Manome Tanana manerana izao tontolo izao
Mifankafantatra amin’i Porter avy any Pologne
Avy amin’ny fanadihadiana niarahana tamin’i Amie Jane Leavitt
Fantaro ireo ankizy ao amin’ny Kilonga manampy ny hafa, tahaka ny nataon’i Jesoa.
Ny mombamomba an’i Porter
Taona: 10
Avy any: Etazonia ary monina any Pologne
Fiteny: Anglisy ary mianatra fiteny Frantsay
Fianakaviana: Dada, Neny, rahalahy: Ethan, Mason, sy Connor, ary alika iray antsoina hoe Ginger
Tanjona sy nofinofy: Ho lasa dokoteram-biby sy hikarakara biby.
I Porter manome tanana
I Porter dia mijery foana ireo zavatra madinika izay azony hanampiana ny hafa. Ao an-trano izy dia manampy ireo ray aman-dreniny amin’ny fikarakarana sakafo ho an’ny fianakaviana. Any an-tsekoly dia maka antoka izy fa milalao tsara daholo ny tsirairay indrindra ireo ankizy izay mazàna hadinodino. Manampy amin’ny fitandremana ireo kilalao fialana voly izy na dia tsy milalao an’izany akory aza. Manao zavatra hanampiana ireo biby ihany koa izy. Mpikambana ao anatina fikambanana ao an-tsekoly izy izay manamboatra kilalao ho an’ny alika tezaina any amin’ny mpiahy ny biby.
I Porter ihany koa dia nanampy tamin’ny fandraisana anjara tamin’ny tetikasa BillionGraves. Nankeny amin’ny fasana izy sy ny fianakaviany ary naka sary ireo soratra teo amin’ny fasana. Nanampy tamin’ny fakana ireo sary i Connor rahalahiny. Avy eo dia alefan’izy ireo tany amin’ny tranonkalana misahana ilay tetikasa ireo sary. Ireo sary ireo dia hanampy olona maro be manerana izao tontolo izao izay mikaroka ny mombamomba ny razamben’izy ireo avy ao Pologne.
Ireo zavatra tian’i Porter
Toerana: Virginia, Etazonia sy Hersheypark ao Pennsylvanie, Etazonia
Tantara momba an’i Jesoa : Izy nampitony ny ranomasina
Hiran’ny Kilonga: “Gethsemane” (Mars 2018 L’Ami na Liahona)
Sakafo: Mandoo (Van-tan Koreana)
Loko: Volomparasy
Taranja any an-tsekoly: Vakiteny sy matematika
I Porter manampy amin’ny fakana sary eo amin’ny fasana ho an’ny tetikasa ny tantaram-pianakaviana maneran-tany.
Sary nataon’i C. B. Canga