Manome Tanana manerana izao tontolo izao
Fantaro i Alice avy any Fidji
Fantaro ireo ankizy ao amin’ny Kilonga manampy ny hafa, tahaka ny nataon’i Jesoa.
Ny mombamomba an’i Alice rehetra
Taona:10
Fiaviana: Teraka tany Chine ary mipetraka any Fidji ankehitriny
Fiteny: Sinoa sy Anglisy
Tanjona sy nofinofy: 1) Ho lasa mpanao sary hosodoko. 2) Hahay kokoa ny teny Anglisy amin’ny alalan’ny famakiana momba an’i Jesoa.
Fianakaviana: Dada, Neny, rahavavy sy anadahy
Ireo asa fanomezan-tanana ataon’i Alice
Dokotera ny renin’i Alice ary manome fanofanana momba ny vonjy aina ny rainy. Nanangana ekipana zatovo mpirotsaka an-tsitrapo i Alice sy ny fianakaviany mba hanampiana ireo olona ao amin’ny faritra misy azy ireo.
Voalohany dia nampiofana zatovo mihoatra ny 100 sy ny ray aman-drenin’izy ireo momba ny vonjy aina ny ray aman-dreniny. Nanampy tamin’izany koa i Alice. Manaraka izany dia nanangona akanjo fitafy mihoatra ny 3000 ho an’ny olona mahantra ilay ekipa. Nanangona kiraro maro ihany koa izy ireo.
Tena talanjona ny polisy teo an-toerana nahita ny asa nataon’izy ireo. Nanolotra latabatra ho ampiasaina eny amin’ny tsena izy ireo mba hanampiana ilay ekipa hanao asa soa bebe kokoa.
“Mino an’ Andriamanitra izahay,” hoy i Alice. “Noho izany dia manompo ny olon-drehetra izahay!”
Ireo zavatra tian’i Alice indrindra
Toerana: Amoron-dranomasina
Tantara momba an’i Jesoa: Rehefa nikasika ny akanjony ilay vehivavy teo anivon’ny olona marobe dia sitrana.
Hiran’ny kilonga: “Mba te ho misiônera aho izao” (Bokin-Kiran’ny Ankizy, 90)
Sakafo: Paty
Loko: Volomparasy
Taranja any an-tsekoly Matematika
Sary nataon’i Anthony Lewis