Manampy toa an’i Jesoa

Nikarakara ireo marary i Jesoa

Na taiza na taiza nalehan’i Jesoa dia nikarakara ireo marary na voaratra Izy. Taorian’ny nitsanganany tamin’ny maty dia namangy ireo Nefita i Jesoa. Nangataka Izy mba hitondran’izy ireo izay narary sy voaratra teo Aminy. Nampahery azy ireo Izy. Nanasitrana azy ireo Izy. Feno fankasitrahana ireo olona noho ny nanampian’i Jesoa azy ireo.

Azonao vakina ao amin’ny 3 Nefia 17:5–10 io tantara io.

Tiako ny manompo! Tamin’ny fotoana namparary ny dadatoako dia nanampy tamin’ny fikarakarana ny sakany aho. Nanampy ny dadako nioty voanjo sy nitondra izany teny an-tsena koa aho.

Collin M., 7 taona, Georgia, Etazonia

Afaka mikarakara ireo marary aho

• Jereo raha toa ka misy olona fantatrao izay marary na voaratra.

• Mivavaha dia manaova drafitra mba hanampiana.

• Ataovy ny drafitrao!

• Hetezo ity karatra ity mba hampahatsiahivana anao hanohy hanampy toa an’i Jesoa.

Ahoana no fomba hiezahanao hanampy ny hafa, tahaka ny nataon’i Jesoa? Sorato dia lazao anay.

Sary nataon’i Jim Madsen.