Ko e Lea ʻo e Potó

Naʻe fakahoko ʻe Siosefa Sāmita ha ngaahi fakataha ke akoʻi e kakaí fekauʻaki mo e ongoongoleleí. Ko e taimi ʻe niʻihi naʻe ifi mo fakateka tapaka ʻa e kakai tangatá.

Naʻe hohaʻa heni ʻa ʻEma Sāmita. Naʻe fakatupu ʻe he ʻahú mo e tapaká ha ʻuli lahi, pea naʻe ʻikai ongo tonu ki ai. Naʻe fifili ʻa ʻEma mo Siosefa pe ko e hā e finangalo ʻa e ʻOtuá ki aí.

Naʻe lotu ʻa Siosefa, pea naʻe tali mai ʻe he ʻEikí. Naʻe fakatokanga ʻa e ʻEikí ki he kāingalotu ʻo e Siasí fekauʻaki mo e ifí mo e tapaká. Naʻá Ne folofola ʻoku ʻikai lelei ia ki hotau sinó. Naʻá Ne toe fakatokanga foki kiate kinautolu kau ki he inu tií, kofí pe kava mālohí.

Naʻe folofola ʻa e ʻOtuá ke kai ʻa e fuaʻiʻakaú, vesitapoló, mo e ngaahi meʻakai kehe fakatupu moʻui leleí. ʻOku tau ui ʻa e ngaahi akonaki ko ʻení ko e Lea ʻo e Potó.

Te u lava ʻo tauhi ʻa e Lea ʻo e Potó. ʻE tāpuakiʻi au ʻe he Tamai Hēvaní ʻi haʻaku tauhi lelei hoku sinó.

Tā fakatātaaʻi ʻe Apryl Stott