻi tuʻa. Kapau ʻoku fakapoʻuli, ʻai e takí ke ne fakaʻaongaʻi ha kasa pe ko ha maama ʻe taha. Talanoa ki he founga ʻoku tāpuakiʻi ai kitautolu ʻi heʻetau muimui ʻi he Fakamoʻuí. Tokoniʻi hoʻo fānau īkí ke nau pehē, “Te u lava ʻo muimui ʻia Sīsū Kalaisi.”
Tā fakatātā ʻa Alessia Girasole