ʻOku saiʻia ʻa e fānau Palaimeli ko ʻeni ʻi Pavalia, Siamané, ke ako fekauʻaki mo e ngaahi temipale ʻi he funga ʻo e māmaní!
ʻĪmisi
A girl named Faith holding up her drawing of the temple
ʻOku ou saiʻia ke lau ʻa e ngaahi talanoa ʻi he Tohi ʻa Molomoná mo akoʻi ia ki hoku tuongaʻane siʻisiʻí. ʻOku ou ʻofa ʻi hoku fāmilí.
Tui M., taʻu 8, Tala ʻEsi Salami, Tanisenia
ʻĪmisi
A photo of Ethan Le Saux
ʻOku ou fakaʻamu ke ʻilo ʻe heʻeku ngaahi kuí ki he ongoongoleleí. ʻI heʻeku lotu fekauʻaki mo iá, ʻoku ou maʻu ʻa e nonga te nau lava ʻo ako lahi ange ʻi he maama tataliʻanga ʻo e ngaahi laumālié.
ʻĪfeni L., taʻu 9, Pilitanī, Falanisē
ʻĪmisi
A photo of Kenan Elekdag
Naʻe toloi hoku papitaisó lolotonga ʻa e mahaki fakaʻauha ko e COVID-19. Naʻá ku hohaʻa he ʻoku ʻikai kau ʻeku tamaí ki hotau Siasí pea ʻikai ke ne lava ʻo papitaiso au. Naʻe tali ʻe he Tamai Hēvaní ʻeku ngaahi lotú, pea naʻe papitaiso au ʻi tuʻa ʻi ha anovai. Ko hoku fāmilí pē naʻe lava ke nau haʻú, ka naʻe mālohi ʻaupito ʻa e Laumālié. Na‘á ku ongoʻi makehe mo ʻofeina.
Kīnani E., taʻu 8, Uāsingatoni, D.C., USA
ʻĪmisi
A photo of a young girl named Gwen
Naʻá ku lele mo hoku ngaahi kaungāmeʻá ʻi heʻemau kalasi fakamālohisino he akó. Naʻe kamata ke nau takuanoa ʻi he huafa ʻo e ʻEikí, pea ne u kole ange ke ʻoua naʻa nau fai pehē. Naʻa nau loto ki ai. ʻOku ou fiefia naʻá ku poupou ki he meʻa ne u ʻilo ʻoku totonú.
Kueni B., taʻu 10, Monitana, USA
ʻĪmisi
A young boy named Carter with a soccer ball
Naʻá ku ʻā hake mei heʻeku mohé mo ha fakakaukau kovi. Ne ʻohovale pē kuó u maʻu ha fakakaukau ke u talaange ki heʻeku faʻeé. Naʻá ne talamai ko e founga ke tokoni ai ke u liʻaki ʻa e ngaahi fakakaukau ko iá, ko e sio ki he ngaahi meʻa leleí pea puʻaki leʻolahi ia. ʻOku ou ʻilo ʻoku malava ʻa e meʻa kotoa pē ʻi he tokoni ʻa e Tamai Hēvaní!
Kata R., taʻu 9, Uāsingatoni, USA
ʻĪmisi
Mae Bragg - Piano Prayer
Naʻe hoko ha vela lahi ʻi ha feituʻu ofi mai. Naʻa mau tānaki ha ʻū meʻa maʻá e kakai ne mole honau ngaahi ʻapí. Naʻe fehuʻi mai ʻe heʻeku faʻeé pe ʻoku totonu nai ke mau foaki ʻemau piano kīpooti ʻuhilá. Naʻe ʻikai ke u loto ki ai, ka naʻá ku fai ha lotu ke tokoniʻi au ke u fai ha fili. Hili ʻeku lotú, ne u fakakaukau ki ha taha naʻe mole ʻene pianó pea naʻá ne fakaʻamu ke maʻu ia. Naʻá ku fili ke foaki atu ʻemau kīpōtí. Naʻá ne ʻai ke u ongoʻi fiefia ke vahevahe.