« កំណត់ចំណាំសន្និសីទ » ប្រិយមិត្ត ខែ ឧសភា ឆ្នាំ ២០២៤ ទំព័រ ៥ ។
កំណត់ចំណាំសន្និសីទ
ការប្តេជ្ញាចិត្តដើម្បីធ្វើតាមសេចក្តីសញ្ញា
ប្រធាន អូក បានបង្រៀនថា សេចក្ដីសញ្ញាគឺជាការប្ដេជ្ញាចិត្តក្នុងការធ្វើអ្វីមួយជាក់លាក់ ។ ជាឧទាហរណ៍ ក្រុមគ្រូពេទ្យ និងពួកអ្នកពន្លត់អគ្គិភ័យធ្វើការប្ដេជ្ញាចិត្តក្នុងការបម្រើប្រជាជនដែលនៅក្នុងសហគមន៍របស់ពួកគាត់ ។ នៅពេលយើងធ្វើសេចក្ដីសញ្ញាជាមួយនឹងព្រះវរបិតាសួគ៌ ដូចជាពេលយើងទទួលបុណ្យជ្រមុជទឹកជាដើម នោះយើងសន្យាថានឹងបម្រើទ្រង់ ហើយគោរពតាមព្រះបញ្ញត្តិរបស់ទ្រង់ ។ ទ្រង់ប្រទានពរដល់យើង នៅពេលយើងរក្សាសេចក្ដីសញ្ញារបស់យើង ។
ការណ៍នេះបង្រៀនខ្ញុំ ៖
បន្ដអុំទៅមុខ
អែលឌើរ រិនឡាន់ បានប្រាប់អំពីដំណើរកំសាន្ដជិះទូកខៃយ៉ាកមួយ ដែលលោកបានជិះទូកទៅមុនឆ្ងាយពីគ្រួសាររបស់លោក ។ នៅពេលលោកឈប់ រលកមួយបានបោកធ្វើឲ្យលោកក្រឡាប់ធ្លាក់ទៅក្នុងទឹក ។ អ្នកមគ្គុទ្ទេសក៍បានប្រាប់លោកឲ្យបន្តអុំ ដើម្បីលោកអាចបន្តឆ្ពោះទៅមុខ និងមិនធ្លាក់ ។ ប្រសិនបើយើងបន្ដ « អុំ »ទៅមុខឆ្ពោះទៅរកព្រះអង្គសង្គ្រោះ យើងអាចនៅតែមានសេចក្ដីសុខ និងសុវត្ថិភាព ។
ការណ៍នេះបង្រៀនខ្ញុំ ៖
ការទទួលទីបន្ទាល់
ប្រធាន ភែស បានចែកចាយថា នៅពេលលោកមានអាយុ ១១ ឆ្នាំ ម្តាយរបស់លោកបានសួរអំពីរបៀបដែលលោកដឹងដោយខ្លួនឯងថាដំណឹងល្អគឺជាការពិត ។ លោកបានសម្រេចចិត្តអានព្រះគម្ពីរមរមន ហើយអធិស្ឋានដើម្បីដឹង ។ កាលលោកធ្វើដូច្នោះ លោកមានអារម្មណ៍លួងលោម និងសុខសាន្ដមកពីព្រះវិញ្ញាណបរិសុទ្ធ ។ ការណ៍នេះបានជួយលោកឲ្យទទួលបានទីបន្ទាល់ផ្ទាល់ខ្លួនរបស់លោក ។
ការណ៍នេះបង្រៀនខ្ញុំ ៖
ក្រួសចំនួនប្រាំដុំ
ស៊ិស្ទើរ ស្ពែននូស បានប្រាប់អំពីដំណើររឿងរបស់ដាវីឌ និងកូលីយ៉ាត ។ ដូចដែលដាវីឌមានក្រួសចំនួនប្រាំដុំដើម្បីប្រយុទ្ធនឹងកូលីយ៉ាត នោះមាន « ក្រួស » ចំនួនប្រាំដើម្បីជួយប្អូនៗប្រឈមមុខនឹងឧបសគ្គក្នុងជីវិតដែរ ។ ក្រួសទាំងនេះគឺសេចក្ដីស្រឡាញ់ចំពោះព្រះ សេចក្ដីជំនឿលើព្រះយេស៊ូវគ្រីស្ទ ការដឹងថាប្អូនៗជាកូនរបស់ព្រះ ការប្រែចិត្តប្រចាំថ្ងៃ និងការទទួលបានព្រះចេស្តារបស់ព្រះ ។
ការណ៍នេះបង្រៀនខ្ញុំ ៖
រចនារូបភាពដោយ ចស ថាលបូត