Manome Tanana manerana izao tontolo izao
Fantaro i Jarom avy any Mexique
Fantaro ireo ankizy ao amin’ny Kilonga manampy ny hafa, tahaka ny nataon’i Jesoa.
Ny mombamomba an’i Jarom rehetra
Taona: 10
Avy any: Mexico City, Mexique
Fiteny: Espaniôla
Tanjona sy nofinofy: 1) Ho lasa dokoteram-biby na psykôlôgy. 2) Manao sary tsara tarehy. 3) Mitondra ny hafa amim-panajana sy amin-katsaram-panahy.
Fianakaviana: Jarom, Neny, Dada, rahalahy zoky sy zandry anankiroa
Ireo asa fanomezan-tanana ataon’i Jarom
Manana alika kely anankitelo i Jarom. Isan’ny asa ataony ny mamahana azy ireo isan’andro. Tiany be mihitsy izy ireo. Olona mahay mihaino tsara sy misiônera ihany koa i Jarom. Rehefa fantany fa nodimandry ny dadaben’ny namany dia niantso ilay namany i Jarom. Nihaino azy i Jarom. Nankahery azy koa izy dia niresaka taminy momba ny drafitry ny Ray any An-danitra ho antsika.
Tian’i Jarom ho faly ireo namany. Matetika izy no miresaka amin’izy ireo momba ny Fiangonana sy manasa azy ireo hanatrika ireo fivoriana sy fiaraha-mientana. “Rehefa mivavaka ianao, dia tadidio ny namanao sy ny fianakavianao,” hoy i Jarom. “Mangataha hevitra ahafahanao manampy azy ireo.”
Ireo zavatra tian’i Jarom indrindra
Toerana: Ny toeram-pilalaovana sy ny trano fiangonana
Tantara momba an’i Jesoa Kristy: Tamin’Izy nanampy lehilahy jamba iray sy tamin’Izy nitsangana tamin’ny maty
Hira ao amin’ny Kilonga: “Rehefa atao batisa aho” (Bokin-kiran’ny ankizy, 53)
Sakafo: Lasopy Pozole, ovy nendasina, ary doughnuts
Loko: Manga sy volomparasy
Taranja any an-tsekoly: Tantara sy jeôgrafia
Sary naton’i Mike Laughead