Kau ʻAposetolo ʻi he funga ʻo e Māmaní
Ko e ʻAʻahi ʻa ʻEletā Lasipeni ki ʻAfilika Tongá
ʻOku ngāue fakaetauhi ʻa e Kau ʻAposetoló ki he kakai ʻi he funga ʻo e māmaní pea akoʻi kinautolu fekauʻaki mo Sīsū Kalaisi.
ʻI Fēpueli 2020, naʻe ʻaʻahi ai ʻa ʻEletā Lānolo A. Lasipeni mo hono uaifi ko Melanií, ki ʻAfilika Tonga. Naʻe fakatapui ʻe ʻEletā Lasipeni ʻa e Temipale Tōpaní.
Naʻá ne tokoni ke fokotuʻu ʻa e makatulikí, ko e konga fakaʻosi ke fakakakato ʻa e temipalé. ʻOku fakamanatu mai ʻe he maka ko ʻení ʻa e founga ʻoku hoko ai ʻa Sīsū Kalaisi ko e makatuliki ʻo e Siasí.
ʻOku ʻasi ʻi he ʻū matapā sioʻata ʻo e temipalé ʻa e matalaʻiʻakau fakafonua ʻo ʻAfilika Tongá, ʻa e polouteá.
Naʻe haʻu ʻa e fānau fefine ko ʻení ki ha fakataha naʻe lea ai ʻa ʻEletā Lasipeni.
Naʻe feʻiloaki ʻa ʻEletā mo Sisitā Lasipeni mo e fānaú ʻi ha fakataha lotu.